जीविधा संस्थेतर्फे 'आंबा घाटाचे संवर्धन' या विषयावर व्याख्यान आयोजित करण्यात आले आहे. प्रमोद माळी याविषयी बोलणार असून, राजेंद्रनगरमधील सचिन तेंडुलकर जॉगिंग पार्कसमोरील इंद्रधनुष्य सभागृह येथे सायंकाळी ६.३० वाजता हे व्याख्यान होईल.
राजेंद्रनगर : सायं. ६.३०
'एडेन'चे स्क्रीनिंग
दी ऑलियॉन्स फ्रॉन्सेस दी पुणेतर्फे लाँग फ्रेंच फिल्म फेस्टिव्हलअंतर्गत फिल्म स्क्रीनिंगचे आयोजन करण्यात आले आहे. मिया हेन्सेन लव्ह दिग्दर्शित 'एडेन' हा २०१३ मध्ये प्रदर्शित झालेला सिनेमा कल्याणीनगरमधील डेरिओज ट्रॅटोरिया येथे रात्री आठ वाजता दाखविण्यात येणार आहे. पॅरिसमधील पडद्यामागील कलाकार म्हणून पॉल आपले आयुष्य एंजॉय करत असताना त्याला परिस्थिती न्यू यॉर्कपर्यंत नेते. तिथला तो लोकप्रिय डीजे होतो; पण पुन्हा पॅरिसला परततो, तेव्हा त्याच्या वैयक्तिक आणि आर्थिक आयुष्यातही अडचणी उभ्या राहिलेल्या असतात. याविषयीचा हा सिनेमा २०१४ मध्ये टोरोंटो आंतरराष्ट्रीय महोत्सवातही दाखवण्यात आला होता.
डेरिओज ट्रॅटोरिया, कल्याणीनगर : रा. ८