म. टा. प्रतिनिधी, पुणे
पाच महिन्यांच्या बाळाचे अपहरण करून तिरुपतीला पळून जाण्याच्या तयारीत असलेल्या नातेवाईक महिलेला विश्रांतवाडी पोलिसांनी लोहमार्ग पोलिसांच्या मदतीने सोलापूर येथून अटक केली. अपहरण केलेल्या चिमुकल्या बाळाला त्याच्या आईच्या ताब्यात देण्यात आले आहे.
रत्ना मरोळ (वय ३५, रा. आंध्र प्रदेश) असे अटक केलेल्या महिलेचे नाव आहे. याप्ररकरी अमृता आखाडे (वय २०, रा. धानोरी) यांनी तक्रार दिली आहे. पोलिसांनी दिलेल्या माहितीनुसार, आरोपी रत्ना ही अमृताची मावशी आहे. अमृताच्या पतीसोबत रत्नाचा वाद होता. त्यामुळे तिने शुक्रवारी पहाटे साडेपाच वाजण्याच्या सुमारास सर्व झोपेत असताना अमृताच्या पाच महिन्यांच्या मुलीचे अपहरण केले. अमृताने रत्नाला फोन करून संपर्क करण्याचा प्रयत्न केला. मात्र, आरोपी रत्नाने कोणताही प्रतिसाद दिला नाही. त्यामुळे घाबरलेल्या अमृता आणि तिच्या कुटुंबीयांनी विश्रांतवाडी पोलिसांकडे धाव घेतली. विश्रांतवाडी पोलिस ठाण्यातील वरिष्ठ पोलिस निरीक्षक संगीता पाटील यांच्या नेतृत्वाखाली उपनिरीक्षक अभिजीत चौगुले यांच्या पथकाने रत्नाचा शोध सुरू केला. तिच्या मोबाइल लोकेशननुसार तपास केला असता ती लोणावळा येथे असल्याचे निदर्शनास आले. त्यानंतर रात्री साडेआठ वाजता तिच्या मोबाइलचे लोकेशन खडकी येथे असल्याची आढळले. त्यामुळे ती आंध्र प्रदेशतील तिच्या मूळगावी जात असावी, असा संशय पोलिसांना आला. त्यांनी पुणे, सोलापूर रेल्वे पोलिसांना आरोपी महिला आणि तिच्याजवळ असलेल्या लहान मुलीचे फोटो व्हॉट्सअॅपद्वारे पाठवले. पोलिसांनी रेल्वेमध्ये तिचा शोध घेण्यास सुरुवात केली. चेन्नई एक्सप्रेसमध्ये रात्री बारा वाजता सोलापूर रेल्वे स्टेशन येथे आरोपी रत्ना आणि पाच महिन्यांच्या मुलीस ताब्यात घेण्यात आले. त्यानंतर मुलीला तिच्या आईच्या ताब्यात देण्यात आले.
पाच महिन्यांच्या बाळाचे अपहरण करून तिरुपतीला पळून जाण्याच्या तयारीत असलेल्या नातेवाईक महिलेला विश्रांतवाडी पोलिसांनी लोहमार्ग पोलिसांच्या मदतीने सोलापूर येथून अटक केली. अपहरण केलेल्या चिमुकल्या बाळाला त्याच्या आईच्या ताब्यात देण्यात आले आहे.
रत्ना मरोळ (वय ३५, रा. आंध्र प्रदेश) असे अटक केलेल्या महिलेचे नाव आहे. याप्ररकरी अमृता आखाडे (वय २०, रा. धानोरी) यांनी तक्रार दिली आहे. पोलिसांनी दिलेल्या माहितीनुसार, आरोपी रत्ना ही अमृताची मावशी आहे. अमृताच्या पतीसोबत रत्नाचा वाद होता. त्यामुळे तिने शुक्रवारी पहाटे साडेपाच वाजण्याच्या सुमारास सर्व झोपेत असताना अमृताच्या पाच महिन्यांच्या मुलीचे अपहरण केले. अमृताने रत्नाला फोन करून संपर्क करण्याचा प्रयत्न केला. मात्र, आरोपी रत्नाने कोणताही प्रतिसाद दिला नाही. त्यामुळे घाबरलेल्या अमृता आणि तिच्या कुटुंबीयांनी विश्रांतवाडी पोलिसांकडे धाव घेतली. विश्रांतवाडी पोलिस ठाण्यातील वरिष्ठ पोलिस निरीक्षक संगीता पाटील यांच्या नेतृत्वाखाली उपनिरीक्षक अभिजीत चौगुले यांच्या पथकाने रत्नाचा शोध सुरू केला. तिच्या मोबाइल लोकेशननुसार तपास केला असता ती लोणावळा येथे असल्याचे निदर्शनास आले. त्यानंतर रात्री साडेआठ वाजता तिच्या मोबाइलचे लोकेशन खडकी येथे असल्याची आढळले. त्यामुळे ती आंध्र प्रदेशतील तिच्या मूळगावी जात असावी, असा संशय पोलिसांना आला. त्यांनी पुणे, सोलापूर रेल्वे पोलिसांना आरोपी महिला आणि तिच्याजवळ असलेल्या लहान मुलीचे फोटो व्हॉट्सअॅपद्वारे पाठवले. पोलिसांनी रेल्वेमध्ये तिचा शोध घेण्यास सुरुवात केली. चेन्नई एक्सप्रेसमध्ये रात्री बारा वाजता सोलापूर रेल्वे स्टेशन येथे आरोपी रत्ना आणि पाच महिन्यांच्या मुलीस ताब्यात घेण्यात आले. त्यानंतर मुलीला तिच्या आईच्या ताब्यात देण्यात आले.