म. टा. प्रतिनिधी, पुणे
शहरातील स्मार्ट सिटीच्या प्रकल्पांतर्गत महत्त्वाच्या चौकांमध्ये विविध स्वरूपाची माहिती देण्याचे फलक लावण्यासाठी सुरू असलेल्या खोदाईदरम्यान महापालिकेच्या पथ विभागालाच अंधारात ठेवल्याची धक्कादायक बाब उजेडात आली आहे. महापालिकेतर्फे एका बाजूला पादचाऱ्यांसाठी मोठ्या प्रमाणावर फूटपाथ तयार केले जात असताना, याच ठिकाणी स्मार्ट सिटीचे मोठे ‘खांब’ (पिलर) उभे राहणार असल्याने पादचाऱ्यांची गैरसोय होणार आहे.
पुणे स्मार्ट सिटी डेव्हलपमेंट कॉर्पोरेशनतर्फे (पीएससीडीसी) शहराच्या वेगवेगळ्या भागांत नागरिकांसाठी उपयुक्त माहिती देणारे फलक लावण्यात येणार आहेत. ‘स्मार्ट एलिमेंट्स’ या उपक्रमांतर्गत यामध्ये वाहतूक, हवामान याची माहिती दिली जाणार असून, काही ठिकाणी ‘वाय-फाय’ सुविधा दिली जाणार आहे. शहरातील तब्बल २७० ठिकाणी असे फलक बसविण्यात येणार असून, त्यापैकी १५३ ठिकाणे पथ विभागाच्या अंतर्गत येतात. यामध्ये, काही ठिकाणी रस्त्यावर, तर काही ठिकाणी थेट फूटपाथवरच स्मार्ट सिटीचे पिलर उभे राहणार आहेत. त्याच्या सविस्तर यादीला पथ विभागाने मान्यता दिली असली, तरी काही भागांत संपूर्ण फूटपाथच उखडण्यात आले आहेत.
शहरातील अनेक फूटपाथची दुरुस्ती, डागडुजी सध्या पालिकेतर्फे सुरू असून, काही भागांत नव्याने फूटपाथ बांधण्यात येत आहेत. स्मार्ट सिटीसाठी फूटपाथचा मोठा भाग बंद करण्यात आल्या असून, गर्दीच्या चौकात पादचाऱ्यांना रस्त्यावरून चालावे लागत आहे. शहरातील गर्दीच्या चौकांमध्ये अनेक ठिकाणी हे पिलर बसविण्यात येणार असल्याने त्यासाठी फूटपाथ खणल्याने पादचाऱ्यांची गैरसोय होणार आहे. त्यामुळे, महापालिकेने ‘पीएससीडीसी’ला फूटपाथवरील ‘डिझाइन’मध्ये बदल करावे, अशा सूचना दिल्या आहेत. काही ठिकाणी स्मार्ट सिटीचे हे काम रस्त्यावरच सुरू असल्याने भविष्यात वाढणाऱ्या वाहतुकीला त्याचा अडथळा निर्माण होण्याची भीती आहे.
स्मार्ट सिटीच्या माहिती फलकांसाठी काही जागा अडचणीच्या ठरू शकणार असल्याचे लक्षात आल्याने त्याचा पुनर्विचार करण्यात येणार आहे. त्याबाबत, संबंधित कंत्राटदारांना स्पष्ट सूचना देण्यात आल्या आहेत.
- कुणाल कुमार, महापालिका आयुक्त
शहरातील स्मार्ट सिटीच्या प्रकल्पांतर्गत महत्त्वाच्या चौकांमध्ये विविध स्वरूपाची माहिती देण्याचे फलक लावण्यासाठी सुरू असलेल्या खोदाईदरम्यान महापालिकेच्या पथ विभागालाच अंधारात ठेवल्याची धक्कादायक बाब उजेडात आली आहे. महापालिकेतर्फे एका बाजूला पादचाऱ्यांसाठी मोठ्या प्रमाणावर फूटपाथ तयार केले जात असताना, याच ठिकाणी स्मार्ट सिटीचे मोठे ‘खांब’ (पिलर) उभे राहणार असल्याने पादचाऱ्यांची गैरसोय होणार आहे.
पुणे स्मार्ट सिटी डेव्हलपमेंट कॉर्पोरेशनतर्फे (पीएससीडीसी) शहराच्या वेगवेगळ्या भागांत नागरिकांसाठी उपयुक्त माहिती देणारे फलक लावण्यात येणार आहेत. ‘स्मार्ट एलिमेंट्स’ या उपक्रमांतर्गत यामध्ये वाहतूक, हवामान याची माहिती दिली जाणार असून, काही ठिकाणी ‘वाय-फाय’ सुविधा दिली जाणार आहे. शहरातील तब्बल २७० ठिकाणी असे फलक बसविण्यात येणार असून, त्यापैकी १५३ ठिकाणे पथ विभागाच्या अंतर्गत येतात. यामध्ये, काही ठिकाणी रस्त्यावर, तर काही ठिकाणी थेट फूटपाथवरच स्मार्ट सिटीचे पिलर उभे राहणार आहेत. त्याच्या सविस्तर यादीला पथ विभागाने मान्यता दिली असली, तरी काही भागांत संपूर्ण फूटपाथच उखडण्यात आले आहेत.
शहरातील अनेक फूटपाथची दुरुस्ती, डागडुजी सध्या पालिकेतर्फे सुरू असून, काही भागांत नव्याने फूटपाथ बांधण्यात येत आहेत. स्मार्ट सिटीसाठी फूटपाथचा मोठा भाग बंद करण्यात आल्या असून, गर्दीच्या चौकात पादचाऱ्यांना रस्त्यावरून चालावे लागत आहे. शहरातील गर्दीच्या चौकांमध्ये अनेक ठिकाणी हे पिलर बसविण्यात येणार असल्याने त्यासाठी फूटपाथ खणल्याने पादचाऱ्यांची गैरसोय होणार आहे. त्यामुळे, महापालिकेने ‘पीएससीडीसी’ला फूटपाथवरील ‘डिझाइन’मध्ये बदल करावे, अशा सूचना दिल्या आहेत. काही ठिकाणी स्मार्ट सिटीचे हे काम रस्त्यावरच सुरू असल्याने भविष्यात वाढणाऱ्या वाहतुकीला त्याचा अडथळा निर्माण होण्याची भीती आहे.
स्मार्ट सिटीच्या माहिती फलकांसाठी काही जागा अडचणीच्या ठरू शकणार असल्याचे लक्षात आल्याने त्याचा पुनर्विचार करण्यात येणार आहे. त्याबाबत, संबंधित कंत्राटदारांना स्पष्ट सूचना देण्यात आल्या आहेत.
- कुणाल कुमार, महापालिका आयुक्त