नांदेड : महावितरणच्या वतीने राबविण्यात येणाऱ्या 'वीजचोरी कळवा बक्षीस मिळवा' या योजनेतंर्गत वीज चोरीची माहिती देणाऱ्यांना वीजचोरीच्या दहा टक्के रक्कम बक्षीस म्हणून देण्यात येणार आहे. त्यामुळे सजग नागरिकांनी वीजचोरीची माहिती तत्काळ महावितरणला कळवावी, असे आवाहन महावितरणच्या वतीने करण्यात आले आहे.
वीजचोरीला आळा बसावा यासाठी महावितरणतर्फे वीजचोरी विरुद्ध सातत्याने मोठ्या प्रमाणावर मोहिमा राबविण्यात येतात याउपरही काही वीजग्राहक नवनवीन युक्त्या वापरून विजेची चोरी करीत असतात. अशा वीजचोरीची माहिती देणाऱ्यांना वीजचोरीच्या अनुमानीत रक्कमेच्या दहा टक्के रक्कम बक्षीस म्हणून देण्यात येते. वीजचोरी करणाऱ्या ग्राहकाने तडजोड रकमेसह वीजचोरीची संपूर्ण रक्कम भरल्यानंतरच बक्षीस देण्यात येणार असून वीस हजार रुपयांपर्यंतची रक्कम रोख स्वरूपात तर त्यावरील पैसे आरटीजीस किंवा एनईएफटीच्या माध्यमातून देण्यात येतील. सदरील माहिती बंद लिफाफयात लेखी स्वरूपात समक्ष कार्यकारी अभियंता यांना देऊन त्यांची पोच नागरिकांनी घ्यावी. माहिती देणाऱ्याचे नाव या सर्व प्रक्रियेत गुप्त ठेवण्यात येते. दिलेल्या माहितीवर तात्काळ कारवाई व तपासणी करण्याचे आदेश सर्व अधिकाऱ्यांना देण्यात आले आहेत. त्यासोबतच आपल्या कार्यक्षेत्राबाहेरील वीजचोरी कळविणाऱ्या महावितरणच्या कर्मचाऱ्यांनाही सदर बक्षीस योजना लागू असेल. महावितरणच्या कर्मचाऱ्यांनी वीज चोरीची माहिती थेट संचालक दक्षता व सुरक्षा यांना दूरध्वनीवरून देणे आवश्यक आहे. या संदर्भात अधिक माहितीसाठी जवळच्या महावितरणच्या कार्यालयाशी संपर्क साधण्याचे आवाहन करण्यात येत आहे.
तीन दिवसांत हजार वीज चोरांवर कारवाई
वीज चोरांविरुद्ध कारवाईचा बडगा उगारत नांदेड परिमंडळाने एक नोव्हेंबरपासून सुरू केलेल्या सामुहिक कारवाईमध्ये अवघ्या तीन दिवसांत नांदेड परिमंडळांतर्गत १००२ वीज चोरांवर दंडात्मक कारवाई केली आहे. या वीजचोरांवर विद्युत कायद्यान्वये कारवाई केली जात आहे.
नांदेड परिमंडळांतर्गत नांदेड, परभणी आणि हिंगोली जिल्ह्यातील वीज गळती कमी करण्याच्या दृष्टीने वीजचोरी विरुद्ध राबविण्यात आलेल्या धडक मोहिमेत आकडे टाकून विजेची थेट चोरी करणे, विजेचा गैरवापर आणि वीजमिटरमध्ये फेरफार करणे अशा विविध चोऱ्या आढळून आल्या आहेत. मुख्य अभियंता दत्तात्रय पडळकर, नांदेडचे अधीक्षक अभियंता संतोष वहाणे तसेच हिंगोली मंडळाचे अधीक्षक अभियंता सुधाकर जाधव, परभणी मंडळाचे अधीक्षक अभियंता दत्तात्रय बनसोडे यांच्या निर्देशानुसार आठ ते दहा कर्मचारी व अधिकाऱ्यांचा प्रामुख्याने सहभाग असलेल्या चमुंनी परिमंडळातील कार्यकारी अभियंता यांच्या सहाय्याने वीज चोऱ्या पकडण्यात यश प्राप्त केले आहे.
वीजचोरीला आळा बसावा यासाठी महावितरणतर्फे वीजचोरी विरुद्ध सातत्याने मोठ्या प्रमाणावर मोहिमा राबविण्यात येतात याउपरही काही वीजग्राहक नवनवीन युक्त्या वापरून विजेची चोरी करीत असतात. अशा वीजचोरीची माहिती देणाऱ्यांना वीजचोरीच्या अनुमानीत रक्कमेच्या दहा टक्के रक्कम बक्षीस म्हणून देण्यात येते. वीजचोरी करणाऱ्या ग्राहकाने तडजोड रकमेसह वीजचोरीची संपूर्ण रक्कम भरल्यानंतरच बक्षीस देण्यात येणार असून वीस हजार रुपयांपर्यंतची रक्कम रोख स्वरूपात तर त्यावरील पैसे आरटीजीस किंवा एनईएफटीच्या माध्यमातून देण्यात येतील. सदरील माहिती बंद लिफाफयात लेखी स्वरूपात समक्ष कार्यकारी अभियंता यांना देऊन त्यांची पोच नागरिकांनी घ्यावी. माहिती देणाऱ्याचे नाव या सर्व प्रक्रियेत गुप्त ठेवण्यात येते. दिलेल्या माहितीवर तात्काळ कारवाई व तपासणी करण्याचे आदेश सर्व अधिकाऱ्यांना देण्यात आले आहेत. त्यासोबतच आपल्या कार्यक्षेत्राबाहेरील वीजचोरी कळविणाऱ्या महावितरणच्या कर्मचाऱ्यांनाही सदर बक्षीस योजना लागू असेल. महावितरणच्या कर्मचाऱ्यांनी वीज चोरीची माहिती थेट संचालक दक्षता व सुरक्षा यांना दूरध्वनीवरून देणे आवश्यक आहे. या संदर्भात अधिक माहितीसाठी जवळच्या महावितरणच्या कार्यालयाशी संपर्क साधण्याचे आवाहन करण्यात येत आहे.
तीन दिवसांत हजार वीज चोरांवर कारवाई
वीज चोरांविरुद्ध कारवाईचा बडगा उगारत नांदेड परिमंडळाने एक नोव्हेंबरपासून सुरू केलेल्या सामुहिक कारवाईमध्ये अवघ्या तीन दिवसांत नांदेड परिमंडळांतर्गत १००२ वीज चोरांवर दंडात्मक कारवाई केली आहे. या वीजचोरांवर विद्युत कायद्यान्वये कारवाई केली जात आहे.
नांदेड परिमंडळांतर्गत नांदेड, परभणी आणि हिंगोली जिल्ह्यातील वीज गळती कमी करण्याच्या दृष्टीने वीजचोरी विरुद्ध राबविण्यात आलेल्या धडक मोहिमेत आकडे टाकून विजेची थेट चोरी करणे, विजेचा गैरवापर आणि वीजमिटरमध्ये फेरफार करणे अशा विविध चोऱ्या आढळून आल्या आहेत. मुख्य अभियंता दत्तात्रय पडळकर, नांदेडचे अधीक्षक अभियंता संतोष वहाणे तसेच हिंगोली मंडळाचे अधीक्षक अभियंता सुधाकर जाधव, परभणी मंडळाचे अधीक्षक अभियंता दत्तात्रय बनसोडे यांच्या निर्देशानुसार आठ ते दहा कर्मचारी व अधिकाऱ्यांचा प्रामुख्याने सहभाग असलेल्या चमुंनी परिमंडळातील कार्यकारी अभियंता यांच्या सहाय्याने वीज चोऱ्या पकडण्यात यश प्राप्त केले आहे.