म. टा. प्रतिनिधी, पुणे
पुणे महानगर परिवहन महामंडळाच्या (पीएमपी) जलद बससेवेसाठी राखीव असलेल्या 'बीआरटी' मार्गातील घुसखोरी रोखण्यासाठी ठोस पावले उचलण्यात येत नसल्याचे चित्र आहे. घुसखोरी करणाऱ्या वाहनांना अटकाव घालण्यासाठी ती वाहने जप्त करून विक्री केली जातील, असा इशारा माजी अध्यक्ष तुकाराम मुंढे यांनी दिला होता. मात्र, त्यांच्या बदलीनंतर या प्रकाराकडे सपशेल दुर्लक्ष केले जात असून, खासगी वाहनांच्या खुसखोरीचे प्रमाण वाढल्याचे दिसून येते.
शहरात सध्या संगमवाडी-विश्रांतवाडी आणि नगर रोड या 'रेन्बो बीआरटी' अस्तित्त्वात असून, कात्रज-हडपसर या पायलट प्रकल्पातील पुलगेट ते हडपसर हा मार्ग सध्या अस्तित्त्वात आहे. मध्यंतरी या मार्गांमध्ये खासगी वाहनांची घुसखोरी मोठ्या प्रमाणावर वाढली होती. त्यादरम्यान काही अपघात होऊन दुचाकी चालकांना प्राण देखील गमवावा लागला होता. या प्रकारांमुळे पीएमपीच्या वाहतुकीलाही अडथळ निर्माण होतो. मात्र, घुसखोरी रोखण्यासाठी नेमलेल्या वॉर्डनच्या अंगावर गाडी घालण्याच्या घटनाहीघडल्या. परिणामी, तत्कालीन अध्यक्ष तुकाराम मुंढे यांनी कठोर कारवाई करण्याची भूमिका घेतली होती. त्यासाठी बीआरटी मार्गाच्या सुरुवातीला सूचना फलक लावण्यात आले होते. तसेच, माध्यमांद्वारे घुसखोरी करणाऱ्या वाहनांवर जप्तीची कारवाई करणार असल्याचे जाहीर केले होते. त्यानुसार वाहतूक पोलिसांच्या मदतीने काही वाहनांवर दंडात्मक कारवाई देखील करण्यात आली होती. वाहतूक पोलिस आणि पीएमपीने एकत्र येऊन ही कारवाई मोहीम पार पाडली होती. आता त्या मोहिमा थंडावल्या आहेत.
बीआरटी मार्गात घुसखोरी करणाऱ्या वाहनांवरील कारवाई बंदच झाल्याचे चित्र आहे. परिणामी, खासगी वाहनांना घुसखोरीचा मार्ग मोकळा झाला आहे. सकाळी व सायंकाळी रस्त्यांवर कोंडी असताना वाहने विशेषत: दुचाकी मोठ्या संख्येने बीआरटी मार्गात प्रवेश करतात. सध्या शहरात पोलिस भरती प्रक्रिया सुरू आहे. त्यामुळे पोलिस कर्मचाऱ्यांची त्या ठिकाणी नेमणूक करण्यात आली आहे. त्यामुळे बीआरटी मार्गात कारवाई करण्यासाठी आवश्यक असलेले पोलिस कर्मचारी उपलब्ध होत नाहीत. पोलिस कर्मचारी उपलब्ध झाल्यानंतर ही कारवाई पुन्हा जोमाने सुरू करण्यात येणार आहे, अशी माहिती पीएमपीच्या जनसंपर्क विभागाने दिली.
पुणे महानगर परिवहन महामंडळाच्या (पीएमपी) जलद बससेवेसाठी राखीव असलेल्या 'बीआरटी' मार्गातील घुसखोरी रोखण्यासाठी ठोस पावले उचलण्यात येत नसल्याचे चित्र आहे. घुसखोरी करणाऱ्या वाहनांना अटकाव घालण्यासाठी ती वाहने जप्त करून विक्री केली जातील, असा इशारा माजी अध्यक्ष तुकाराम मुंढे यांनी दिला होता. मात्र, त्यांच्या बदलीनंतर या प्रकाराकडे सपशेल दुर्लक्ष केले जात असून, खासगी वाहनांच्या खुसखोरीचे प्रमाण वाढल्याचे दिसून येते.
शहरात सध्या संगमवाडी-विश्रांतवाडी आणि नगर रोड या 'रेन्बो बीआरटी' अस्तित्त्वात असून, कात्रज-हडपसर या पायलट प्रकल्पातील पुलगेट ते हडपसर हा मार्ग सध्या अस्तित्त्वात आहे. मध्यंतरी या मार्गांमध्ये खासगी वाहनांची घुसखोरी मोठ्या प्रमाणावर वाढली होती. त्यादरम्यान काही अपघात होऊन दुचाकी चालकांना प्राण देखील गमवावा लागला होता. या प्रकारांमुळे पीएमपीच्या वाहतुकीलाही अडथळ निर्माण होतो. मात्र, घुसखोरी रोखण्यासाठी नेमलेल्या वॉर्डनच्या अंगावर गाडी घालण्याच्या घटनाहीघडल्या. परिणामी, तत्कालीन अध्यक्ष तुकाराम मुंढे यांनी कठोर कारवाई करण्याची भूमिका घेतली होती. त्यासाठी बीआरटी मार्गाच्या सुरुवातीला सूचना फलक लावण्यात आले होते. तसेच, माध्यमांद्वारे घुसखोरी करणाऱ्या वाहनांवर जप्तीची कारवाई करणार असल्याचे जाहीर केले होते. त्यानुसार वाहतूक पोलिसांच्या मदतीने काही वाहनांवर दंडात्मक कारवाई देखील करण्यात आली होती. वाहतूक पोलिस आणि पीएमपीने एकत्र येऊन ही कारवाई मोहीम पार पाडली होती. आता त्या मोहिमा थंडावल्या आहेत.
बीआरटी मार्गात घुसखोरी करणाऱ्या वाहनांवरील कारवाई बंदच झाल्याचे चित्र आहे. परिणामी, खासगी वाहनांना घुसखोरीचा मार्ग मोकळा झाला आहे. सकाळी व सायंकाळी रस्त्यांवर कोंडी असताना वाहने विशेषत: दुचाकी मोठ्या संख्येने बीआरटी मार्गात प्रवेश करतात. सध्या शहरात पोलिस भरती प्रक्रिया सुरू आहे. त्यामुळे पोलिस कर्मचाऱ्यांची त्या ठिकाणी नेमणूक करण्यात आली आहे. त्यामुळे बीआरटी मार्गात कारवाई करण्यासाठी आवश्यक असलेले पोलिस कर्मचारी उपलब्ध होत नाहीत. पोलिस कर्मचारी उपलब्ध झाल्यानंतर ही कारवाई पुन्हा जोमाने सुरू करण्यात येणार आहे, अशी माहिती पीएमपीच्या जनसंपर्क विभागाने दिली.