माळशेज घाट हरवला धुक्यात, ४ दिवस तुफान पाऊस; घाटावरचा अंगाचा थरकाप उडवणारा VIDEO

जुन्नर(पुणे) : जुन्नर तालुक्याच्या घाट माथ्यावर पावसाची दमदार बॅटिंग सुरू आहे. त्यामुळे या भागातून जाणारा नगर- कल्याण महामार्ग धुक्याने वेढला आहे. या महामार्गावर माळशेज घाट असल्याने माळशेज घाटात दमदार पाऊस सुरू आहे. संपूर्ण माळशेज घाटाला धुक्याने वेढा घातला आहे.

घाटात धुके असल्याने वाहन चालकांना जीव मुठीत धरून वाहने चालवावी लागत आहेत. पावसाळा सुरू झाल्याने माळशेज घाटातील निसर्ग आता फुलू लागला आहे. माळशेज घाटात गेल्या काही दिवसांपासून जोरात पाऊस सुरू आहे. त्यामुळे संपूर्ण माळशेज घाट धुक्यात हरवून गेल्याचे चित्र पहायला मिळत आहे.

पुणे: इंद्रायणी नदीला पूर, अलंकापुरीतील भागीरथी कुंड पाण्याखाली; नदीचे रौद्ररुप दाखवणारा LIVE VIDEO

या परिसरात पावसाचा जोर एवढा आहे की, समोर काही दिसत नाहीत अशी परिस्थिती सध्या माळशेज घाटात पहायला मिळत आहे. एखादा दगड जरी वरून खाली कोसळला तरी समजणार नाही. एवढे दाट धुके माळशेज घाटात पाहायला मिळत आहे. त्यामुळे सध्याच्या परिस्थिती माळशेज घाटात फिरायला जाताना अत्यंत काळजी घ्यावी. अन्यथा फिरायला जाणे टाळावे असे आवाहन करण्यात येत आहे.

घाटमाथ्यावर पावसाची दमदार बॅटिंग सुरू असल्याने कल्याण नगर महामार्ग हा धुक्याने वेढला असून माळशेज घाटातून प्रवास करणाऱ्या वाहनचालकांना मोठी कसरत करून आपली वाहने चालवावी लागत आहे. माळशेज घाटात सध्या मोठ्या प्रमाणात धुके आणि धो-धो पाऊस सुरू आहे. त्यामुळे वाहन चालकांना मोठी कसरत होत आहे.

VIDEO : दाजींची स्टाईलच भारी; पंढरपुरात दानवेंनी स्वतः चहा करून वारकऱ्यांना पाजला
घाटातील रस्त्यावर खड्ड्यांचे साम्राज्य

माळशेज घाटात काही दिवसांपासून पाऊस सुरू आहे. त्यामुळे वाहन चालकांना वाहने अत्यंत सावधानतेने चालवावी लागत आहेत. मात्र, घाटातील रस्त्यावर मोठ्या प्रमाणावर खड्डे पडले आहेत. त्याचा नाहक त्रास वाहन चालकांना सहन करावा लागत आहे.