म. टा. प्रतिनिधी, पुणे
पुणेकरांना इंग्रजी साहित्याचा आस्वाद घेता यावा, तसेच देशभरातील इंग्रजी भाषेतील नामवंत लेखकांशी संवाद साधता यावा, या उद्देशाने ‘पुणे इंटरनॅशनल लिटररी फेस्टिव्हल’चे आयोजन करण्यात आले असून, दोन ते चार सप्टेंबर दरम्यान यशदा येथे तो होणार आहे.
या संमेलनात इंग्रजी साहित्यप्रेमींना साहित्याचे विविध प्रकार अनुभवायला मिळणार आहेत. दोन सप्टेंबर रोजी दुपारी सव्वाबारा वाजता प्रसिद्ध उद्योजक व ‘इन्फोसिस’चे संस्थापक नारायण मूर्ती यांच्या हस्ते संमेलनाचे उद्घाटन होणार आहे, अशी माहिती फेस्टिव्हलच्या आयोजिका डॉ. मंजिरी प्रभू यांनी केली. ‘एमआयटी’च्या मिटसॉम कॉलेजचे प्राचार्य प्रा. रविकुमार चिटणीस, विश्वकर्मा पब्लिकेशन्सच्या संचालिका तृप्ती अगरवाल, सबीना संघवी, बिपिनचंद्र चौगुले, लीना प्रभू आदी या वेळी उपस्थित होते.
महोत्सवाचे हे चौथे वर्ष असून फ्रँकफर्ट बुक फेअर, साल्सबर्ग ग्लोबल सेमिनार, युनिसेफ आणि सेव्ह द चिल्ड्रन यांचे सहकार्य फेस्टिव्हलला मिळणार लाभणार आहे. फेस्टिव्हलमध्ये डॉ. रघुनाथ माशेलकर, लेखिका शोभा डे, राजदीप सरदेसाई, अनुपम खेर, अश्विन संघी, प्रसून जोशी, अमेरिकेच्या आर्चीज कॉमिक्सच्या सहकार्यकारी अधिकारी नॅन्सी सिल्बरक्लाइट, रवि सुब्रह्मण्यम, जावेद हबीब, आर्शिया सत्तार, अविरूक सेन, कैलाश सुरेंद्रनाथ यांसारख्या दिग्गजांची व्याख्याने ऐकण्याची संधी उपस्थितांना मिळणार आहे.
‘देशभरात दर वर्षी सुमारे ७०हून अधिक लिटररी फेस्टिव्हल होत असतात; मात्र पुण्यात हक्काचा असा एकही फेस्टिव्हल नव्हता. पुण्यासारख्या समृद्ध शहरात असा लिटररी फेस्टिव्हल व्हावा या उद्देशाने तीन वर्षांपूर्वी पुणे इंटरनॅशनल लिटररी फेस्टिव्हलला सुरुवात करण्यात आली. प्रसिद्ध लेखकांशी पुस्तकप्रेमींचा थेट संवाद होऊन वाचनसंस्कृती समृद्ध व्हावी, असा मुख्य उद्देश त्यामागे असतो,’ असे डॉ. प्रभू म्हणाल्या.
पुणेकरांना इंग्रजी साहित्याचा आस्वाद घेता यावा, तसेच देशभरातील इंग्रजी भाषेतील नामवंत लेखकांशी संवाद साधता यावा, या उद्देशाने ‘पुणे इंटरनॅशनल लिटररी फेस्टिव्हल’चे आयोजन करण्यात आले असून, दोन ते चार सप्टेंबर दरम्यान यशदा येथे तो होणार आहे.
या संमेलनात इंग्रजी साहित्यप्रेमींना साहित्याचे विविध प्रकार अनुभवायला मिळणार आहेत. दोन सप्टेंबर रोजी दुपारी सव्वाबारा वाजता प्रसिद्ध उद्योजक व ‘इन्फोसिस’चे संस्थापक नारायण मूर्ती यांच्या हस्ते संमेलनाचे उद्घाटन होणार आहे, अशी माहिती फेस्टिव्हलच्या आयोजिका डॉ. मंजिरी प्रभू यांनी केली. ‘एमआयटी’च्या मिटसॉम कॉलेजचे प्राचार्य प्रा. रविकुमार चिटणीस, विश्वकर्मा पब्लिकेशन्सच्या संचालिका तृप्ती अगरवाल, सबीना संघवी, बिपिनचंद्र चौगुले, लीना प्रभू आदी या वेळी उपस्थित होते.
महोत्सवाचे हे चौथे वर्ष असून फ्रँकफर्ट बुक फेअर, साल्सबर्ग ग्लोबल सेमिनार, युनिसेफ आणि सेव्ह द चिल्ड्रन यांचे सहकार्य फेस्टिव्हलला मिळणार लाभणार आहे. फेस्टिव्हलमध्ये डॉ. रघुनाथ माशेलकर, लेखिका शोभा डे, राजदीप सरदेसाई, अनुपम खेर, अश्विन संघी, प्रसून जोशी, अमेरिकेच्या आर्चीज कॉमिक्सच्या सहकार्यकारी अधिकारी नॅन्सी सिल्बरक्लाइट, रवि सुब्रह्मण्यम, जावेद हबीब, आर्शिया सत्तार, अविरूक सेन, कैलाश सुरेंद्रनाथ यांसारख्या दिग्गजांची व्याख्याने ऐकण्याची संधी उपस्थितांना मिळणार आहे.
‘देशभरात दर वर्षी सुमारे ७०हून अधिक लिटररी फेस्टिव्हल होत असतात; मात्र पुण्यात हक्काचा असा एकही फेस्टिव्हल नव्हता. पुण्यासारख्या समृद्ध शहरात असा लिटररी फेस्टिव्हल व्हावा या उद्देशाने तीन वर्षांपूर्वी पुणे इंटरनॅशनल लिटररी फेस्टिव्हलला सुरुवात करण्यात आली. प्रसिद्ध लेखकांशी पुस्तकप्रेमींचा थेट संवाद होऊन वाचनसंस्कृती समृद्ध व्हावी, असा मुख्य उद्देश त्यामागे असतो,’ असे डॉ. प्रभू म्हणाल्या.