आराध्य
पेशव्यांचे सरदार रास्ते यांच्या दिवाणाला ‘मी झाडाखाली आहे,’ असा दृष्टांत झाला होता. त्या दृष्टांतानुसार ही गणेश मूर्ती सापडली. पूर्वी हे मंदिर कौलारू होते. नंतरच्या काळात श्री हरिहर भजन समाजाकडे मंदिराची देखरेख सोपविण्यात आली आणि त्या नंतर त्यांनी येथे दक्षिणात्य प्रकारचे पक्के मंदिर उभे केले. हे मंदिर रास्ता पेठेत केईएम हॉस्पिटलच्या जवळ आहे.
गणेश मूर्ती पाषाणी असून शेंदूरचर्चित आहे. मूर्तीची उंची सुमारे तीन फूट आहे. मूर्तीचा काही भाग जमिनीच्या खाली असल्यामुळे ती बैठी असल्यासारखे वाटते. मूर्तीच्या पाठीमागे चांदीची प्रभावळ आहे. गणेशाच्या वरच्या हातात फूल आणि पाश धारण केलेले आहेत. खालच्या डाव्या हातावर सोंड वळलेली दिसते आणि उजवा हात अभय देणारा आहे. हे मंदिर दक्षिणात्य पद्धतीने बांधले असल्याने गोपूर आहे. गणपतीच्या मूर्तीबरोबरच बालाजी, पद्मावती, मारुती, कार्तिकस्वामी, छोटे दगडी शिवलिंग, पार्वती, नवग्रह अशा देवतांच्या मूर्तींचे दर्शन घेता येते. या मंदिराचे वैशिट्य म्हणजे येथे शिवलिंगासहित सर्वच मूर्तींना वस्त्रे नेसवली जातात. या गणेशाची पूजा दाक्षिणात्य पद्धतीने केली जाते.
‘महाराष्ट्र टाइम्स’ मीडिया पार्टनर असलेल्या मल्हार प्रॉडकशन्स निर्मित ‘आराध्य अर्थात ओळखीच्या गणेश मंदिरांचा अनोळखी इतिहास’ या वेब मालिकेचा हा भाग..
पेशव्यांचे सरदार रास्ते यांच्या दिवाणाला ‘मी झाडाखाली आहे,’ असा दृष्टांत झाला होता. त्या दृष्टांतानुसार ही गणेश मूर्ती सापडली. पूर्वी हे मंदिर कौलारू होते. नंतरच्या काळात श्री हरिहर भजन समाजाकडे मंदिराची देखरेख सोपविण्यात आली आणि त्या नंतर त्यांनी येथे दक्षिणात्य प्रकारचे पक्के मंदिर उभे केले. हे मंदिर रास्ता पेठेत केईएम हॉस्पिटलच्या जवळ आहे.
गणेश मूर्ती पाषाणी असून शेंदूरचर्चित आहे. मूर्तीची उंची सुमारे तीन फूट आहे. मूर्तीचा काही भाग जमिनीच्या खाली असल्यामुळे ती बैठी असल्यासारखे वाटते. मूर्तीच्या पाठीमागे चांदीची प्रभावळ आहे. गणेशाच्या वरच्या हातात फूल आणि पाश धारण केलेले आहेत. खालच्या डाव्या हातावर सोंड वळलेली दिसते आणि उजवा हात अभय देणारा आहे. हे मंदिर दक्षिणात्य पद्धतीने बांधले असल्याने गोपूर आहे. गणपतीच्या मूर्तीबरोबरच बालाजी, पद्मावती, मारुती, कार्तिकस्वामी, छोटे दगडी शिवलिंग, पार्वती, नवग्रह अशा देवतांच्या मूर्तींचे दर्शन घेता येते. या मंदिराचे वैशिट्य म्हणजे येथे शिवलिंगासहित सर्वच मूर्तींना वस्त्रे नेसवली जातात. या गणेशाची पूजा दाक्षिणात्य पद्धतीने केली जाते.
‘महाराष्ट्र टाइम्स’ मीडिया पार्टनर असलेल्या मल्हार प्रॉडकशन्स निर्मित ‘आराध्य अर्थात ओळखीच्या गणेश मंदिरांचा अनोळखी इतिहास’ या वेब मालिकेचा हा भाग..