डॉ. माशेलकर यांना ‘अॅकॅडमी’चे सदस्यत्व

म. टा. प्रतिनिधी, पुणे

देशातील नामवंत शास्त्रज्ञ डॉ. रघुनाथ माशेलकर यांना ‘ऑस्ट्रेलियन अॅकॅडमी ऑफ सायन्स’ या संस्थेचे ‘करस्पाँडिंग मेंबर’ असे सदस्यत्व नुकतेच बहाल करण्यात आले आहे. त्यामुळे या अॅकॅडमीचे सदस्यत्व मिळणारे डॉ. माशेलकर हे देशातील दुसरे व्यक्ती ठरले आहे. ऑस्ट्रेलियातील कॅनबेरा शहरात नुकत्याच पार पडलेल्या समारंभात संस्थेतर्फे डॉ. माशेलकर यांना सदस्य देण्यात आले. संस्थेच्या ६३ वर्षांच्या इतिहासात ज्येष्ठ शास्त्रज्ञ प्रा. सी. एन. आर. राव यांच्यानंतर सदस्यत्व मिळणारे डॉ. माशेलकर हे दुसरे भारतीय ठरले आहे. संस्थेचे अध्यक्ष प्रा. अँड्य्रू हॉलम्स यांनी त्यांना सदस्यत्व प्रदान केले.