म. टा. प्रतिनिधी, पुणे
एका मुक्त पत्रकार महिलेचा मॉर्फ केलेला फोटो सोशल मीडियावर प्रसिद्ध करून बदनामी केल्याच्या आरोपावरून आमदार जिग्नेश मेवाणी यांचे ट्विटर अकाउंट हँडल करणाऱ्याच्या विरोधात पुणे ग्रामीणमधील पौड पोलिस ठाण्यात गुन्हा दाखल करण्यात आला आहे.
याबाबत ४५ वर्षांच्या महिलेने तक्रार दिली आहे. तक्रारदार यांनी अगोदर पुणे ग्रामीण पोलिसांच्या सायबर सेलकडे तक्रार केली होती. त्याची शहानिशा करून भारतीय दंड संहिता कलम ५००, माहिती तंत्रज्ञान कायदा २००० चे कलम ६६ (सी) प्रमाणे गुन्हा दाखल करण्यात आला आहे. पोलिसांनी दिलेल्या माहितीनुसार, मेवाणी यांनी २९ मे रोजी त्यांच्या ट्विटर हँडलवरून तक्रारदार यांचा फोटो ट्वीट केला होता. हा फोटो फेसबुकवरून डाउनलोड करून उत्तर प्रदेशचे मुख्यमंत्री योगी आदित्यनाथ व अध्यामिक गुरू श्री श्री रविशंकर यांच्यासोबत मॉर्फ करून जोडला होता. तक्रारदार यांचे फोटो परवानगीशिवाय 'फोटोशॉप' करून 'ओ माय गॉड' या हिंदी चित्रपटातील फोटोशी जोडून बदनामीकारक टिप्पणी केली होती. हा फोटो मेवाणी यांनी त्यांच्या ट्विटर अकाउंटवरून सार्वजनिकरीत्या सर्वत्र पसरवून बदनामी केली. त्यामुळे मानसिक त्रास सहन करावा लागल्याचे तक्रारीत म्हटले आहे. त्यानुसार पौड पोलिस ठाण्यात गुन्हा दाखल करण्यात आला आहे. मेवाणी यांनी केलेल्या ट्विटला ३२०० जणांनी लाइक; तर ९०० जणांनी रिट्विट केले होते. मात्र, प्रसिद्ध करण्यात आलेला फोटो हा बनावट असल्याचे लक्षात आल्यानंतर मेवाणी यांनी तो फोटो ट्विटर अकाउंटवरून हटविला होता, असे पोलिसांनी सांगितले. या प्रकरणी पौड पोलिस तपास करत आहेत.
एका मुक्त पत्रकार महिलेचा मॉर्फ केलेला फोटो सोशल मीडियावर प्रसिद्ध करून बदनामी केल्याच्या आरोपावरून आमदार जिग्नेश मेवाणी यांचे ट्विटर अकाउंट हँडल करणाऱ्याच्या विरोधात पुणे ग्रामीणमधील पौड पोलिस ठाण्यात गुन्हा दाखल करण्यात आला आहे.
याबाबत ४५ वर्षांच्या महिलेने तक्रार दिली आहे. तक्रारदार यांनी अगोदर पुणे ग्रामीण पोलिसांच्या सायबर सेलकडे तक्रार केली होती. त्याची शहानिशा करून भारतीय दंड संहिता कलम ५००, माहिती तंत्रज्ञान कायदा २००० चे कलम ६६ (सी) प्रमाणे गुन्हा दाखल करण्यात आला आहे. पोलिसांनी दिलेल्या माहितीनुसार, मेवाणी यांनी २९ मे रोजी त्यांच्या ट्विटर हँडलवरून तक्रारदार यांचा फोटो ट्वीट केला होता. हा फोटो फेसबुकवरून डाउनलोड करून उत्तर प्रदेशचे मुख्यमंत्री योगी आदित्यनाथ व अध्यामिक गुरू श्री श्री रविशंकर यांच्यासोबत मॉर्फ करून जोडला होता. तक्रारदार यांचे फोटो परवानगीशिवाय 'फोटोशॉप' करून 'ओ माय गॉड' या हिंदी चित्रपटातील फोटोशी जोडून बदनामीकारक टिप्पणी केली होती. हा फोटो मेवाणी यांनी त्यांच्या ट्विटर अकाउंटवरून सार्वजनिकरीत्या सर्वत्र पसरवून बदनामी केली. त्यामुळे मानसिक त्रास सहन करावा लागल्याचे तक्रारीत म्हटले आहे. त्यानुसार पौड पोलिस ठाण्यात गुन्हा दाखल करण्यात आला आहे. मेवाणी यांनी केलेल्या ट्विटला ३२०० जणांनी लाइक; तर ९०० जणांनी रिट्विट केले होते. मात्र, प्रसिद्ध करण्यात आलेला फोटो हा बनावट असल्याचे लक्षात आल्यानंतर मेवाणी यांनी तो फोटो ट्विटर अकाउंटवरून हटविला होता, असे पोलिसांनी सांगितले. या प्रकरणी पौड पोलिस तपास करत आहेत.