म. टा. प्रतिनिधी, बारामती
राज्यातील बारा लाख वीजग्राहकांनी महावितरणचे अॅप डाउनलोड केले असून, सव्वा कोटी ग्राहकांनी मोबाइल क्रमांकाची नोंदणी केल्याचे महावितरणककडून सांगण्यात आले.
महावितरणच्या मोबाइल अॅपला राज्यातील ग्राहकांना मोठा प्रतिसाद मिळत आहे. या अॅपमुळे महावितरणच्या कामकाजातही गतीमानता आणि पारदर्शकता आल्याचे दिसून आले आहे. याचा अनुभव लोकप्रतिनिधींनाही येत असून, शुक्रवारी विधान परिषदेत महावितरणच्या अॅपचे जाहीर कौतुक करण्यात आले. अॅपद्वारे ग्राहकांना विविध सेवा ऑनलाइन देणारी महावितरण ही देशातील विद्युत वितरण क्षेत्रातील पहिलीच कंपनी ठरली आहे. अॅपमुळे ग्राहकांना देण्यात येणाऱ्या वीजजोडण्या, वीजबिले आणि भरणा आदींची माहिती मिळवणे तसेच वीजसेवांविषयी तक्रारी आणि अभिप्राय देणे शक्य झाले आहे. अॅपद्वारे आतापर्यंत ४८, ९६७ नवीन ग्राहकांना जोडणी देण्यात आली आहे.
आतापर्यंत १.२१ कोटी ग्राहकांनी आपल्या मोबाइल क्रमांकाची नोंदणी महावितरणकडे केली असून, ग्राहकांना मीटर रीडिंग, वीजबिल, ऑनलाइन बिल, नवीन वीजजोडणीसाठी अर्ज, सद्यस्थिती, मीटर वाचन घेतल्याच्या तसेच, देखभाल आणि दुरुस्तीच्या कामासाठी वीजपुरवठा बंद करणे आदी सूचना एसएमएसद्वारे पाठविण्यात येत असल्याचे महावितरण प्रशासनातर्फे स्पष्ट करण्यात आले.
मोबाइल अॅपवरून देण्यात येणाऱ्या वीजजोडण्या, वीजबिलांची माहिती, वीजबिल भरणा तसेच वीजसेवांविषयी तक्रारी आणि अभिप्राय आदी सेवांबद्दल वीजग्राहक समाधानी असल्याचे दिसून आले आहे. - डॉ. नीलम गोऱ्हे, विधान परिषद सदस्य
राज्यातील बारा लाख वीजग्राहकांनी महावितरणचे अॅप डाउनलोड केले असून, सव्वा कोटी ग्राहकांनी मोबाइल क्रमांकाची नोंदणी केल्याचे महावितरणककडून सांगण्यात आले.
महावितरणच्या मोबाइल अॅपला राज्यातील ग्राहकांना मोठा प्रतिसाद मिळत आहे. या अॅपमुळे महावितरणच्या कामकाजातही गतीमानता आणि पारदर्शकता आल्याचे दिसून आले आहे. याचा अनुभव लोकप्रतिनिधींनाही येत असून, शुक्रवारी विधान परिषदेत महावितरणच्या अॅपचे जाहीर कौतुक करण्यात आले. अॅपद्वारे ग्राहकांना विविध सेवा ऑनलाइन देणारी महावितरण ही देशातील विद्युत वितरण क्षेत्रातील पहिलीच कंपनी ठरली आहे. अॅपमुळे ग्राहकांना देण्यात येणाऱ्या वीजजोडण्या, वीजबिले आणि भरणा आदींची माहिती मिळवणे तसेच वीजसेवांविषयी तक्रारी आणि अभिप्राय देणे शक्य झाले आहे. अॅपद्वारे आतापर्यंत ४८, ९६७ नवीन ग्राहकांना जोडणी देण्यात आली आहे.
आतापर्यंत १.२१ कोटी ग्राहकांनी आपल्या मोबाइल क्रमांकाची नोंदणी महावितरणकडे केली असून, ग्राहकांना मीटर रीडिंग, वीजबिल, ऑनलाइन बिल, नवीन वीजजोडणीसाठी अर्ज, सद्यस्थिती, मीटर वाचन घेतल्याच्या तसेच, देखभाल आणि दुरुस्तीच्या कामासाठी वीजपुरवठा बंद करणे आदी सूचना एसएमएसद्वारे पाठविण्यात येत असल्याचे महावितरण प्रशासनातर्फे स्पष्ट करण्यात आले.
मोबाइल अॅपवरून देण्यात येणाऱ्या वीजजोडण्या, वीजबिलांची माहिती, वीजबिल भरणा तसेच वीजसेवांविषयी तक्रारी आणि अभिप्राय आदी सेवांबद्दल वीजग्राहक समाधानी असल्याचे दिसून आले आहे. - डॉ. नीलम गोऱ्हे, विधान परिषद सदस्य