म. टा. प्रतिनिधी, पुणे
दुबईवरून स्पाइस जेट विमानातून तस्करीसाठी आणलेले दोन कोटी ८० लाख रुपयांचे तब्बल नऊ किलो सोने कस्टमने लोहगाव विमानतळावर पकडले. विमानाच्या टॉयलेटमध्ये हे सोने लपवून ठेवण्यात आल्याचे समोर आले आहे. पुणे विमातळावर तस्करीचे सोने पकडण्याची ही सर्वात मोठी कारवाई आहे.
दुबई ते पुणे या स्पाइस जेट कंपनीचे ‘एसजी-५२’ या विमानातून सोन्याची तस्करी होत असल्याची माहिती कस्टमच्या अधिकाऱ्यांना मिळाली. लोहगाव विमानतळ येथे बुधवारी पहाटे चारच्या सुमारास पुणे विमानतळावर पोहोचलेल्या विमानाची अधिकाऱ्यांनी कसून तपासणी केली. त्या वेळी त्यांना टॉयलेटच्या भांड्यात एका प्लास्टिकच्या पिशवीत सोन्याची १० बिस्किटे आढळून आली. त्याचे वजन तब्बल ९.१ किलो असून, त्याची किंमत दोन कोटी ८० लाख रूपये इतकी असल्याचे स्पष्ट झाले. पुणे विमातळावर तस्करीचे सोने पकडण्याची ही आत्तापर्यंतची सर्वांत मोठी कारवाई असल्याचे कस्टमकडून सांगण्यात आले. गेल्या महिन्यात पुणे विमानतळावर एक कोटी रूपयांचे ड्रोन कॅमेरे कस्टमने जप्त केले होते. गेल्या काही वर्षांपासून सोने तस्करीसाठी लोहगाव विमानतळाचा तस्कराकडून वापर केला जात असल्याचे आढळून आले आहे. यासाठी तस्कारांकडून वेगवेगळ्या पद्धती वापरल्या जात आहेत.
दुबईवरून स्पाइस जेट विमानातून तस्करीसाठी आणलेले दोन कोटी ८० लाख रुपयांचे तब्बल नऊ किलो सोने कस्टमने लोहगाव विमानतळावर पकडले. विमानाच्या टॉयलेटमध्ये हे सोने लपवून ठेवण्यात आल्याचे समोर आले आहे. पुणे विमातळावर तस्करीचे सोने पकडण्याची ही सर्वात मोठी कारवाई आहे.
दुबई ते पुणे या स्पाइस जेट कंपनीचे ‘एसजी-५२’ या विमानातून सोन्याची तस्करी होत असल्याची माहिती कस्टमच्या अधिकाऱ्यांना मिळाली. लोहगाव विमानतळ येथे बुधवारी पहाटे चारच्या सुमारास पुणे विमानतळावर पोहोचलेल्या विमानाची अधिकाऱ्यांनी कसून तपासणी केली. त्या वेळी त्यांना टॉयलेटच्या भांड्यात एका प्लास्टिकच्या पिशवीत सोन्याची १० बिस्किटे आढळून आली. त्याचे वजन तब्बल ९.१ किलो असून, त्याची किंमत दोन कोटी ८० लाख रूपये इतकी असल्याचे स्पष्ट झाले. पुणे विमातळावर तस्करीचे सोने पकडण्याची ही आत्तापर्यंतची सर्वांत मोठी कारवाई असल्याचे कस्टमकडून सांगण्यात आले. गेल्या महिन्यात पुणे विमानतळावर एक कोटी रूपयांचे ड्रोन कॅमेरे कस्टमने जप्त केले होते. गेल्या काही वर्षांपासून सोने तस्करीसाठी लोहगाव विमानतळाचा तस्कराकडून वापर केला जात असल्याचे आढळून आले आहे. यासाठी तस्कारांकडून वेगवेगळ्या पद्धती वापरल्या जात आहेत.