म. टा. प्रतिनिधी, पुणे
'पाकिस्तानी नाटक पाहू नको,' असे सांगितल्यानंतरही पत्नी ते पाहत असल्यामुळे पतीने पत्नीवर धारदार शस्त्राने वार केले. मार्केट यार्ड येथील मेहर क्लासिक सोसायटीत ही धक्कादायक घटना घडली. या प्रकरणी पतीवर स्वारगेट पोलिस ठाण्यात गुन्हा दाखल करत त्याला अटक केली आहे.
नर्गिस असिफ नायब (वय ३९ ,रा. मेहर क्लासिक सोसायटी, मार्केट यार्ड) असे जखमी झालेल्या महिलेचे नाव आहे. त्यांच्यावर खासगी रुग्णालयात उपचार सुरू आहेत. या प्रकरणी पती असिफ सत्तार नायब (वय ५०, रा. मार्केट यार्ड) याला अटक करण्यात आली आहे. पोलिसांनी दिलेल्या माहितीनुसार, नर्सिस व व आरोपी असिफ हे पती-पत्नी आहेत. त्यांना एक मुलगी व एक मुलगा आहे. असिफ यांचा जाहिरात होर्डिंग लावण्याचा व्यवसाय आहे. गेल्या काही दिवसापासून पती-पत्नीमध्ये कौटुंबिक कारणावरून वाद होत होते.
सोमवारी दुपारी त्यांची मुले क्लासला गेली होती. तेव्हा नर्गिस मोबाइलवर पाकिस्तानी ड्रामा पाहत होत्या. त्या वेळी बाहेरून आलेल्या पतीने त्यांच्यावर आरडाओरडा केला आणि रागाच्या भरात कोयत्याने वार केले. यामुळे त्यांच्या डोक्याला गंभीर जखम झाली असून, उजव्या हाताचा अंगठा तुटला आहे. नर्गिस यांनी आरडा-ओरडा केल्यामुळे घरातील कामवाली बाई बाहेर आली. तिने मोठ्याने आरडाओरड करण्यास सुरुवात केल्याने आरोपी पती तेथून पसार झाला. या प्रकरणी गुन्हा दाखल करून आरोपीला अटक करण्यात आली आहे. प्रकरणाचा तपास उपनिरीक्षक आर. सी. उसगावकर करीत आहेत.
'पाकिस्तानी नाटक पाहू नको,' असे सांगितल्यानंतरही पत्नी ते पाहत असल्यामुळे पतीने पत्नीवर धारदार शस्त्राने वार केले. मार्केट यार्ड येथील मेहर क्लासिक सोसायटीत ही धक्कादायक घटना घडली. या प्रकरणी पतीवर स्वारगेट पोलिस ठाण्यात गुन्हा दाखल करत त्याला अटक केली आहे.
नर्गिस असिफ नायब (वय ३९ ,रा. मेहर क्लासिक सोसायटी, मार्केट यार्ड) असे जखमी झालेल्या महिलेचे नाव आहे. त्यांच्यावर खासगी रुग्णालयात उपचार सुरू आहेत. या प्रकरणी पती असिफ सत्तार नायब (वय ५०, रा. मार्केट यार्ड) याला अटक करण्यात आली आहे. पोलिसांनी दिलेल्या माहितीनुसार, नर्सिस व व आरोपी असिफ हे पती-पत्नी आहेत. त्यांना एक मुलगी व एक मुलगा आहे. असिफ यांचा जाहिरात होर्डिंग लावण्याचा व्यवसाय आहे. गेल्या काही दिवसापासून पती-पत्नीमध्ये कौटुंबिक कारणावरून वाद होत होते.
सोमवारी दुपारी त्यांची मुले क्लासला गेली होती. तेव्हा नर्गिस मोबाइलवर पाकिस्तानी ड्रामा पाहत होत्या. त्या वेळी बाहेरून आलेल्या पतीने त्यांच्यावर आरडाओरडा केला आणि रागाच्या भरात कोयत्याने वार केले. यामुळे त्यांच्या डोक्याला गंभीर जखम झाली असून, उजव्या हाताचा अंगठा तुटला आहे. नर्गिस यांनी आरडा-ओरडा केल्यामुळे घरातील कामवाली बाई बाहेर आली. तिने मोठ्याने आरडाओरड करण्यास सुरुवात केल्याने आरोपी पती तेथून पसार झाला. या प्रकरणी गुन्हा दाखल करून आरोपीला अटक करण्यात आली आहे. प्रकरणाचा तपास उपनिरीक्षक आर. सी. उसगावकर करीत आहेत.