पुणे: लॉकडाऊनमध्ये ई-पास कसा मिळवाल?

पुणे: पुणे आणि पिंपरी-चिंचवड महापालिकांच्या हद्दीतून परराज्यांत किंवा अन्य जिल्ह्यांमध्ये जाणाऱ्या मजूर, विद्यार्थी, यात्रेकरू आणि अन्य व्यक्तींची यादी पोलीस आयुक्तालयांकडून नेमण्यात आलेल्या पोलीस उपायुक्तांकडून, तर जिल्ह्याच्या ग्रामीण भागात संबंधित तहसीलदारांकडून तयार करण्यात येत आहे. ही यादी पोलीस उपायुक्त आणि जिल्हाधिकारी कार्यालयाकडून संबंधित राज्ये किंवा जिल्ह्यांकडे पाठविण्यात येते.

तेथील जिल्हाधिकारी यांची परवानगी मिळाल्यानंतर पासेस देण्याची प्रक्रिया केली जाते. नागरिकांना https://covid19.mhpolice.in/ या लिंकवर क्लिक करून माहिती भरावी लागते.

covid19.mhpolice.in हीदेखील लिंक आहे. माहिती भरताना सध्याचा फोटो, फ्लू सदृश्य आजार नसल्याबाबतचे प्रमाणपत्र आणि आधारकार्ड जोडावे लागते.

समूहानं किंवा गटानं (१५-२० जण) जाणार असाल तर (सरकारी वाहनाने) संबंधित अर्जदारांची प्रशासनामार्फतच आरोग्य तपासणी केली जाते. त्यामुळं त्यांना वैद्यकीय प्रमाणपत्राची गरज भासणार नाही.

>> अर्ज भरल्यावर टोकन आयडी दिला जातो.

>> टोकन आयडीवरून अर्जाच्या सद्यस्थितीची माहिती समजते.

>> अर्ज मंजूर झाल्यानंतर टोकन आयडीद्वारे पास डाऊनलोड करता येतो.

>> वाहनांसाठी परवाना घ्यायचा असल्यास वाहनाविषयीची माहिती द्यावी लागते.

>> मूळ गावी जाताना पासची सॉफ्ट कॉपी किंवा हार्ड कॉपी ही सोबत ठेवाणे आवश्यक.

एसटीचा गोंधळ कायम; मोफत बस प्रवास सेवा अखेर स्थगित

एसटीच्या मोफत प्रवासाचे तीनतेरा; प्रवाशांकडून दुप्पट भाडे आकारणी