म. टा. प्रतिनिधी, पुणे मुंबई दहशतवाद विरोधी पथकाने बुधवारी पुण्यात धडक कारवाई करून मेफेड्रॉनची (एमडी ड्रग्ज) फॅक्टरीच उद्ध्वस्त केली आहे. पुरंदर तालुक्यातील दिवे येथे ही कारवाई करण्यात आली. दिवे येथील अल्फा केमिकल कंपनीत ड्रग्जची फॅक्टरीच थाटण्यात आल्याची माहिती दहशतवाद विरोधी पथकाला मिळाली होती. त्याआधारे कारवाई करून 'एमडी ड्रग्ज'चा राज्यातील सर्वांत मोठा अड्डा उद्ध्वस्त करण्यात आला. या कारवाईत ४.२ कोटी रुपये किमतीचे अमली पदार्थ आणि ८० कोटी रुपये किमतीचे केमिकलही जप्त करण्यात आले. 'महाराष्ट्र एटीएस'च्या जूहू युनिटच्या अधिकाऱ्यांनी महेंद्र पाटील आणि संतोष अडाके या दोघांना डिसेंबर महिन्यात अटक केली होती. त्यावेळी पुण्याच्या सासवड तालुक्यातील एका कारखान्यातून १४ किलो 'एमडी' हस्तगत केले होते. तपासामध्ये अडाके याचा आणखी एक कारखाना असून, या ठिकाणीही 'एमडी' तयार केले जात असल्याची माहिती समजली. 'अल्फा केमिकल' या कंपनीत एटीएस अधिकारी दया नायक यांच्या पथकाने छापा टाकला. या छाप्यात पाच कोटी रुपये किमतीचे एमडी ड्रग्ज आणि हे ड्रग्ज तयार करण्यासाठी लागणारे ८० कोटी रुपये किमतीचे केमिकल सापडले, अशी महिती एटीएसच्या अधिकाऱ्यांनी दिली.
'मेफेड्रॉन' ड्रग्जचाप्रकल्प उद्ध्वस्त
म टा प्रतिनिधी, पुणेमुंबई दहशतवाद विरोधी पथकाने बुधवारी पुण्यात धडक कारवाई करून मेफेड्रॉनची (एमडी ड्रग्ज) फॅक्टरीच उद्ध्वस्त केली आहे...
महाराष्ट्र टाइम्स.कॉम 21 Feb 2020, 4:00 am