म. टा. प्रतिनिधी, पुणे
वारीमध्ये आयटीयन्स मोठ्या संख्येने सहभागी होण्यासाठी ‘आयटी दिंडी’मार्फत एक अनोखा उपक्रम राबवण्यात येणार आहे. वारी दरम्यान रंगणारे भजन, हरिनामाचा गजर आयटीयन्सनाही करता यावा, यासाठी त्यांचे एक वर्कशॉप आयोजित करण्यात आले असून रविवारी (दि. २६) रोजी सिंहगड रस्त्यावरील विठ्ठलवाडी मंदिरात आयटीयन्सना भजनाचे धडे देण्यात येणार आहेत.
गेल्या दोन वर्षांपासून वारीमध्ये आयटी क्षेत्रात काम करणारे तरूण-तरूणी आयटी दिंडीच्या माध्यमातून सहभागी होत आहेत. ज्याप्रमाणे वारकरी हरिनामाचा गजर करतात, भजन करत टाळ वाजवतात, तसे आयटी दिंडीतील सहभागी तरूणांना करता यावे यासाठी वर्कशॉपचे आयोजन करण्यात आले आहे. दिंडीमध्ये प्रत्यक्ष सहभाग असणाऱ्या टाळकरी आणि विणेकरी मंडळींकडून आयटी दिंडीतील तरूण प्रशिक्षण घेणार आहेत. ‘तीर्थ विठ्ठल क्षेत्र विठ्ठल, जल विठ्ठल निर्मल विठ्ठल’ असा संदेश घेऊन सुमारे ९०० जण यंदा सहभागी होणार आहेत.
''आयटी क्षेत्रात काम करणारी मंडळी देखील पालखी सोहळ्याच्या प्रवाहात मिसळावेत आणि वारकऱ्यांप्रमाणे त्यांनी देखील हरिनामाचा गजर करावा यासाठी कार्यशाळेचे आयोजन करण्यात आले आहे. रोजच्या तणावाच्या वातावरणात जगणाऱ्या आयटीयन्सना अध्यात्माच्या आधारे मानसिक आनंद मिळावा, या उद्देशाने यंदाची आयटी दिंडी पालखी सोहळ्यात सहभागी होणार आहे.'' - प्रसाद कुलकर्णी, संयोजक, आयटी दिंडी
वारीमध्ये आयटीयन्स मोठ्या संख्येने सहभागी होण्यासाठी ‘आयटी दिंडी’मार्फत एक अनोखा उपक्रम राबवण्यात येणार आहे. वारी दरम्यान रंगणारे भजन, हरिनामाचा गजर आयटीयन्सनाही करता यावा, यासाठी त्यांचे एक वर्कशॉप आयोजित करण्यात आले असून रविवारी (दि. २६) रोजी सिंहगड रस्त्यावरील विठ्ठलवाडी मंदिरात आयटीयन्सना भजनाचे धडे देण्यात येणार आहेत.
गेल्या दोन वर्षांपासून वारीमध्ये आयटी क्षेत्रात काम करणारे तरूण-तरूणी आयटी दिंडीच्या माध्यमातून सहभागी होत आहेत. ज्याप्रमाणे वारकरी हरिनामाचा गजर करतात, भजन करत टाळ वाजवतात, तसे आयटी दिंडीतील सहभागी तरूणांना करता यावे यासाठी वर्कशॉपचे आयोजन करण्यात आले आहे. दिंडीमध्ये प्रत्यक्ष सहभाग असणाऱ्या टाळकरी आणि विणेकरी मंडळींकडून आयटी दिंडीतील तरूण प्रशिक्षण घेणार आहेत. ‘तीर्थ विठ्ठल क्षेत्र विठ्ठल, जल विठ्ठल निर्मल विठ्ठल’ असा संदेश घेऊन सुमारे ९०० जण यंदा सहभागी होणार आहेत.
''आयटी क्षेत्रात काम करणारी मंडळी देखील पालखी सोहळ्याच्या प्रवाहात मिसळावेत आणि वारकऱ्यांप्रमाणे त्यांनी देखील हरिनामाचा गजर करावा यासाठी कार्यशाळेचे आयोजन करण्यात आले आहे. रोजच्या तणावाच्या वातावरणात जगणाऱ्या आयटीयन्सना अध्यात्माच्या आधारे मानसिक आनंद मिळावा, या उद्देशाने यंदाची आयटी दिंडी पालखी सोहळ्यात सहभागी होणार आहे.'' - प्रसाद कुलकर्णी, संयोजक, आयटी दिंडी