म. टा. प्रतिनिधी, पुणे
प्रतिकूल परिस्थितीचा बाऊ न करता यशाचे शिखर गाठलेल्या कर्तृत्ववान विद्यार्थ्यांची ओंजळ रविवारी पुणेकरांच्या कोटीमोलाच्या मदतीने भरली. ‘नकारात्मकतेला, भीतीला बाजूला सारा. आजूबाजूला घडणाऱ्या लहान गोष्टींमधून प्रेरणा घ्या आणि सकारात्मक विचार करा,’ अशा शब्दात प्रमुख पाहुण्यांनी त्यांच्या पंखांना आणखी बळ दिले. या विद्यार्थ्यांच्याही मुखातून मग गगनभरारी घेतानाच इतरांनाही मदत करण्याचे आश्वासक बोल बाहेर पडले...
कर्तृत्व आणि दातृत्वाचा हृद्य संगम घडवत ‘महाराष्ट्र टाइम्स’च्या ‘हेल्पलाइन’ उपक्रमाचा रविवारी झालेला सोहळा उपस्थितांसाठी प्रेरणा आणि विश्वासाची पेरणी करणारा ठरला. अन् केवळ ‘हेल्पलाइन’चे शिलेदारच नव्हे, तर या सोहळ्याला उपस्थित प्रत्येक जण वेगळी सकारात्मक ऊर्जा घेऊन बाहेर पडला. कष्टातून उत्तुंग यश मिळविणाऱ्या विद्यार्थ्यांची प्रेरणादायक कहाणी आणि त्यांचे आत्मविश्वासपूर्ण बोल ऐकून सभागृहातील प्रत्येक जण हेलावून गेला. पुणेकरांच्या दानशूर वृत्तीचा उल्लेख होताना प्रत्येक वेळी टाळ्यांच्या कडकडाटात उपस्थितांनी दाद दिली.
‘महाराष्ट्र टाइम्स’च्या ‘हेल्पलाइन’ उपक्रमातील यंदाच्या वर्षीच्या १५ शिलेदारांना रविवारी कोल्हापूर परिक्षेत्राचे पोलिस महानिरीक्षक विश्वास नांगरे-पाटील यांच्या हस्ते मदतीचे चेक प्रदान करण्यात आले. महाराष्ट्र एज्युकेशन सोसायटीच्या आबासाहेब गरवारे कॉलेजच्या सभागृहात झालेल्या या देखण्या, भावपूर्ण सोहळ्याला उपक्रमाचे बँकिंग पार्टनर असलेल्या कॉसमॉस बँकेचे अध्यक्ष सीए मिलिंद काळेही उपस्थित होते. अक्षरधारा बुक गॅलरीतर्फे सर्व विद्यार्थ्यांना प्रेरणादायी पुस्तकांचा संच भेट देण्यात आला. ‘महाराष्ट्र टाइम्स’च्या पुणे आवृत्तीचे निवासी संपादक पराग करंदीकर यांनी प्रास्ताविक केले; तर वृत्तसंपादक श्रीधर लोणी यांनी आभार मानले. स्पेशल करस्पॉडंट सिद्धार्थ केळकर यांनी सूत्रसंचालन केले. मान्यवरांचा प्रेरणादायी संवाद, विद्यार्थ्यांची हृद्य मनोगते आणि ‘मटा’च्या वाचकांची उत्स्फूर्त उपस्थिती यांमुळे हा सोहळा वेगळ्या उंचीवर पोहोचला.
प्रतिकूल परिस्थितीचा बाऊ न करता यशाचे शिखर गाठलेल्या कर्तृत्ववान विद्यार्थ्यांची ओंजळ रविवारी पुणेकरांच्या कोटीमोलाच्या मदतीने भरली. ‘नकारात्मकतेला, भीतीला बाजूला सारा. आजूबाजूला घडणाऱ्या लहान गोष्टींमधून प्रेरणा घ्या आणि सकारात्मक विचार करा,’ अशा शब्दात प्रमुख पाहुण्यांनी त्यांच्या पंखांना आणखी बळ दिले. या विद्यार्थ्यांच्याही मुखातून मग गगनभरारी घेतानाच इतरांनाही मदत करण्याचे आश्वासक बोल बाहेर पडले...
कर्तृत्व आणि दातृत्वाचा हृद्य संगम घडवत ‘महाराष्ट्र टाइम्स’च्या ‘हेल्पलाइन’ उपक्रमाचा रविवारी झालेला सोहळा उपस्थितांसाठी प्रेरणा आणि विश्वासाची पेरणी करणारा ठरला. अन् केवळ ‘हेल्पलाइन’चे शिलेदारच नव्हे, तर या सोहळ्याला उपस्थित प्रत्येक जण वेगळी सकारात्मक ऊर्जा घेऊन बाहेर पडला. कष्टातून उत्तुंग यश मिळविणाऱ्या विद्यार्थ्यांची प्रेरणादायक कहाणी आणि त्यांचे आत्मविश्वासपूर्ण बोल ऐकून सभागृहातील प्रत्येक जण हेलावून गेला. पुणेकरांच्या दानशूर वृत्तीचा उल्लेख होताना प्रत्येक वेळी टाळ्यांच्या कडकडाटात उपस्थितांनी दाद दिली.
‘महाराष्ट्र टाइम्स’च्या ‘हेल्पलाइन’ उपक्रमातील यंदाच्या वर्षीच्या १५ शिलेदारांना रविवारी कोल्हापूर परिक्षेत्राचे पोलिस महानिरीक्षक विश्वास नांगरे-पाटील यांच्या हस्ते मदतीचे चेक प्रदान करण्यात आले. महाराष्ट्र एज्युकेशन सोसायटीच्या आबासाहेब गरवारे कॉलेजच्या सभागृहात झालेल्या या देखण्या, भावपूर्ण सोहळ्याला उपक्रमाचे बँकिंग पार्टनर असलेल्या कॉसमॉस बँकेचे अध्यक्ष सीए मिलिंद काळेही उपस्थित होते. अक्षरधारा बुक गॅलरीतर्फे सर्व विद्यार्थ्यांना प्रेरणादायी पुस्तकांचा संच भेट देण्यात आला. ‘महाराष्ट्र टाइम्स’च्या पुणे आवृत्तीचे निवासी संपादक पराग करंदीकर यांनी प्रास्ताविक केले; तर वृत्तसंपादक श्रीधर लोणी यांनी आभार मानले. स्पेशल करस्पॉडंट सिद्धार्थ केळकर यांनी सूत्रसंचालन केले. मान्यवरांचा प्रेरणादायी संवाद, विद्यार्थ्यांची हृद्य मनोगते आणि ‘मटा’च्या वाचकांची उत्स्फूर्त उपस्थिती यांमुळे हा सोहळा वेगळ्या उंचीवर पोहोचला.