म. टा. प्रतिनिधी, पुणे
पुणे कँटोन्मेंट बोर्डाच्या सरदार वल्लभभाई पटेल रुग्णालयात नव्याने उभारण्यात आलेले डायलेसिस केंद्र, बाह्य रुग्ण विभाग, सौर पॅनेल प्रकल्पाचे उद्घाटन आणि प्रस्तावित प्रसूतिगृह इमारतीचे भूमिपूजन मंगळवारी पार पडले. लष्कराच्या दक्षिण मुख्यालयाचे प्रमुख लेफ्टनंट जनरल डी. आर. सोनी यांच्या हस्ते या प्रकल्पांचे उद्घाटन आणि भूमिपूजन करण्यात आले.
दक्षिण मुख्यालयाच्या संरक्षण मालमत्ता विभागाचे प्रधान संचालक एल. के. पेगू, लष्करी वैद्यकीय महाविद्यालयाचे प्रमुख एअर मार्शल सी. के. रंजन यांच्यासह बोर्डाचे अध्यक्ष ब्रिगेडियर राजीव सेठी, उपाध्यक्ष अतुल गायकवाड, मुख्य कार्यकारी अधिकारी डी. एन. यादव, अब्बासभाई कादरभाई अब्दुजी ट्रस्टचे अध्यक्ष फिरोज पूनावाला, रुग्णालयाचे निवासी वैद्यकीय अधिकारी विद्याधर गायकवाड आणि बोर्डाचे लोकप्रतिनिधी, अधिकारी उपस्थित होते. या वेळी बोर्डाचे सीईओ डी. एन. यादव यांनी सरदार वल्लभभाई पटेल रुग्णालयातर्फे दिल्या जाणाऱ्या सोयी सुविधांची माहिती दिली.
ब्रिगेडिअर राजीव सेठी म्हणाले, 'नागरिकांना उत्तम उपचार सुविधा देणे हे आमचे कर्तव्य आहे. पुढील वर्षभरात प्रसूतिगृहाची इमारत बांधून पूर्ण होईल. याखेरीज नव्या डायलेलिस केंद्रात निवृत्त लष्करी अधिकारी-कर्मचाऱ्यांनाही सुविधा दिल्या जातील. याबद्दल माजी सैनिक अंशदायी स्वास्थ्य योजना पॉलिक्लिनिकसोबत सामंजस्य करारही केला जाणार आहे.' रुग्णालयातील अतिदक्षता विभागातील उपकरणांसाठी साठ लाख रुपये उपलब्ध करून दिल्याबद्दल त्यांनी पालकमंत्री गिरीश बापट यांचे आभार मानले.
पुणे कँटोन्मेंट बोर्डातर्फे चालविल्या जाणाऱ्या सरदार वल्लभभाई पटेल रुग्णालयामार्फत गेल्या वर्षभरात या तब्बल १ लाख १३ हजार रुग्णांवर उपचार करण्यात आले असून ९९५ शल्यचिकित्सा करण्यात आल्या आहेत. या रुग्णालयाच्या विस्तारीकरणांतर्गत कँटोन्मेंट परिसरातील ए. के. अब्दुजी ट्रस्टचे फिरोज पूनावाला यांनी दिलेल्या देणगीतून डायलेसिस केंद्र, बाह्य रुग्ण विभाग उभारण्यात आला आहे, तर रुग्णालयातील प्रसूतिगृहाची इमारत जुनी झाल्याने नवीन दुमजली प्रसूतिगृह बांधण्यात येणार आहे. त्यासाठी चार कोटींचा खर्च अपेक्षित आहे. डायलेसिस केंद्रात पाच युनिट असून दीडशेहून अधिक जणांवर उपचार करण्यात आले आहेत, तर बाह्य रुग्ण विभागाच्या विस्तारामुळे अधिकाधिक रुग्णांना सेवा देता येणार आहेत.
सौर उर्जेचा वापर
सरदार वल्लभभाई पटेल रुग्णालयासाठी लागणारी वीज आता सौर उर्जेमार्फत तयार केली जाणार आहे. त्यासाठी रुग्णालयाच्या छतावर २० किलोवॅट सोलर पॅनेल प्रकल्प उभारण्यात आला आहे. या प्रकल्पातून निर्माण होणारी उर्जा रुग्णालयातील उपकरणांसाठी वापरली जाणार असून अतिरिक्त वीज नेट मीटरद्वारे महावितरणच्या ग्रीडला दिली जाणार आहे. नवी इमारत तयार झाल्यावर या प्रकल्पाचा विस्तार केला जाईल, असेही प्रशासनातर्फे सांगण्यात आले.
पुणे कँटोन्मेंट बोर्डाच्या सरदार वल्लभभाई पटेल रुग्णालयात नव्याने उभारण्यात आलेले डायलेसिस केंद्र, बाह्य रुग्ण विभाग, सौर पॅनेल प्रकल्पाचे उद्घाटन आणि प्रस्तावित प्रसूतिगृह इमारतीचे भूमिपूजन मंगळवारी पार पडले. लष्कराच्या दक्षिण मुख्यालयाचे प्रमुख लेफ्टनंट जनरल डी. आर. सोनी यांच्या हस्ते या प्रकल्पांचे उद्घाटन आणि भूमिपूजन करण्यात आले.
दक्षिण मुख्यालयाच्या संरक्षण मालमत्ता विभागाचे प्रधान संचालक एल. के. पेगू, लष्करी वैद्यकीय महाविद्यालयाचे प्रमुख एअर मार्शल सी. के. रंजन यांच्यासह बोर्डाचे अध्यक्ष ब्रिगेडियर राजीव सेठी, उपाध्यक्ष अतुल गायकवाड, मुख्य कार्यकारी अधिकारी डी. एन. यादव, अब्बासभाई कादरभाई अब्दुजी ट्रस्टचे अध्यक्ष फिरोज पूनावाला, रुग्णालयाचे निवासी वैद्यकीय अधिकारी विद्याधर गायकवाड आणि बोर्डाचे लोकप्रतिनिधी, अधिकारी उपस्थित होते. या वेळी बोर्डाचे सीईओ डी. एन. यादव यांनी सरदार वल्लभभाई पटेल रुग्णालयातर्फे दिल्या जाणाऱ्या सोयी सुविधांची माहिती दिली.
ब्रिगेडिअर राजीव सेठी म्हणाले, 'नागरिकांना उत्तम उपचार सुविधा देणे हे आमचे कर्तव्य आहे. पुढील वर्षभरात प्रसूतिगृहाची इमारत बांधून पूर्ण होईल. याखेरीज नव्या डायलेलिस केंद्रात निवृत्त लष्करी अधिकारी-कर्मचाऱ्यांनाही सुविधा दिल्या जातील. याबद्दल माजी सैनिक अंशदायी स्वास्थ्य योजना पॉलिक्लिनिकसोबत सामंजस्य करारही केला जाणार आहे.' रुग्णालयातील अतिदक्षता विभागातील उपकरणांसाठी साठ लाख रुपये उपलब्ध करून दिल्याबद्दल त्यांनी पालकमंत्री गिरीश बापट यांचे आभार मानले.
पुणे कँटोन्मेंट बोर्डातर्फे चालविल्या जाणाऱ्या सरदार वल्लभभाई पटेल रुग्णालयामार्फत गेल्या वर्षभरात या तब्बल १ लाख १३ हजार रुग्णांवर उपचार करण्यात आले असून ९९५ शल्यचिकित्सा करण्यात आल्या आहेत. या रुग्णालयाच्या विस्तारीकरणांतर्गत कँटोन्मेंट परिसरातील ए. के. अब्दुजी ट्रस्टचे फिरोज पूनावाला यांनी दिलेल्या देणगीतून डायलेसिस केंद्र, बाह्य रुग्ण विभाग उभारण्यात आला आहे, तर रुग्णालयातील प्रसूतिगृहाची इमारत जुनी झाल्याने नवीन दुमजली प्रसूतिगृह बांधण्यात येणार आहे. त्यासाठी चार कोटींचा खर्च अपेक्षित आहे. डायलेसिस केंद्रात पाच युनिट असून दीडशेहून अधिक जणांवर उपचार करण्यात आले आहेत, तर बाह्य रुग्ण विभागाच्या विस्तारामुळे अधिकाधिक रुग्णांना सेवा देता येणार आहेत.
सौर उर्जेचा वापर
सरदार वल्लभभाई पटेल रुग्णालयासाठी लागणारी वीज आता सौर उर्जेमार्फत तयार केली जाणार आहे. त्यासाठी रुग्णालयाच्या छतावर २० किलोवॅट सोलर पॅनेल प्रकल्प उभारण्यात आला आहे. या प्रकल्पातून निर्माण होणारी उर्जा रुग्णालयातील उपकरणांसाठी वापरली जाणार असून अतिरिक्त वीज नेट मीटरद्वारे महावितरणच्या ग्रीडला दिली जाणार आहे. नवी इमारत तयार झाल्यावर या प्रकल्पाचा विस्तार केला जाईल, असेही प्रशासनातर्फे सांगण्यात आले.