म. टा. प्रतिनिधी, पुणे
चित्रपट अभिनेत्याविरुद्ध विनयभंगाची तक्रार देऊन खंडणी उकळल्याच्या आरोपावरून दाखल गुन्ह्यात अभिनेत्री सारा श्रवण उर्फ सारा गणेश सोनवणे (वय ३२, रा. दुबई, मूळ मुंबई) हिला पुणे पोलिसांच्या गुन्हे शाखेने मुंबईतून अटक केली. खंडणीच्या गुन्ह्यात सारा हिचा अटकपूर्व जामीन सत्र न्यायालयाने फेटाळल्यानंतर पुणे पोलिसांनी ही कारवाई केली. सारा हिची रविवारी कोर्टाने जामिनावर सुटका केली.
याबाबत अभिनेता सुभाष दत्तात्रय यादव (रा. गुलमोहर सोसायटी, शास्त्री रोड, पुणे) यांनी दिलेल्या तक्रारीवरून सहकारनगर पोलिस ठाण्यात गुन्हा दाखल करण्यात आला होता. या प्रकरणी अभिनेत्री रोहिणी मच्छिंद्र माने (रा. दहिटना, नळदुर्ग, ता. तुळजापूर, जि. उस्मानाबाद), दहशतवादविरोधी पथकातील पोलिस उपनिरीक्षक अमोल विष्णू टेकाळे (रा. स्वारगेट पोलिस लाइन) आणि राम भरत जगदाळे (रा. पर्वती पायथा, सहकारनगर) यांना यापूर्वीच अटक करण्यात आली आहे. या गुन्ह्यात सारा श्रवण दुबईमध्ये पळून गेली होती. तिच्याविरोधात 'लुक आउट' नोटीस काढण्यात आली होती.
पोलिसांनी दिलेल्या माहितीनुसार, तक्रारदार यादव व रोहिणी माने यांनी 'रोल नंबर अठरा' या चित्रपटात काम केले आहे. चित्रपट प्रदर्शित झाल्यानंतर यादव यांना मिळत असलेली प्रसिद्धी माने आणि सारा श्रवणला यांना पाहवत नव्हती. तसेच, माने ही आपल्याशी लग्न कर म्हणून यादव यांच्या मागे लागली होती. यादव यांच्याविरोधात माने हिने विनयभंगाचा गुन्हा दाखल केला होता. हा गुन्हा मागे घ्यायचा असल्यास यादव यांनी माने हिची पाया पडून माफी मागावी. त्याचे चित्रीकरण करू, अशी अट घातली होती. त्यामुळे यादव यांनी या गोष्टीसाठी नकार दिला होता. विनयभंगाचा गुन्हा खोटा असल्यामुळे माफी मागणार नाही, असे त्यांनी सांगितले होते. मात्र त्यानंतर खोटे गुन्हे दाखल करू, अशा धमक्या देवून यादव यांना रोहिणी माने हिचे जबरदस्तीने पाय धरून माफी मागण्यास भाग पाडले. त्याचे चित्रीकरण करून एक लाखांची खंडणी उकळली होती. सारा आणि माने या दोघी मैत्रिणी आहेत. सारा दुबईत वास्तव्यास असल्याने तिला अटक करता आली नव्हती. भारतात आल्यानंतर तिला अटक करण्यात आली. कोर्टात हजर केल्यानंतर साराची जामीनावर सुटका करण्यात आली आहे. पोलिस उपायुक्त बच्चन सिंग, सहायक पोलिस आयुक्त विजय चौधरी यांच्या मार्गदर्शनाखाली सहायक पोलिस निरीक्षक जयवंत जाधव यांनी ही कारवाई केली.
चित्रपट अभिनेत्याविरुद्ध विनयभंगाची तक्रार देऊन खंडणी उकळल्याच्या आरोपावरून दाखल गुन्ह्यात अभिनेत्री सारा श्रवण उर्फ सारा गणेश सोनवणे (वय ३२, रा. दुबई, मूळ मुंबई) हिला पुणे पोलिसांच्या गुन्हे शाखेने मुंबईतून अटक केली. खंडणीच्या गुन्ह्यात सारा हिचा अटकपूर्व जामीन सत्र न्यायालयाने फेटाळल्यानंतर पुणे पोलिसांनी ही कारवाई केली. सारा हिची रविवारी कोर्टाने जामिनावर सुटका केली.
याबाबत अभिनेता सुभाष दत्तात्रय यादव (रा. गुलमोहर सोसायटी, शास्त्री रोड, पुणे) यांनी दिलेल्या तक्रारीवरून सहकारनगर पोलिस ठाण्यात गुन्हा दाखल करण्यात आला होता. या प्रकरणी अभिनेत्री रोहिणी मच्छिंद्र माने (रा. दहिटना, नळदुर्ग, ता. तुळजापूर, जि. उस्मानाबाद), दहशतवादविरोधी पथकातील पोलिस उपनिरीक्षक अमोल विष्णू टेकाळे (रा. स्वारगेट पोलिस लाइन) आणि राम भरत जगदाळे (रा. पर्वती पायथा, सहकारनगर) यांना यापूर्वीच अटक करण्यात आली आहे. या गुन्ह्यात सारा श्रवण दुबईमध्ये पळून गेली होती. तिच्याविरोधात 'लुक आउट' नोटीस काढण्यात आली होती.
पोलिसांनी दिलेल्या माहितीनुसार, तक्रारदार यादव व रोहिणी माने यांनी 'रोल नंबर अठरा' या चित्रपटात काम केले आहे. चित्रपट प्रदर्शित झाल्यानंतर यादव यांना मिळत असलेली प्रसिद्धी माने आणि सारा श्रवणला यांना पाहवत नव्हती. तसेच, माने ही आपल्याशी लग्न कर म्हणून यादव यांच्या मागे लागली होती. यादव यांच्याविरोधात माने हिने विनयभंगाचा गुन्हा दाखल केला होता. हा गुन्हा मागे घ्यायचा असल्यास यादव यांनी माने हिची पाया पडून माफी मागावी. त्याचे चित्रीकरण करू, अशी अट घातली होती. त्यामुळे यादव यांनी या गोष्टीसाठी नकार दिला होता. विनयभंगाचा गुन्हा खोटा असल्यामुळे माफी मागणार नाही, असे त्यांनी सांगितले होते. मात्र त्यानंतर खोटे गुन्हे दाखल करू, अशा धमक्या देवून यादव यांना रोहिणी माने हिचे जबरदस्तीने पाय धरून माफी मागण्यास भाग पाडले. त्याचे चित्रीकरण करून एक लाखांची खंडणी उकळली होती. सारा आणि माने या दोघी मैत्रिणी आहेत. सारा दुबईत वास्तव्यास असल्याने तिला अटक करता आली नव्हती. भारतात आल्यानंतर तिला अटक करण्यात आली. कोर्टात हजर केल्यानंतर साराची जामीनावर सुटका करण्यात आली आहे. पोलिस उपायुक्त बच्चन सिंग, सहायक पोलिस आयुक्त विजय चौधरी यांच्या मार्गदर्शनाखाली सहायक पोलिस निरीक्षक जयवंत जाधव यांनी ही कारवाई केली.