म. टा. प्रतिनिधी, पुणे
प्रभाग क्रमांक १४ क मधून ज्योत्स्ना एकबोटे याच भारतीय जनता पक्षाच्या अधिकृत उमेदवार असतील, असा निर्णय निवडणूक निर्णय अधिकाऱ्यांनी दिला. त्यामुळे भाजपचा एबी फॉर्म असूनही माजी नगरसेविका ज्योत्स्ना सरदेशपांडे यांना अपक्ष म्हणून निवडणूक लढवावी लागणार आहे. सर्वपक्षीय उमेदवारांनी विविध प्रकारच्या हरकती घेतल्याने याबाबतची सुनावणी तब्बल पाच तासांहून अधिक काळ चालली होती.
भाजपने ज्योत्स्ना सरदेशपांडे आणि ज्योत्स्ना एकबोटे अशा दोन्ही उमेदवारांना एबी फॉर्म दिला होता. त्याबाबतच्या तसेच आक्षेपांवर घोले रोड क्षेत्रीय कार्यालयात शनिवारी रात्री साडेनऊ ते दोन आणि रविवारी सकाळी साडेअकरा ते एक या वेळेत चर्चा झाली. दोघींचेही अर्ज बाद झाल्यास या प्रभागात भाजपचा उमेदवारच राहणार नाही, या शक्यतेमुळे सर्वच उमेदवारांनी विविध प्रकारचे आक्षेप नोंदवले होते.
ज्योत्स्ना सरदेशपांडे यांनी पक्षानेच मला एबी फॉर्म दिला आहे. व तो मी सादर केला आहे. त्यामुळे मलाच अधिकृत उमेदवार घोषित करावे, अशी मागणी केली. काही अन्य उमेदवारांनी एकबोटे यांच्याकडील पत्रावर भाजपचे शहराध्यक्ष योगेश गोगावले यांची स्वाक्षरी बनावट आहे. त्यावर पक्षाचा शिक्काच नाही, यासह अन्य अर्जात काही त्रुटी असल्याबाबतही आक्षेप घेतले होते. शेवटी गोगावले यांनीच निवडणूक कार्यालयात येऊन त्या पत्रावरील स्वाक्षरी माझीच असून एकबोटे याच अधिकृत उमेदवार असल्याचे सांगितले.
एकबोटे यांच्यातर्फे त्यांच्याकडे एबी फॉर्म व पक्षाचे अधिकृत उमेदवारीबाबतचे पत्र असल्याचे सांगण्यात आले. आणि त्या संदर्भातील शासकीय अध्यादेशही सादर करण्यात आला. सर्व गोष्टींची शाहनिशा झाल्यानंतर पक्षाचा अधिकृत एबी फॉर्म आणि पत्र असल्याने ज्योत्स्ना एकबोटे यांनाच अधिकृत उमेदवार म्हणून घोषित करण्यात आले. एकबोटे यांच्यातर्फे डॉ. गजानन एकबोटे यांनी भूमिका मांडली होती.
०००
आमच्या अर्जात कोणत्याही प्रकारच्या त्रुटी नव्हत्या. आम्हाला पक्षानेच अधिकृत उमेदवारी, एबी फॉर्म आणि पत्रही दिले होते. छाननीत तेच सिद्ध झाले.
- ज्योत्स्ना एकबोटे
प्रभाग क्रमांक १४ क मधून ज्योत्स्ना एकबोटे याच भारतीय जनता पक्षाच्या अधिकृत उमेदवार असतील, असा निर्णय निवडणूक निर्णय अधिकाऱ्यांनी दिला. त्यामुळे भाजपचा एबी फॉर्म असूनही माजी नगरसेविका ज्योत्स्ना सरदेशपांडे यांना अपक्ष म्हणून निवडणूक लढवावी लागणार आहे. सर्वपक्षीय उमेदवारांनी विविध प्रकारच्या हरकती घेतल्याने याबाबतची सुनावणी तब्बल पाच तासांहून अधिक काळ चालली होती.
भाजपने ज्योत्स्ना सरदेशपांडे आणि ज्योत्स्ना एकबोटे अशा दोन्ही उमेदवारांना एबी फॉर्म दिला होता. त्याबाबतच्या तसेच आक्षेपांवर घोले रोड क्षेत्रीय कार्यालयात शनिवारी रात्री साडेनऊ ते दोन आणि रविवारी सकाळी साडेअकरा ते एक या वेळेत चर्चा झाली. दोघींचेही अर्ज बाद झाल्यास या प्रभागात भाजपचा उमेदवारच राहणार नाही, या शक्यतेमुळे सर्वच उमेदवारांनी विविध प्रकारचे आक्षेप नोंदवले होते.
ज्योत्स्ना सरदेशपांडे यांनी पक्षानेच मला एबी फॉर्म दिला आहे. व तो मी सादर केला आहे. त्यामुळे मलाच अधिकृत उमेदवार घोषित करावे, अशी मागणी केली. काही अन्य उमेदवारांनी एकबोटे यांच्याकडील पत्रावर भाजपचे शहराध्यक्ष योगेश गोगावले यांची स्वाक्षरी बनावट आहे. त्यावर पक्षाचा शिक्काच नाही, यासह अन्य अर्जात काही त्रुटी असल्याबाबतही आक्षेप घेतले होते. शेवटी गोगावले यांनीच निवडणूक कार्यालयात येऊन त्या पत्रावरील स्वाक्षरी माझीच असून एकबोटे याच अधिकृत उमेदवार असल्याचे सांगितले.
एकबोटे यांच्यातर्फे त्यांच्याकडे एबी फॉर्म व पक्षाचे अधिकृत उमेदवारीबाबतचे पत्र असल्याचे सांगण्यात आले. आणि त्या संदर्भातील शासकीय अध्यादेशही सादर करण्यात आला. सर्व गोष्टींची शाहनिशा झाल्यानंतर पक्षाचा अधिकृत एबी फॉर्म आणि पत्र असल्याने ज्योत्स्ना एकबोटे यांनाच अधिकृत उमेदवार म्हणून घोषित करण्यात आले. एकबोटे यांच्यातर्फे डॉ. गजानन एकबोटे यांनी भूमिका मांडली होती.
०००
आमच्या अर्जात कोणत्याही प्रकारच्या त्रुटी नव्हत्या. आम्हाला पक्षानेच अधिकृत उमेदवारी, एबी फॉर्म आणि पत्रही दिले होते. छाननीत तेच सिद्ध झाले.
- ज्योत्स्ना एकबोटे