- बिबवेवाडी परिसरातील घटना
म. टा. प्रतिनिधी, पुणे
बिबवेवाडी परिसरातील राजीव गांधीनगर येथे पत्नीचा गळा आवळून खून करून पतीने स्वतः गळफास घेत आत्महत्या केल्याची धक्कादायक घटना रविवारी सकाळी उघडकीस आली. चारित्र्याच्या संशयावरून पत्नीचा खून केल्याचे प्राथमिक चौकशीत समोर आले आहे. या प्रकरणी बिबवेवाडी पोलिस ठाण्यात नोंद करण्यात आली आहे. रामदास दशरथ चालेकर (३७), सारिका रामदास चालेकर (३०, रा. राजीव गांधीनगर, बिबवेवाडी) अशी मृत्यू झालेल्यांची नावे आहेत.
पोलिसांनी दिलेल्या माहितीनुसार, रामदास चालेकर हा जोशी हॉस्पिटलमध्ये वॉर्डबॉय म्हणून तर सारिका या प्रयाग हॉस्पिटलमध्ये आयाचे काम करत होत्या. त्यांना रितिक (१७) व रोहित (१५) अशी दोन मुले आहेत. रितिक हा इयत्ता अकरावीत शिकतो. रोहित हा बहि:स्थ विद्यार्थी म्हणून दहावीची परीक्षा देत असून, आर्थिक गरजेपोटी तो पेपर टाकण्याचे काम करतो. रितिक कब्बडी खेळत असल्याने सदाशिव पेठ येथे राहण्यासाठी होता. रामदास व सारिका हे बिबवेवाडीतील राजीव गांधी नगरमध्ये रायगड चाळीत राहतात. रामदास आणि त्याच्या पत्नीमध्ये पत्नीच्या चारित्र्यावरील संशयामुळे वारंवार भांडणे होत होती. याच कारणावरून शनिवारी सायंकाळी सहापासून त्यांच्यात कडाक्याचे भांडण सुरू होते. रात्रीही त्यांच्यात कडाक्याचे भांडण झाले. त्या वेळी त्यांचा लहान मुलगा रोहितही तेथेच होता. पती-पत्नीचे भांडण वाढल्यामुळे सारिकाने तिच्या आईला भांडणाबाबत सांगितले. त्यानंतर सारिकाची आई त्यांच्याकडे आल्या. त्यांनी दोघांची समजूत घालत भांडण मिटविण्याचा प्रयत्न केला. त्यानंतर रात्री एक वाजता त्या निघून गेल्या. मात्र, तरीही त्या दोघांत कुरबुर सुरू होती. त्यानंतर रोहित व सारिका वरच्या माळ्यावरील खोलीत झोपले. रामदास तळमजल्यावरील खोलीत जाऊन झोपला. पहाटे साडेचार वाजता रोहित पेपर टाकण्यासाठी घरातून बाहेर निघून गेला. त्या वेळी आई झोपलेली आहे, असे त्याने वडिलांना सांगितले. पेपर टाकून घरी आल्यानंतर त्याने दार उघडण्यासाठी कडी वाजवली आणि आई-वडिलांना हाक मारली. तरीही घराचा दरवाजा उघडला नाही. त्यामुळे त्याने दरवाच्या फटीतून आत पाहिले. त्या वेळी वडिलांचा मृतदेह अँगलला लटकलेला दिसला. त्यानंतर त्याने शेजाऱ्यांना ही घटना सांगितली. त्यांनी दरवाजा उघडून पाहिले असता रामदास चालेकर यांनी घरातील सिलिंगच्या लोखंडी अँगलला ओढणीने गळफास घेतल्याचे दिसले. सारिका यांना हलवून उठविण्याचा प्रयत्न केला. पण, त्यांची हालचाल होत नव्हती. त्यानंतर त्यांनी बिबवेवाडी पोलिसांना याबाबत माहिती दिली. त्यानंतर बिबवेवाडी पोलिसांनी घटनास्थळी धाव घेतली. तसेच, सहायक पोलिस आयुक्त डॉ. शिवाजी पवार व वरिष्ठ निरीक्षक बाळासाहेब कोपणर यांनी घटनास्थळाची पाहणी केली. चारित्र्याच्या संशयावरून हा खून करून आत्महत्या केल्याचे प्राथमिक चौकशीत आढळून आले आहे. मात्र, या प्रकरणात शवविच्छेदनाचा अहवाल आल्यानंतर पुढील कारवाई केली जाणार असल्याचे बिबवेवाडी पोलिसांनी सांगितले. या प्रकरणी बिबवेवाडी पोलिस अधिक तपास करत आहेत.
०००००००००००
म. टा. प्रतिनिधी, पुणे
बिबवेवाडी परिसरातील राजीव गांधीनगर येथे पत्नीचा गळा आवळून खून करून पतीने स्वतः गळफास घेत आत्महत्या केल्याची धक्कादायक घटना रविवारी सकाळी उघडकीस आली. चारित्र्याच्या संशयावरून पत्नीचा खून केल्याचे प्राथमिक चौकशीत समोर आले आहे. या प्रकरणी बिबवेवाडी पोलिस ठाण्यात नोंद करण्यात आली आहे. रामदास दशरथ चालेकर (३७), सारिका रामदास चालेकर (३०, रा. राजीव गांधीनगर, बिबवेवाडी) अशी मृत्यू झालेल्यांची नावे आहेत.
पोलिसांनी दिलेल्या माहितीनुसार, रामदास चालेकर हा जोशी हॉस्पिटलमध्ये वॉर्डबॉय म्हणून तर सारिका या प्रयाग हॉस्पिटलमध्ये आयाचे काम करत होत्या. त्यांना रितिक (१७) व रोहित (१५) अशी दोन मुले आहेत. रितिक हा इयत्ता अकरावीत शिकतो. रोहित हा बहि:स्थ विद्यार्थी म्हणून दहावीची परीक्षा देत असून, आर्थिक गरजेपोटी तो पेपर टाकण्याचे काम करतो. रितिक कब्बडी खेळत असल्याने सदाशिव पेठ येथे राहण्यासाठी होता. रामदास व सारिका हे बिबवेवाडीतील राजीव गांधी नगरमध्ये रायगड चाळीत राहतात. रामदास आणि त्याच्या पत्नीमध्ये पत्नीच्या चारित्र्यावरील संशयामुळे वारंवार भांडणे होत होती. याच कारणावरून शनिवारी सायंकाळी सहापासून त्यांच्यात कडाक्याचे भांडण सुरू होते. रात्रीही त्यांच्यात कडाक्याचे भांडण झाले. त्या वेळी त्यांचा लहान मुलगा रोहितही तेथेच होता. पती-पत्नीचे भांडण वाढल्यामुळे सारिकाने तिच्या आईला भांडणाबाबत सांगितले. त्यानंतर सारिकाची आई त्यांच्याकडे आल्या. त्यांनी दोघांची समजूत घालत भांडण मिटविण्याचा प्रयत्न केला. त्यानंतर रात्री एक वाजता त्या निघून गेल्या. मात्र, तरीही त्या दोघांत कुरबुर सुरू होती. त्यानंतर रोहित व सारिका वरच्या माळ्यावरील खोलीत झोपले. रामदास तळमजल्यावरील खोलीत जाऊन झोपला. पहाटे साडेचार वाजता रोहित पेपर टाकण्यासाठी घरातून बाहेर निघून गेला. त्या वेळी आई झोपलेली आहे, असे त्याने वडिलांना सांगितले. पेपर टाकून घरी आल्यानंतर त्याने दार उघडण्यासाठी कडी वाजवली आणि आई-वडिलांना हाक मारली. तरीही घराचा दरवाजा उघडला नाही. त्यामुळे त्याने दरवाच्या फटीतून आत पाहिले. त्या वेळी वडिलांचा मृतदेह अँगलला लटकलेला दिसला. त्यानंतर त्याने शेजाऱ्यांना ही घटना सांगितली. त्यांनी दरवाजा उघडून पाहिले असता रामदास चालेकर यांनी घरातील सिलिंगच्या लोखंडी अँगलला ओढणीने गळफास घेतल्याचे दिसले. सारिका यांना हलवून उठविण्याचा प्रयत्न केला. पण, त्यांची हालचाल होत नव्हती. त्यानंतर त्यांनी बिबवेवाडी पोलिसांना याबाबत माहिती दिली. त्यानंतर बिबवेवाडी पोलिसांनी घटनास्थळी धाव घेतली. तसेच, सहायक पोलिस आयुक्त डॉ. शिवाजी पवार व वरिष्ठ निरीक्षक बाळासाहेब कोपणर यांनी घटनास्थळाची पाहणी केली. चारित्र्याच्या संशयावरून हा खून करून आत्महत्या केल्याचे प्राथमिक चौकशीत आढळून आले आहे. मात्र, या प्रकरणात शवविच्छेदनाचा अहवाल आल्यानंतर पुढील कारवाई केली जाणार असल्याचे बिबवेवाडी पोलिसांनी सांगितले. या प्रकरणी बिबवेवाडी पोलिस अधिक तपास करत आहेत.
०००००००००००