भोर : निवडणुकीपूर्वी भाजप, शिवसेना आणि राष्ट्रवादी काँग्रेसने केलेली वातावरण निर्मिती आणि आरोपांना धुळीस मिळवत भोर नगर परिषदेवर आमदार संग्राम थोपटे यांनी आपले एकहाती वर्चस्व कायम ठेवले आहे. काँग्रेसने नगराध्यक्ष पदासह सर्वच्या सर्व १७ जागांवर विजय मिळवला आहे. नगराध्यक्षपदासह भाजपच्या १४ पैकी १३ उमेदवारांच्या अनामत रकमा जप्त झाल्या असून, त्यातील ६ जणांना तीन अंकी मतेही मिळवता आली नाहीत. शिवसेनेचीही अशीच अवस्था असून नगराध्यक्षपदासह १३ पैकी ५ उमेदवारांच्या अनामत रकमा जप्त झाल्या आहेत. 'राष्ट्रवादी'चे उमेदवार दुसऱ्या क्रमांकावर आहेत. मात्र, त्यांच्या आणि विजयी उमेदवारांच्या मतांत मोठा फरक आहे. काँग्रेसच्या निर्मला आवारे यांनी राष्ट्रवादी काँग्रेसच्या शारदा डाळ यांचा ३,९६८ मतांनी पराभव केला. भाजपच्या दिपाली शेटे आणि शिवसेनेच्या स्वप्ना देशपांडे यांना अनामत रक्कमही वाचवता आली नाही. काँग्रेसच्या तृप्ती किरवे यांनी विजयाची हॅट्ट्रिक केली. सोमवारी सकाळी दहा वाजता मतमोजणीस सुरुवात झाली. पहिल्या चार प्रभागांचे निकाल जाहीर होताच 'भाजप'च्या उमेदवार आणि पदाधिकाऱ्यांनी केंद्रातून पळ काढला. राष्ट्रवादी काँग्रेसचा तर एकही पदाधिकारी फिरकला नाही.
भोरमध्ये गड थोपटेंनी राखला
निवडणुकीपूर्वी भाजप, शिवसेना आणि राष्ट्रवादी काँग्रेसने केलेली वातावरण निर्मिती आणि आरोपांना धुळीस मिळवत भोर नगर परिषदेवर आमदार संग्राम थोपटे यांनी ...
Maharashtra Times 17 Jul 2018, 4:00 am