जालना : कापूस उत्पादक शेतकऱ्यांना सी.आय.च्या अधिकृत कापूस खरेदी केंद्रावरच कापूस विक्री करून खासगी व्यापाऱ्यांकडून होणारे नुकसान टाळावे, असे आवाहन आमदर संतोष पाटील-दानवे यांनी बुधवारी केले. भोकरदन येथील गुप्तेश्वर जिनींग प्रेसिंग येथे सुरू करण्यात आलेल्या सी.सी.आय.च्या अधिकृत कापूस खरेदी केंद्राच्या उद्घाटनप्रसंगी ते बोलत होते. बाभुळगाव येथील कापूस उत्पादक शेतकरी राजीव काळुबा मैंद यांचा कापूस खरेदी करताना त्यांचा सत्कार करण्यात आला. यावेळी सभापती कौतीकराव जगताप, सचिव दादाराव दळवी, भाजपचे सतिश रोकडे, भाजयुमो तालुका अध्यक्ष दीपक जाधव, भाजयुमोचे शहराध्यक्ष दीपक मोरे, जिल्हा परिषद सदस्य केशव जंजाळ, नगरसवेक रणवीर देशमुख, इब्राहिमपूरचे सरपंच रामसिंग डोभाळ, संतोष ढाले, महादुसिंग राजपुत, कापूस खरेदी केंद्राचे अधिकारी धारेअप्पा होनगल यांच्यासह कापूस उत्पादक शेतकऱ्यांची मोठ्या संख्यने उपस्थिती होती.
कापूस खरेदी केंद्राचे उद्घाटन
कापूस उत्पादक शेतकऱ्यांना सीआय...
महाराष्ट्र टाइम्स.कॉम 12 Dec 2019, 4:00 am