‘इस्रो’च्या यशात ‘वालचंदनगर’चाही वाटा

बारामती : भारतीय अवकाश संशोधन केंद्र अर्थात ‘इस्रो’ने बुधवारी केलेल्या विश्वविक्रमात वालचंदनगर इंडस्ट्रीजचाही सिंहाचा वाटा आहे. ‘पीएसएलव्ही सी-३७’च्या यशस्वी प्रक्षेपणानंतर वालचंदनगर इंडस्ट्रीजमधील कर्मचाऱ्यांनी आनंदोत्सव साजरा केला.

वालचंदनगर इंडस्ट्रीजने एस-१३९ हेड एन्ड सेगमेंट, एस-१३९ नोझल एन्ड सेगमेंट, एस-१३९ नोझल डायव्हर्जेट ऑफ एन्ड आणि एसएसओ एक्सएल मोटर केसेस सहापैकी चारची निर्मिती केली. अशाच प्रकारची अनेक महत्त्वाची विशेष उपकरणे यासाठी पुरवली आहेत. ‘अवकाश यानाच्या महत्त्वाच्या उपकरणांची निर्मिती करण्यामध्ये वालचंदनगर इंडस्ट्रीजमधील प्रत्येक कर्मचाऱ्याचे योगदान आहे. राष्ट्रउभारणीच्या कार्यामध्ये कंपनी नेहमीच सहभागी असते, यांचा आनद आहे,’ अशी प्रतिक्रिया वालचंदनगर इंडस्ट्रीजचे मुख्य कार्यकारी अधिकारी जी. के. पिल्लई यांनी व्यक्त केली.