विश्वजीत कदम, अविनाश भोसलेंच्या घरी छापे

मटा ऑनलाइन वृत्त । पुणे

काँग्रेस नेते विश्वजीत कदम आणि उद्योजक अविनाश भोसले यांचे निवासस्थान आणि कार्यालयावर आयकर विभागाने छापा घातला आहे. माजी वनमंत्री पतंगराव कदम यांचे पुत्र असलेले विश्वजीत कदम हे उद्योजक अविनाश भोसले यांचे जावई आहेत. छापा नेमका कशासाठी घातला, याबाबत अस्पष्टता आहे. अधिकारी सध्या तपासणी करत आहेत. सुरक्षेसाठी स्थानिक पोलिसांचीही मदत घेण्यात आली आहे.

अविनाश भोसले यांच्या कार्यालयातील सर्व कर्मचाऱ्यांचे फोन काढून घेतले आहेत. अशीच तपासणी विश्वजीत कदम यांच्या कार्यालयातही सुरु आहे. अविनाश भोसले आणि विश्वजीत कदम यांच्या कोण-कोणत्या कार्यालयांवर छापे टाकण्यात आलेत, याबाबत अद्याप माहिती मिळू शकलेली नाही.