दौंडमध्ये हृदय हेलावणारी घटना; आई व मुलाचा एका तासाच्या अंतराने मृत्यू; असे कसे घडले?

दौंड : दौंड तालुक्यातील डाळिंब येथे आई व मुलाचा एक तासाच्या अंतराने हृदयविकाराच्या तीव्र झटक्याने निधन झाल्याची घटना घडली आहे. ही दुर्दैवी घटना आज रविवारी (ता.२८) घडली आहे. कृष्णाबाई आत्माराम म्हस्के (वय ७५) व राजेंद्र आत्माराम म्हस्के (वय ६२,रा. डाळिंब, ता. दौंड) असे एक तासाच्या अंतरात निधन झालेल्या मायलेकांची नावे आहेत. या घटनेने डाळिंब परिसरात हळहळ व्यक्त केली जात आहे.

मिळालेल्या माहितीनुसार, कृष्णाबाई म्हस्के यांना मागील तीन दिवसांपूर्वी हृदयविकाराचा तीव्र झटका आला होता. त्यामुळे त्यांना तात्काळ उरुळी कांचन येथील सिध्दीविनायक रुग्णालयात दाखल करण्यात आले होते. त्यांच्यावर उपचार सुरु होते. तसेच उपचाराला साथ ही दिली. रविवारी सकाळी साडे आठ ते नऊ वाजण्याच्या सुमारास राजेंद्र म्हस्के हे काम करीत असताना अचानकपणे जमिनीवर कोसळले.

Breaking वंचित बहुजन युवक आघाडीचे प्रदेशाध्यक्ष, वॉर्ड अध्यक्षावर प्राणघातक हल्ला, थोडक्यात बचावले
राजेंद्र म्हस्के यांना तात्काळ उरुळी कांचन येथील गणराज हॉस्पिटल या ठिकाणी दाखल करण्यात आले मात्र उपचारापूर्वीच त्यांचे निधन झाल्याचे डॉक्टरांनी सांगितले. तसेच एक तासाच्या अंतराने राजेंद्र म्हस्के यांच्या मातोश्री यांचे ही सिद्धिविनायक हॉस्पिटल येथे सकाळी दहाच्या सुमारास निधन झाले. दरम्यान, आई व मुलाचा एका तासाच्या अंतरानेच मृत्यू झाल्याने सर्वत्र हळहळ व्यक्त केली जात आहे. दरम्यान, या दोघांच्या पार्थिवावर डाळींब येथे अंत्यसंस्कार करण्यात आले.

Breaking शिवसेना आमदार लता सोनावणे यांच्या कारला मोठा अपघात, डंपरने दिली जोरदार धडक
कृष्णाबाई म्हस्के यांच्या पश्चात तीन मुली, नातवंडे, सुन, असा आप्तपरिवार आहे. डाळिंब येथील ग्रामपंचायतीचे माजी उपसरपंच सागर म्हस्के यांच्या त्या चुलती होत.