बेस्ट लक! बारावीचा आज ऑनलाइन निकाल!

मटा ऑनलाइन वृत्त । पुणे

राज्य माध्यमिक आणि उच्च माध्यमिक शिक्षण मंडळानं फेब्रुवारी - मार्चमध्ये घेतलेल्या बारावी परीक्षेचा निकाल आज २५ मे रोजी जाहीर होणार आहे. सकाळी ११ वाजता निकाल मंडळातर्फे जाहीर करण्यात येईल. त्यानंतर दुपारी १ वाजता ऑनलाइन पाहता येईल. विविध संकेतस्थळांवरही निकाल पाहण्याची सोय करण्यात आली आहे.

या संकेतस्थळांवरून निकालाची प्रत डाऊनलोड करून घेता येईल. त्याची मूळ प्रत ३ जूनला दुपारी ३ वाजता संबंधित कनिष्ठ महाविद्यालयांत विद्यार्थ्यांना वितरीत केली जाईल, अशी माहिती मंडळाचे अध्यक्ष गंगाधर म्हमाणे यांनी दिली.

निकाल कुठे पाहाल?

http://maharashtra12.knowyourresult.com

http://mahresult.nic.in

www.result.mkcl.org

www.maharashtraeducation.com


एसएमएस करा आणि निकाल जाणून घ्या!

एसएमएसद्वारेही विद्यार्थी आपला निकाल जाणून घेऊ शकतात. त्यासाठी बीएसएनएलच्या ग्राहकांनी ५७७६६ या क्रमांकावर mhhsc असा मेसेज पाठविणे गरजेचे आहे. एअरटेल ग्राहकांसाठी ५२०७०११ या क्रमांकावर, तर आयडिया, व्होडाफोन, रिलायन्स, टाटा डोकोमो आदी कंपन्यांच्या ग्राहकांनी ५८८८८१११ या क्रमांकावर MAH12 असा मेसेज पाठविल्यास, त्यांना बारावीचा निकाल जाणून घेता येईल, असे मंडळाने स्पष्ट केले.