पुणे
साहित्य, कला, इतिहास, भूगोल, सामाजिक शास्त्र, गणित, विज्ञान, माहिती तंत्रज्ञान, सर्व क्षेत्रातील प्रसिद्ध व्यक्तींची मुबलक माहिती पुरवणाऱ्या मराठी विकीपीडिया या मुक्त ज्ञानकोशाने नुकताच ५० हजार मराठी लेखांचा टप्पा यशस्वीरीत्या पूर्ण केला.
देशातील अन्य प्रादेशिक भाषांच्या तुलनेत मराठीच्या विकीपीडिया वाचक आणि लेखकांनी उशिराने का होईना, पण ही मजल मारली आहे. गेल्या दोन महिन्यांमध्ये मराठी विकीपीडियावरील लेखांची आकडेवारी तीन हजाराने वाढल्याने मराठीवाचक आणि लेखकांचा विकीपीडियाचा वापर वाढल्याचे दिसून आले आहे.
इंटरनेटवरील वाचकांना एकत्रितरीत्या एका विषयाचा लेख संपादन करता यावा आणि त्यातून जास्तीतजास्त सत्य आणि अधिकृत माहिती उपलब्ध व्हावी, या उद्देशाने विकीपीडियाची निर्मिती करण्यात आली होती. १ मे २००३मध्ये मराठी विकीपीडिया अस्तित्वात आला. तेव्हापासून २२ डिसेंबर २०१७ या १५ वर्षांच्या काळात मराठी वाचकांनी विविध विषयांवरचे ५० हजार लेख संपादित केले आहेत. विकीपीडिया संदर्भात योग्य जनजागृतीचा अभाव असल्याने गेल्या काही वर्षांमध्ये मराठी विकीपीडियाची अत्यंत दयनीय अवस्था होती. बंगाली, तमीळ, तेलुगू, गुजराती, हिंदी या भाषांचा विचार केला तर साधारण १५ वर्षांच्या कालावधीत त्यांनी तीन लाखाहून अधिक लेखांचा टप्पा पूर्ण केला आहे. त्या तुलनेत मराठी विकीपीडियाला बरीच मजल मारावी लागणार आहे. मात्र, गेल्या काही महिन्यांमध्ये विकीपीडियावरील मराठी लेखांचे वाढलेले प्रमाण लक्षात घेता मराठी वाचकांसाठी आणि लेखकांसाठी आश्वासक चित्र निर्माण झाले आहे.
मराठी विकीपीडिया हा इंटरनेटवर अत्यंत सहजरीत्या उपलब्ध होणारा ज्ञानकोश आहे. विविध क्षेत्रातील प्रसिद्ध व्यक्तींपासून ते एखाद्या विज्ञान शाखेतील विशिष्ट विषयाच्या माहितीवर आधारीत लेख या वेबपेजवर उपलब्ध आहेत. या सर्व लेखांमध्ये वाचकांना संपादन माहितीचे संपादन करता येणे शक्य आहे. शिवाय विकीपीडियाने आता वाचकांसाठी केवळ संपादन आणि वाचन हा व्यवहार ठेवलेला नसून, अनेक पर्याय उपलब्ध केले आहेत. विकीपीडियावर तयार होणाऱ्या मजकुरासंदर्भात नियमावली आणि निती ठरवण्यासाठी विकीपीडिया फाउंडेशनची स्थापना करण्यात आली आहे.
साहित्य, कला, इतिहास, भूगोल, सामाजिक शास्त्र, गणित, विज्ञान, माहिती तंत्रज्ञान, सर्व क्षेत्रातील प्रसिद्ध व्यक्तींची मुबलक माहिती पुरवणाऱ्या मराठी विकीपीडिया या मुक्त ज्ञानकोशाने नुकताच ५० हजार मराठी लेखांचा टप्पा यशस्वीरीत्या पूर्ण केला.
देशातील अन्य प्रादेशिक भाषांच्या तुलनेत मराठीच्या विकीपीडिया वाचक आणि लेखकांनी उशिराने का होईना, पण ही मजल मारली आहे. गेल्या दोन महिन्यांमध्ये मराठी विकीपीडियावरील लेखांची आकडेवारी तीन हजाराने वाढल्याने मराठीवाचक आणि लेखकांचा विकीपीडियाचा वापर वाढल्याचे दिसून आले आहे.
इंटरनेटवरील वाचकांना एकत्रितरीत्या एका विषयाचा लेख संपादन करता यावा आणि त्यातून जास्तीतजास्त सत्य आणि अधिकृत माहिती उपलब्ध व्हावी, या उद्देशाने विकीपीडियाची निर्मिती करण्यात आली होती. १ मे २००३मध्ये मराठी विकीपीडिया अस्तित्वात आला. तेव्हापासून २२ डिसेंबर २०१७ या १५ वर्षांच्या काळात मराठी वाचकांनी विविध विषयांवरचे ५० हजार लेख संपादित केले आहेत. विकीपीडिया संदर्भात योग्य जनजागृतीचा अभाव असल्याने गेल्या काही वर्षांमध्ये मराठी विकीपीडियाची अत्यंत दयनीय अवस्था होती. बंगाली, तमीळ, तेलुगू, गुजराती, हिंदी या भाषांचा विचार केला तर साधारण १५ वर्षांच्या कालावधीत त्यांनी तीन लाखाहून अधिक लेखांचा टप्पा पूर्ण केला आहे. त्या तुलनेत मराठी विकीपीडियाला बरीच मजल मारावी लागणार आहे. मात्र, गेल्या काही महिन्यांमध्ये विकीपीडियावरील मराठी लेखांचे वाढलेले प्रमाण लक्षात घेता मराठी वाचकांसाठी आणि लेखकांसाठी आश्वासक चित्र निर्माण झाले आहे.
मराठी विकीपीडिया हा इंटरनेटवर अत्यंत सहजरीत्या उपलब्ध होणारा ज्ञानकोश आहे. विविध क्षेत्रातील प्रसिद्ध व्यक्तींपासून ते एखाद्या विज्ञान शाखेतील विशिष्ट विषयाच्या माहितीवर आधारीत लेख या वेबपेजवर उपलब्ध आहेत. या सर्व लेखांमध्ये वाचकांना संपादन माहितीचे संपादन करता येणे शक्य आहे. शिवाय विकीपीडियाने आता वाचकांसाठी केवळ संपादन आणि वाचन हा व्यवहार ठेवलेला नसून, अनेक पर्याय उपलब्ध केले आहेत. विकीपीडियावर तयार होणाऱ्या मजकुरासंदर्भात नियमावली आणि निती ठरवण्यासाठी विकीपीडिया फाउंडेशनची स्थापना करण्यात आली आहे.