म. टा. प्रतिनिधी, पुणे
‘स्वच्छता हा आचरणाचा विषय असून, प्रत्येकाने आपले घर आणि परिसर स्वच्छ राखला तर एका वर्षात स्वच्छता मोहीम यशस्वी होऊ शकते,’ असे मत संरक्षणमंत्री मनोहर पर्रीकर यांनी रविवारी व्यक्त केले.
महात्मा गांधी जयंतीचे औचित्य साधून पुणे कॅन्टोंन्मेंट बोर्डातर्फे आयोजित स्वच्छ भारत अभियानाच्या कार्यक्रमासाठी पर्रीकर उपस्थित होते. खासदार अनिल शिरोळे, पुणे कॅन्टोंन्मेंट बोर्डाचे सीईओ डॉ. डी. एन. यादव, उपाध्यक्ष दिलीप गिरमकर, सर्व सदस्य, कॅन्टोंन्मेंट बोर्डाचे संचालक गीता पेर्ती, ए. भास्कर रेड्डी व डिफेन्स इस्टेटचे संचालक केजेएस चौहान, खडकी कॅन्टोंन्मेंट बोर्डाचे अध्यक्ष ब्रिगेडिअर ए. के. त्यागी, खडकी कॅन्टोंन्मेंट बोर्डाचे सीईओ अमोल जगताप आणि देहूरोड बोर्डाचे सीईओ अभिजित सानप आदी उपस्थित होते.
त्यानंतर पर्रीकर यांनी पुणे बोर्डातर्फे उभारण्यात येत असलेल्या २० दक्षलक्ष घनमीटर आकाराच्या सांडपाणी प्रक्रिया प्रकल्पाला भेट दिली. त्याचबरोबर हडपसर येथील कचरा डेपोलाही त्यांनी भेट देऊन पाहणी केली.
------
‘बोहरी समाजाचा आदर्श उपक्रम’
पुण्यातील दाऊदी बोहरी समाजातर्फे गेल्या काही वर्षांपासून नजाफत म्हणजेच स्वच्छता मोहीम राबविण्यात येते. पर्रीकर यांनी या उपक्रमाची पाहणी केली. जोहर हर्नेसवाला, फक्रुद्दिन साबुवाला आदी उपस्थित होते. समाजातील तरुण मुलांना समाजातीलच प्रत्येकी दहा कुटुंबांची जबाबदारी दिली जाते. ही मुले दररोज या कुटुंबांना भेट देऊन स्वच्छतेची पाहणी करून आवश्यक बदल घडवून आणतात. हे आदर्श उदाहरण असून इतरांनीही त्याचे अनुकरण करावे, असे आवाहन पर्रीकर यांनी केले. धर्मगुरू सय्यदना मुफद्दल सैफुद्दिन यांच्या आदेशाने आणि अब्देअली भाईसाहेब नुरुद्दीन यांच्या मार्गदर्शनानुसार ही मोहीम राबविण्यात येते.
‘स्वच्छता हा आचरणाचा विषय असून, प्रत्येकाने आपले घर आणि परिसर स्वच्छ राखला तर एका वर्षात स्वच्छता मोहीम यशस्वी होऊ शकते,’ असे मत संरक्षणमंत्री मनोहर पर्रीकर यांनी रविवारी व्यक्त केले.
महात्मा गांधी जयंतीचे औचित्य साधून पुणे कॅन्टोंन्मेंट बोर्डातर्फे आयोजित स्वच्छ भारत अभियानाच्या कार्यक्रमासाठी पर्रीकर उपस्थित होते. खासदार अनिल शिरोळे, पुणे कॅन्टोंन्मेंट बोर्डाचे सीईओ डॉ. डी. एन. यादव, उपाध्यक्ष दिलीप गिरमकर, सर्व सदस्य, कॅन्टोंन्मेंट बोर्डाचे संचालक गीता पेर्ती, ए. भास्कर रेड्डी व डिफेन्स इस्टेटचे संचालक केजेएस चौहान, खडकी कॅन्टोंन्मेंट बोर्डाचे अध्यक्ष ब्रिगेडिअर ए. के. त्यागी, खडकी कॅन्टोंन्मेंट बोर्डाचे सीईओ अमोल जगताप आणि देहूरोड बोर्डाचे सीईओ अभिजित सानप आदी उपस्थित होते.
त्यानंतर पर्रीकर यांनी पुणे बोर्डातर्फे उभारण्यात येत असलेल्या २० दक्षलक्ष घनमीटर आकाराच्या सांडपाणी प्रक्रिया प्रकल्पाला भेट दिली. त्याचबरोबर हडपसर येथील कचरा डेपोलाही त्यांनी भेट देऊन पाहणी केली.
------
‘बोहरी समाजाचा आदर्श उपक्रम’
पुण्यातील दाऊदी बोहरी समाजातर्फे गेल्या काही वर्षांपासून नजाफत म्हणजेच स्वच्छता मोहीम राबविण्यात येते. पर्रीकर यांनी या उपक्रमाची पाहणी केली. जोहर हर्नेसवाला, फक्रुद्दिन साबुवाला आदी उपस्थित होते. समाजातील तरुण मुलांना समाजातीलच प्रत्येकी दहा कुटुंबांची जबाबदारी दिली जाते. ही मुले दररोज या कुटुंबांना भेट देऊन स्वच्छतेची पाहणी करून आवश्यक बदल घडवून आणतात. हे आदर्श उदाहरण असून इतरांनीही त्याचे अनुकरण करावे, असे आवाहन पर्रीकर यांनी केले. धर्मगुरू सय्यदना मुफद्दल सैफुद्दिन यांच्या आदेशाने आणि अब्देअली भाईसाहेब नुरुद्दीन यांच्या मार्गदर्शनानुसार ही मोहीम राबविण्यात येते.