म. टा. प्रतिनिधी, पिंपरी पावसामुळे मेट्रो मार्गिकेतील रस्त्यांवर पडलेले खड्डे, पदपथ, गटारांची झाकणे, दुरुस्तीचे काम पुणे महामेट्रोने हाती घेतले आहे. त्यासाठी विशेष कृती दल स्थापन करण्यात आले आहे. पिंपरी-चिंचवड शहरात गेल्या काही दिवसांपासून जोरदार पाऊस पडत आहे. त्यामुळे रस्ते खराब झाले आहेत. पुणे मेट्रोच्या मार्गिकेतील रस्त्यांवरील खड्डे बुजविण्याचे काम हाती घेतले आहे. पदपथ, गटारांची झाकणे, पावसाचे पाणी वाहून नेणारे पाइप यांची दुरुस्ती केली जात आहे. गेल्या काही दिवसात पिंपरी महापालिका भवन ते सिव्हिल कोर्ट या मार्गिकेतील ४३५ पावसाळी खड्डे, ६० गटारांचे झाकणे दुरुस्त करण्यात आली आहेत. हे पावसाळी खड्डे बुजवण्यासाठी एक विशेष कृती दल स्थापन केला आहे. 'महामेट्रो'ने ठिकठिकाणी वाहतूक दिशादर्शक चिन्हे, वाहतूक चिन्हे, दिवे, वाहतूक फलक, लावले असून त्यामुळे वाहतूक नियमन करण्यास मदत होत आहे, असे 'महामेट्रो'ने स्पष्ट केले आहे.
खड्डे दुरुस्तीसाठी 'मेट्रो'चे कृतिदल
म टा प्रतिनिधी, पिंपरीपावसामुळे मेट्रो मार्गिकेतील रस्त्यांवर पडलेले खड्डे, पदपथ, गटारांची झाकणे, दुरुस्तीचे काम पुणे महामेट्रोने हाती घेतले आहे...
महाराष्ट्र टाइम्स.कॉम 10 Aug 2019, 4:00 am