म. टा. प्रतिनिधी, पुणे
भवानी पेठ क्षेत्रीय कार्यालयात तीन प्रभागांमधून दाखल झालेल्या २६५ उमेदवारी अर्जांपैकी ३७ अर्ज बाद ठरले आहेत. ३४ अर्ज दोनदा प्राप्त झाले आहेत. अर्ज छाननीची प्रक्रिया संथ गतीने सुरू असल्याने या क्षेत्रीय कार्यालयात दोन दिवस गोंधळाचे वातावरण होते. शनिवारी काम पूर्ण होऊ न शकल्याने रविवारी काम सुरूच होते. भाजपच्या कल्पना बहिरट यांचा अर्ज अनेक तासांच्या छाननीनंतर रविवारी वैध ठरविण्यात आला.
भवानी पेठ क्षेत्रीय कार्यालयांतर्गत १८,१९ व २० हे प्रभाग आहेत. यामध्ये अनुक्रमे खडकमाळ आळी, लोहियानगर, ताडीवाला रस्ता व ससून हॉस्पिटल हा भाग येतो. तीन प्रभागातून मिळून २६५ अर्ज भवानी पेठ क्षेत्रीय कार्यालयाकडे दाखल झाले होते. यापैकी ३७ अर्ज बाद झाले. प्रभाग १९ मध्ये काँग्रेस, राष्ट्रवादी काँग्रेस व महाराष्ट्र नवनिर्माण सेनेच्या उमेदवाराचा अर्ज बाद झाल्याची माहिती निवडणूक अधिकाऱ्यांनी दिली. प्रभाग २० (ताडीवाला रस्ता-ससून) ‘ब’मधून भाजपच्या कल्पना बहिरट यांनी दाखल केलेल्या अर्जाची छाननी रविवारपर्यंत सुरू होती. अखेर त्यांचा अर्ज वैध ठरविण्यात आल्याने निवडणुकीचा मार्ग मोकळा झाला. प्रताप परदेशी यांनी बहिरट यांच्या वतीने बाजू मांडली. दरम्यान, पोलिस कार्यालयात सोडत नसल्याने वादावादीचे प्रसंग या ठिकाणी घडले. पोलिस ठरावीक लोकांना आत प्रवेश देत असल्याचा आरोप कार्यकर्त्यांनी केला. पोलिसांनी कार्यकर्त्यांसह सूचक, अनुमोदक, पत्रकार यांना अडवून धरल्याने वादावादीचे प्रसंग घडले.
भवानी पेठ क्षेत्रीय कार्यालयात तीन प्रभागांमधून दाखल झालेल्या २६५ उमेदवारी अर्जांपैकी ३७ अर्ज बाद ठरले आहेत. ३४ अर्ज दोनदा प्राप्त झाले आहेत. अर्ज छाननीची प्रक्रिया संथ गतीने सुरू असल्याने या क्षेत्रीय कार्यालयात दोन दिवस गोंधळाचे वातावरण होते. शनिवारी काम पूर्ण होऊ न शकल्याने रविवारी काम सुरूच होते. भाजपच्या कल्पना बहिरट यांचा अर्ज अनेक तासांच्या छाननीनंतर रविवारी वैध ठरविण्यात आला.
भवानी पेठ क्षेत्रीय कार्यालयांतर्गत १८,१९ व २० हे प्रभाग आहेत. यामध्ये अनुक्रमे खडकमाळ आळी, लोहियानगर, ताडीवाला रस्ता व ससून हॉस्पिटल हा भाग येतो. तीन प्रभागातून मिळून २६५ अर्ज भवानी पेठ क्षेत्रीय कार्यालयाकडे दाखल झाले होते. यापैकी ३७ अर्ज बाद झाले. प्रभाग १९ मध्ये काँग्रेस, राष्ट्रवादी काँग्रेस व महाराष्ट्र नवनिर्माण सेनेच्या उमेदवाराचा अर्ज बाद झाल्याची माहिती निवडणूक अधिकाऱ्यांनी दिली. प्रभाग २० (ताडीवाला रस्ता-ससून) ‘ब’मधून भाजपच्या कल्पना बहिरट यांनी दाखल केलेल्या अर्जाची छाननी रविवारपर्यंत सुरू होती. अखेर त्यांचा अर्ज वैध ठरविण्यात आल्याने निवडणुकीचा मार्ग मोकळा झाला. प्रताप परदेशी यांनी बहिरट यांच्या वतीने बाजू मांडली. दरम्यान, पोलिस कार्यालयात सोडत नसल्याने वादावादीचे प्रसंग या ठिकाणी घडले. पोलिस ठरावीक लोकांना आत प्रवेश देत असल्याचा आरोप कार्यकर्त्यांनी केला. पोलिसांनी कार्यकर्त्यांसह सूचक, अनुमोदक, पत्रकार यांना अडवून धरल्याने वादावादीचे प्रसंग घडले.