अहमदनगर:
नगरसेवक कैलास गिरवले यांचा मृत्यू हृदयविकाराने झाल्याचा प्राथमिक अहवाल पुण्यातील वैद्यकीय पथकानं दिला आहे. गिरवले यांच्या मृत्यू प्रकरणी बंडगार्डन पोलीस ठाण्यात नोंद करण्यात आली असून पुणे पोलीस तपास करीत आहेत,' अशी माहिती नगर पोलिसांनी दिली आहे.
नगरमधील शिवसैनिकांच्या खुनानंतर पोलीस अधीक्षक कार्यालयात झालेल्या तोडफोडप्रकरणी गिरवले यांना अटक करण्यात आली होती. त्यानंतर त्यांच्या दुकानावर छापा टाकण्यात आला होता. त्यानंतर बेकायदा फटाके विक्री प्रकरणी त्यांच्यावर गुन्हा दाखल करण्यात आला. यादरम्यान पोलीस कोठडीत असलेल्या गिरवले यांची प्रकृती खालावली. त्यामुळं त्यांना न्यायालयीन कोठडीत घेऊन पुण्याच्या ससून रुग्णालयात उपचारासाठी दाखल करण्यात आले होते. तिथं उपचार सुरू असताना रात्री त्यांचा मृत्यू झाला. त्यांच्या मृत्यूला पोलीस जबाबदार आसल्याची तक्रार त्यांच्या नातेवाईकांनी केली.
या पार्श्वभूमीवर पोलीस अधीक्षक रंजनकुमार शर्मा यांनी स्पष्टीकरण दिलं आहे. त्यांनी सांगितले की, गिरवले यांच्या नातेवाईकांच्या मागणीनुसार त्यांना खासगी रुग्णालयात नेण्याची परवानगी देण्यात आली होती. मात्र, १६ एप्रिलला दुपारी खासगी रुग्णालयातील डॉक्टरांचे पथक ससूनला आले. त्यांनी तपासणी करून रुग्णाची स्थिती गंभीर असल्याने येथून हलविणं शक्य नसल्याचं सांगितलं. त्यामुळं ससूनमध्येच उपचार सुरू ठेवण्यात आले. सायंकाळी सव्वा सहा वाजता त्याच खासगी रुग्णालयातील डॉ. अश्विन पिल्ले पुन्हा ससूनला आले. त्यांनी रुग्णाची प्रकृती गंभीर असल्यानं त्यांना येथून स्थलांतरित करणं योग्य नसल्याचा लेखी अभिप्राय दिला. त्यानंतर रात्री दहा वाजून ५० मिनिटांनी गिरवले यांचं निधन झालं. त्यासंबंधी ससून येथील डॉक्टरांनी दिलेल्या प्राथमिक अहवालात गिरवले यांचा मृत्यू हृदयविकारानं झाल्याचं नमूद केलं आहे. गिरवले यांच्या मृत्यूप्रकरणी बंडगार्डन पोलीस ठाण्यात नोंद घेण्यात आली असून तपास सुरू असल्याचे अधीक्षक रंजनकुमार शर्मा यांनी सांगितले.
नगरसेवक कैलास गिरवले यांचा मृत्यू हृदयविकाराने झाल्याचा प्राथमिक अहवाल पुण्यातील वैद्यकीय पथकानं दिला आहे. गिरवले यांच्या मृत्यू प्रकरणी बंडगार्डन पोलीस ठाण्यात नोंद करण्यात आली असून पुणे पोलीस तपास करीत आहेत,' अशी माहिती नगर पोलिसांनी दिली आहे.
नगरमधील शिवसैनिकांच्या खुनानंतर पोलीस अधीक्षक कार्यालयात झालेल्या तोडफोडप्रकरणी गिरवले यांना अटक करण्यात आली होती. त्यानंतर त्यांच्या दुकानावर छापा टाकण्यात आला होता. त्यानंतर बेकायदा फटाके विक्री प्रकरणी त्यांच्यावर गुन्हा दाखल करण्यात आला. यादरम्यान पोलीस कोठडीत असलेल्या गिरवले यांची प्रकृती खालावली. त्यामुळं त्यांना न्यायालयीन कोठडीत घेऊन पुण्याच्या ससून रुग्णालयात उपचारासाठी दाखल करण्यात आले होते. तिथं उपचार सुरू असताना रात्री त्यांचा मृत्यू झाला. त्यांच्या मृत्यूला पोलीस जबाबदार आसल्याची तक्रार त्यांच्या नातेवाईकांनी केली.
या पार्श्वभूमीवर पोलीस अधीक्षक रंजनकुमार शर्मा यांनी स्पष्टीकरण दिलं आहे. त्यांनी सांगितले की, गिरवले यांच्या नातेवाईकांच्या मागणीनुसार त्यांना खासगी रुग्णालयात नेण्याची परवानगी देण्यात आली होती. मात्र, १६ एप्रिलला दुपारी खासगी रुग्णालयातील डॉक्टरांचे पथक ससूनला आले. त्यांनी तपासणी करून रुग्णाची स्थिती गंभीर असल्याने येथून हलविणं शक्य नसल्याचं सांगितलं. त्यामुळं ससूनमध्येच उपचार सुरू ठेवण्यात आले. सायंकाळी सव्वा सहा वाजता त्याच खासगी रुग्णालयातील डॉ. अश्विन पिल्ले पुन्हा ससूनला आले. त्यांनी रुग्णाची प्रकृती गंभीर असल्यानं त्यांना येथून स्थलांतरित करणं योग्य नसल्याचा लेखी अभिप्राय दिला. त्यानंतर रात्री दहा वाजून ५० मिनिटांनी गिरवले यांचं निधन झालं. त्यासंबंधी ससून येथील डॉक्टरांनी दिलेल्या प्राथमिक अहवालात गिरवले यांचा मृत्यू हृदयविकारानं झाल्याचं नमूद केलं आहे. गिरवले यांच्या मृत्यूप्रकरणी बंडगार्डन पोलीस ठाण्यात नोंद घेण्यात आली असून तपास सुरू असल्याचे अधीक्षक रंजनकुमार शर्मा यांनी सांगितले.