म. टा. प्रतिनिधी, पुणे
पुणे मराठी ग्रंथालयात 'कालिदास' या विषयावर बाराव्या वाचनकट्ट्याचे आयोजन करण्यात आले होते. डॉ. अनुजा कुलकर्णी, प्रतिभा पटवर्धन, ऋचा आठवले, शैलजा देवस्थळी, मनोरमा तनखीवाले, माधवी तांबे, सुप्रिया साठे, रमा जोशी, लीला होनप, मंदा हिंगे, सुलभा देशपांडे, स्मिता इंगळगावकर, नंदिनी गानू यांनी 'कालिदास' विषयावर मनोगत व्यक्त केले.या वेळी रसिकांना रघुवंश, मेघदूत, मालविका, अग्निवेश, शाकुंतल या साहित्याचा आस्वाद घेण्याची संधी लाभली.
...........
देशी वृक्षांचे रोपण
'रोटरी क्लब फॉर्च्युन' व 'एनर्जीया स्काय आय ग्रुप' यांच्या संयुक्त विद्यमाने पौड रस्त्यावरील भुकूम गाव परिसरात ८० देशी वृक्षांचे रोपण करण्यात आले. या प्रसंगी डॉ. दीपक तोष्णीवाल, भरत गुरव, शशिकांत कुरबेट्टी, अश्विनीकुमार चौधरी, भक्ती सपके, असित शहा, श्री बाळुकेश्वर, अभय देवरे आदी उपस्थित होते.
.............
अध्यक्षपदी शिरीष पुराणिक
रोटरी क्लब कर्वे नगरच्या अध्यक्ष पदी शिरीष पुराणिक यांची निवड करण्यात आली. मावळते अध्यक्ष विवेक जोशी यांच्याकडून त्यांनी पदाची सूत्रे स्वीकारली. त्याचप्रमाणे सचिव पदावर आशा आमोणकर यांची नेमणूक झाली. या वेळी डॉ. शैलेश पालेकर, गौरी शिकारपूर, कल्याण वर्दे उपस्थित होते.
............
पाणी प्रश्नावर आंदोलन
शिवाजीनगर वसाहतीतील महिला व पोलिस मित्र संघटनांनी पाणी प्रश्न सोडविण्याच्या मागणीसाठी आंदोलन केले. या आंदोलनातून वसाहतीमधील पाण्याच्या प्रश्नाला वाचा फोडण्यात आली. टँकरने केल्या जाणाऱ्या पाणी पुरवठ्याबाबत महापालिका आयुक्तांना निवेदन देऊनही प्रश्न सुटलेला नसल्याची तक्रार करण्यात आली.
...........
संविधान शाळांमार्फत पोहोचवा
शाळा आणि महाविद्यालयांमध्ये संविधानाचे वाचन होणे आवश्यक असून त्यासाठी राष्ट्रवादी युवक काँग्रेसतर्फे राज्याच्या शिक्षण आयुक्तांना संविधानाच्या आवश्यक तेवढ्या प्रती देण्यात येणार आहेत. याच उपक्रमाचा एक भाग म्हणून संविधानाच्या दहा प्रती शिक्षण आयुक्तांकडे सुपूर्त करण्यात आल्या. यावेळी सुहास उभे, रवींद्र माळवदकर, भोलासिंग अरोरा, विक्रम मोरे, आकाश पवार, अजिंक्य पालकर, सुजीत जगताप, अमोघ ढमाले उपस्थित होते.
..........