सोशल मीडियावरून घरगुती गोष्टी जाहीर केल्याने पतीकडून टोकाचे कृत्य
म. टा. प्रतिनिधी, हडपसर
घरातील खासगी, तसेच किरकोळ गोष्टी आपली पत्नी फेसबुक आणि व्हॉट्सअॅप या सोशल मीडियावरून सर्वांना कळवत असल्याच्या रागातून तिचा खून करून नंतर पतीने स्वतः आत्महत्या केल्याचा प्रकार हडपसर येथे घडला आहे. बुधवारी रात्री हा प्रकार उघडकीस आला. राकेश गांगुर्डे (३४) आणि सोनाली राकेश गांगुर्डे (२८) असे या पती-पत्नीचे नाव असून, ते दोघेही सॉफ्टवेअर इंजिनीअर आहेत.
पुणे-सोलापूर रस्त्यावरील शिवपार्क अपार्टमेंट (मांजरी फार्म) येथे ही घटना घडली. हडपसर पोलिस ठाण्यात या प्रकरणी खुनाचा आणि आत्महत्येचा गुन्हा दाखल करण्यात आला आहे. सोनालीचा भाऊ हर्षल महेंद्र पवार (२५, रा. मिडोज अॅव्हेन्यू, बाणेर-पाषाण रोड) याने पोलिसात तक्रार दाखल केली आहे. गांगुर्डे दाम्पत्य मूळचे नाशिक येथील आहे. घटनास्थळी ‘सुसाइड नोट’ मिळाली असून, त्यात पती राकेशने फेसबुक आणि व्हॉट्सअॅपवरील गप्पांचा उल्लेख केला असल्याचे पोलिसांनी सांगितले.
‘राकेश हा स्वारगेट येथील एका खासगी कंपनीत नोकरीस होता. त्याला गुजरात येथे नवीन नोकरी मिळाली होती. गुजरातला नोकरीसाठी जायचे की नाही, यावरून त्यांच्यात काही वाद झाले होते का, याचा शोध घेण्यात येत आहे,’ असे तपास अधिकारी हेमंत पाटील यांनी सांगितले.
पोलिसांनी दिलेल्या माहितीनुसार, राकेश आणि सोनाली यांचे पाच वर्षांपूर्वी लग्न झाले होते. तीन वर्षांपासून ते हडपसर येथे राहत होते. सोनालीची आई बुधवारी दिवसभर तिला फोन करत होती. तिने फोन न उचल्याने सोनालीचा भाऊ हर्षल तिला भेटण्यासाठी घरी गेला होता. त्यांच्या घराचा दरवाजा उघडला जात नसल्याने हर्षलने पोलिसांना माहिती दिली. घराचा दरवाजा उघडण्यात आला, तेव्हा राकेशने फॅनला नायलॉनच्या दोरीने गळफास घेतला होता, तर सोनाली तेथील बेडवर मृतावस्थेत पडलेली होती.
............
‘....म्हणून हत्या केली’
‘माझी पत्नी फेसबुक आणि व्हॉट्सअॅपवरून मित्रमैत्रिणींबरोबर वारंवार गप्पा मारते. तसेच घरगुती गोष्टी त्यांना सांगते. घरातील गोष्टी बाहेर सांगू नये, तिला असे सांगितले होते; मात्र ती ऐकत नव्हती. त्यामुळे मी तिची हत्या करत आहे. याबाबत कोणालाही दोषी धरू नये,’ असे राकेशने ‘सुसाइड नोट’मध्ये लिहिले आहे. त्याने सोनालीचा गळा दाबून खून केला असावा, असा अंदाज हडपसर पोलिस ठाण्यातील तपास अधिकारी हेमंत पाटील यांनी वर्तवला आहे. वरिष्ठ निरीक्षक विष्णू पवार अधिक तपास करत आहेत.
म. टा. प्रतिनिधी, हडपसर
घरातील खासगी, तसेच किरकोळ गोष्टी आपली पत्नी फेसबुक आणि व्हॉट्सअॅप या सोशल मीडियावरून सर्वांना कळवत असल्याच्या रागातून तिचा खून करून नंतर पतीने स्वतः आत्महत्या केल्याचा प्रकार हडपसर येथे घडला आहे. बुधवारी रात्री हा प्रकार उघडकीस आला. राकेश गांगुर्डे (३४) आणि सोनाली राकेश गांगुर्डे (२८) असे या पती-पत्नीचे नाव असून, ते दोघेही सॉफ्टवेअर इंजिनीअर आहेत.
पुणे-सोलापूर रस्त्यावरील शिवपार्क अपार्टमेंट (मांजरी फार्म) येथे ही घटना घडली. हडपसर पोलिस ठाण्यात या प्रकरणी खुनाचा आणि आत्महत्येचा गुन्हा दाखल करण्यात आला आहे. सोनालीचा भाऊ हर्षल महेंद्र पवार (२५, रा. मिडोज अॅव्हेन्यू, बाणेर-पाषाण रोड) याने पोलिसात तक्रार दाखल केली आहे. गांगुर्डे दाम्पत्य मूळचे नाशिक येथील आहे. घटनास्थळी ‘सुसाइड नोट’ मिळाली असून, त्यात पती राकेशने फेसबुक आणि व्हॉट्सअॅपवरील गप्पांचा उल्लेख केला असल्याचे पोलिसांनी सांगितले.
‘राकेश हा स्वारगेट येथील एका खासगी कंपनीत नोकरीस होता. त्याला गुजरात येथे नवीन नोकरी मिळाली होती. गुजरातला नोकरीसाठी जायचे की नाही, यावरून त्यांच्यात काही वाद झाले होते का, याचा शोध घेण्यात येत आहे,’ असे तपास अधिकारी हेमंत पाटील यांनी सांगितले.
पोलिसांनी दिलेल्या माहितीनुसार, राकेश आणि सोनाली यांचे पाच वर्षांपूर्वी लग्न झाले होते. तीन वर्षांपासून ते हडपसर येथे राहत होते. सोनालीची आई बुधवारी दिवसभर तिला फोन करत होती. तिने फोन न उचल्याने सोनालीचा भाऊ हर्षल तिला भेटण्यासाठी घरी गेला होता. त्यांच्या घराचा दरवाजा उघडला जात नसल्याने हर्षलने पोलिसांना माहिती दिली. घराचा दरवाजा उघडण्यात आला, तेव्हा राकेशने फॅनला नायलॉनच्या दोरीने गळफास घेतला होता, तर सोनाली तेथील बेडवर मृतावस्थेत पडलेली होती.
............
‘....म्हणून हत्या केली’
‘माझी पत्नी फेसबुक आणि व्हॉट्सअॅपवरून मित्रमैत्रिणींबरोबर वारंवार गप्पा मारते. तसेच घरगुती गोष्टी त्यांना सांगते. घरातील गोष्टी बाहेर सांगू नये, तिला असे सांगितले होते; मात्र ती ऐकत नव्हती. त्यामुळे मी तिची हत्या करत आहे. याबाबत कोणालाही दोषी धरू नये,’ असे राकेशने ‘सुसाइड नोट’मध्ये लिहिले आहे. त्याने सोनालीचा गळा दाबून खून केला असावा, असा अंदाज हडपसर पोलिस ठाण्यातील तपास अधिकारी हेमंत पाटील यांनी वर्तवला आहे. वरिष्ठ निरीक्षक विष्णू पवार अधिक तपास करत आहेत.