म. टा. प्रतिनिधी, पुणे
गॅसवर कुकर ठेवून महिला गॅलरीत गेली. पण, पावसामुळे फुगलेल्या दरवाजाला आतून लॉक लागले. त्यामुळे दरवाजा उघडणे अशक्य झाले. किचनमध्ये गॅसवर कुकरच्या एकापाठोपाठ एक शिट्ट्या सुरूच होत्या. त्यामुळे या महिलेने गॅलरीतून नागरिकांना मदतीसाठी आवाहन केले. पण, फ्लॅटचा दरवाजा आतून बंद असल्यामुळे कोणीच मदतीला येऊ शकत नव्हते. शेवटी गस्तीवर निघालेल्या पोलिसाने धाडस दाखवून गॅलरीत प्रवेश केला आणि बेल्टच्या साह्याने गॅलरीचा दरवाजा उघडून गॅस बंद केला.
रास्ता पेठेतील युनिटी कॉम्प्लॅक्समध्ये हा प्रकार घडला. या इमारतीत रजिन समीर झेंडेवाले या पती व मुलांसोबत राहतात. त्यांचा पहिल्या मजल्यावर फ्लॅट आहे. गुरुवारी दुपारी साडेबाराच्या सुमारात त्या एकट्याच घरी होत्या. त्यांनी फ्लॅटचा दरवाजा आतून 'लॉक' केला होता. त्यांनी गॅसवर वरण-भाताचा कुकर ठेवला अन् गॅस सुरू करून त्या काही कामासाठी गॅलरीत गेल्या. पण, गॅलरीचा दरवाजा आतून लॉक झाला. तसेच, पावसामुळे दरवाजा फुगला होता. त्यामुळे तो उघडत नव्हता. दरम्यान गॅसच्या दहा-बारा शिट्ट्या झाल्या. त्यांनी दरवाजा उघडण्याचे खूप प्रयत्न केले. पण, दरवाजा उघडत नव्हता. झेंडेवाले यांनी गॅलरीतून नागरिकांना आरडाओरडा करून मदतीचे आवाहन केले. पण, फ्लॅट आतमधून लॉक असल्यामुळे नागरिकांना काहीच करता येत नव्हते. गॅस सुरू असल्यामुळे वरण, भात करपून वास सुटला होता. त्यामुळे नागरिकांना गॅसगळती झाला असावा, अशी शंका येऊ लागली. त्यामुळे मदतीसाठी पुढे कोणी येईना.
समर्थ पोलिस ठाण्याचे कर्मचारी नीलेश साबळे आणि अनिल शिंदे त्या परिसरात गस्त घालत होते. त्यांना या ठिकाणी गर्दी झालेली दिसल्यावर त्यांनी चौकशी केली. तसेच, गॅलरीत एक महिला मदतीसाठी आवाज देत असल्याचे दिसले. साबळे यांनी क्षणाची विलंब न करता, जीवाची पर्वा न करता खिडकीला धरून ते एसी बॉक्सच्या मदतीने गॅलरीत पोहचले. त्यांनी सुरुवातीला गॅलरीचा दरवाजा उघडण्याचा प्रयत्न केला. पण, दरवाजा उघडत नव्हता. त्यानंतर त्यांनी कमरेचा बेल्ट काढून तो कडीला गुंडाला. जोरात ताकदीने हिसका दिल्यानंतर दरवाजा उघडला. साबळे यांनी झेंडेवाले यांना धीर देऊन पहिल्यांदा गॅस बंद करण्यास सांगितले. त्यानंतर कुकर किमान दोन तास उघडू नका, असे सांगून ते निघून गेले. झेंडेवाले यांचे पती रात्री घरी आल्यानंतर त्यांनी हा प्रकार पतीला सांगितला. या दाम्पत्याने समर्थ पोलिस ठाण्यात येऊन कर्मचाऱ्याचे आभार मानले.
..........
गॅसवर कुकर ठेवून महिला गॅलरीत गेली. पण, पावसामुळे फुगलेल्या दरवाजाला आतून लॉक लागले. त्यामुळे दरवाजा उघडणे अशक्य झाले. किचनमध्ये गॅसवर कुकरच्या एकापाठोपाठ एक शिट्ट्या सुरूच होत्या. त्यामुळे या महिलेने गॅलरीतून नागरिकांना मदतीसाठी आवाहन केले. पण, फ्लॅटचा दरवाजा आतून बंद असल्यामुळे कोणीच मदतीला येऊ शकत नव्हते. शेवटी गस्तीवर निघालेल्या पोलिसाने धाडस दाखवून गॅलरीत प्रवेश केला आणि बेल्टच्या साह्याने गॅलरीचा दरवाजा उघडून गॅस बंद केला.
रास्ता पेठेतील युनिटी कॉम्प्लॅक्समध्ये हा प्रकार घडला. या इमारतीत रजिन समीर झेंडेवाले या पती व मुलांसोबत राहतात. त्यांचा पहिल्या मजल्यावर फ्लॅट आहे. गुरुवारी दुपारी साडेबाराच्या सुमारात त्या एकट्याच घरी होत्या. त्यांनी फ्लॅटचा दरवाजा आतून 'लॉक' केला होता. त्यांनी गॅसवर वरण-भाताचा कुकर ठेवला अन् गॅस सुरू करून त्या काही कामासाठी गॅलरीत गेल्या. पण, गॅलरीचा दरवाजा आतून लॉक झाला. तसेच, पावसामुळे दरवाजा फुगला होता. त्यामुळे तो उघडत नव्हता. दरम्यान गॅसच्या दहा-बारा शिट्ट्या झाल्या. त्यांनी दरवाजा उघडण्याचे खूप प्रयत्न केले. पण, दरवाजा उघडत नव्हता. झेंडेवाले यांनी गॅलरीतून नागरिकांना आरडाओरडा करून मदतीचे आवाहन केले. पण, फ्लॅट आतमधून लॉक असल्यामुळे नागरिकांना काहीच करता येत नव्हते. गॅस सुरू असल्यामुळे वरण, भात करपून वास सुटला होता. त्यामुळे नागरिकांना गॅसगळती झाला असावा, अशी शंका येऊ लागली. त्यामुळे मदतीसाठी पुढे कोणी येईना.
समर्थ पोलिस ठाण्याचे कर्मचारी नीलेश साबळे आणि अनिल शिंदे त्या परिसरात गस्त घालत होते. त्यांना या ठिकाणी गर्दी झालेली दिसल्यावर त्यांनी चौकशी केली. तसेच, गॅलरीत एक महिला मदतीसाठी आवाज देत असल्याचे दिसले. साबळे यांनी क्षणाची विलंब न करता, जीवाची पर्वा न करता खिडकीला धरून ते एसी बॉक्सच्या मदतीने गॅलरीत पोहचले. त्यांनी सुरुवातीला गॅलरीचा दरवाजा उघडण्याचा प्रयत्न केला. पण, दरवाजा उघडत नव्हता. त्यानंतर त्यांनी कमरेचा बेल्ट काढून तो कडीला गुंडाला. जोरात ताकदीने हिसका दिल्यानंतर दरवाजा उघडला. साबळे यांनी झेंडेवाले यांना धीर देऊन पहिल्यांदा गॅस बंद करण्यास सांगितले. त्यानंतर कुकर किमान दोन तास उघडू नका, असे सांगून ते निघून गेले. झेंडेवाले यांचे पती रात्री घरी आल्यानंतर त्यांनी हा प्रकार पतीला सांगितला. या दाम्पत्याने समर्थ पोलिस ठाण्यात येऊन कर्मचाऱ्याचे आभार मानले.
..........