म. टा. प्रतिनिधी, पुणे
सोसायटीत वेळेवर पाणी येत नसल्यामुळे चिडलेल्या व्यक्तीने बिल्डरकडे काम करणाऱ्या एका व्यक्तीवर कात्रीने हल्ला करून जीवे मारण्याचा प्रयत्न केल्याची घटना कर्वे रस्ता परिसरात घडली. या प्रकरणी हल्ला करणाऱ्या व्यक्तीवर अलंकार पोलिस ठाण्यात जीवे मारण्याचा प्रयत्न केल्याचा गुन्हा दाखल करण्यात आला आहे.
याबाबत राजेश सर्जेराव भोईटे (वय ४०, रा. ओरिएंटल पार्क, हडपसर) असे जखमी झालेल्या व्यक्तीचे नाव आहे. याप्रकरणी त्यानी दिलेल्या तक्रारीवरून महेंद्र हरी कुसाळकर (वय ४०, रा. मेघासिटी, एसएनडीटीजवळ) या व्यक्तीवर गुन्हा दाखल करून त्याला अटक करण्यात आली आहे. पोलिसांनी दिलेल्या माहितीनुसार, आरोपी कुसाळकर हे मेघासिटी एसआरए प्रकल्पात बांधलेल्या इमारतीमध्ये राहण्यास आहेत. या प्रकल्पाचे बांधकाम केलेल्या बिल्डरकडे तक्ररादार भोईटे नोकरीला आहेत. गेल्या काही दिवसांपासून इमारतीमध्ये वेळेवर पाणी येत नसल्यामुळे कुसाळकर चिडलेले होते. तसेच, येथील कम्पाउंडचे काम करू नये, अशी त्यांची मागणी होती. याबाबत त्यांनी भोईटे यांना वेळोवेळी सांगितले होते. त्यावरून त्यांच्यात वाद झाले होते.
भोईटे मंगळवारी दशभुजा गणपतीजवळील जय भारत हेअर सलूनमध्ये होते. त्या वेळी सायंकाळी साडेपाचच्या सुमारास कुसाळकर त्या ठिकाणी आले. त्यांची भोईटे यांच्यासोबत वादावादी झाली. त्या वेळी आरोपीने तेथील कात्री घेऊन भोईटे यांच्या छातीवर आणि डोक्यावर वार करून जखमी केले. नागरिकांनी घटनेची माहिती तत्काळ अलंकार पोलिसांना दिली. अलंकार पोलिसांनी घटनास्थळी धाव घेऊन जखमीला उपचारांसाठी पाठविले. याप्रकरणी कुसाळकर याला अटक केली आहे.
सोसायटीत वेळेवर पाणी येत नसल्यामुळे चिडलेल्या व्यक्तीने बिल्डरकडे काम करणाऱ्या एका व्यक्तीवर कात्रीने हल्ला करून जीवे मारण्याचा प्रयत्न केल्याची घटना कर्वे रस्ता परिसरात घडली. या प्रकरणी हल्ला करणाऱ्या व्यक्तीवर अलंकार पोलिस ठाण्यात जीवे मारण्याचा प्रयत्न केल्याचा गुन्हा दाखल करण्यात आला आहे.
याबाबत राजेश सर्जेराव भोईटे (वय ४०, रा. ओरिएंटल पार्क, हडपसर) असे जखमी झालेल्या व्यक्तीचे नाव आहे. याप्रकरणी त्यानी दिलेल्या तक्रारीवरून महेंद्र हरी कुसाळकर (वय ४०, रा. मेघासिटी, एसएनडीटीजवळ) या व्यक्तीवर गुन्हा दाखल करून त्याला अटक करण्यात आली आहे. पोलिसांनी दिलेल्या माहितीनुसार, आरोपी कुसाळकर हे मेघासिटी एसआरए प्रकल्पात बांधलेल्या इमारतीमध्ये राहण्यास आहेत. या प्रकल्पाचे बांधकाम केलेल्या बिल्डरकडे तक्ररादार भोईटे नोकरीला आहेत. गेल्या काही दिवसांपासून इमारतीमध्ये वेळेवर पाणी येत नसल्यामुळे कुसाळकर चिडलेले होते. तसेच, येथील कम्पाउंडचे काम करू नये, अशी त्यांची मागणी होती. याबाबत त्यांनी भोईटे यांना वेळोवेळी सांगितले होते. त्यावरून त्यांच्यात वाद झाले होते.
भोईटे मंगळवारी दशभुजा गणपतीजवळील जय भारत हेअर सलूनमध्ये होते. त्या वेळी सायंकाळी साडेपाचच्या सुमारास कुसाळकर त्या ठिकाणी आले. त्यांची भोईटे यांच्यासोबत वादावादी झाली. त्या वेळी आरोपीने तेथील कात्री घेऊन भोईटे यांच्या छातीवर आणि डोक्यावर वार करून जखमी केले. नागरिकांनी घटनेची माहिती तत्काळ अलंकार पोलिसांना दिली. अलंकार पोलिसांनी घटनास्थळी धाव घेऊन जखमीला उपचारांसाठी पाठविले. याप्रकरणी कुसाळकर याला अटक केली आहे.