म. टा. प्रतिनिधी, पुणे
रस्ते अपघातानंतर वैद्यकीय विमा मिळाला असला, तरीही मोटार अपघात न्यायाधिकरणाकडे दावा दाखल केल्यास वाहन विमा कंपनीकडूनही नुकसान भरपाई मिळू शकते. पुणे जिल्हा विधी सेवा प्राधिकरणातर्फे घेण्यात आलेल्या महालोकअदालतीचे आयोजन करण्यात आले होते. यामध्ये एका व्यक्तीला आठ लाख रुपयांची नुकसानभरपाई देण्याचा आदेश वाहन विमा कंपनीला मोटार अपघात न्यायाधिकरणाने दिला. तत्पूर्वी त्याला वैद्यकीय विम्याचीही रक्कम मिळाली होती.
शनिवारी झालेल्या महालोकअदालतीत हा दावा निकाली काढण्यात आला. प्रवीण नारायण कांबळे (वय ३९) यांनी अॅड. जी. पी. शिंदे यांच्यामार्फत न्यू इंडिया इन्शुरन्स कंपनीच्या विरोधात दावा दाखल केला होता. मार्च २०१७ मध्ये गोखले रस्त्यावर (फर्ग्युसन कॉलेज रस्ता) कांबळे यांनी दुचाकी लावली होती. कारवाई करून पोलिस दुचाकी उचलून नेत होते. कांबळे दंड भरायला तयार झाले. ते पोलिसांना दंड देत होते त्या वेळी त्यांना एका चारचाकी वाहनाने मागून धडक दिली. त्यात त्यांच्या डाव्या पायाला गंभीर जखम झाली होती. त्यामुळे त्यांना खासगी रुग्णालयात दाखल करण्यात आले. उपचारांसाठी एकूण सात लाख रुपये खर्च त्यांना आला. ही रक्कम वैद्यकीय विम्यातून मंजूर करण्यात आली होती.
कांबळे किचनची ट्रॉली बनविण्याचे काम करत. अपघातामुळे ते सहा महिने ते काही काम करू शकले नाहीत. कायमस्वरूपी अपंगत्व, वेदना, कामावर जाता न आल्याने उत्पन्नाचे झालेले नुकसान, रुग्णालयात राहायला लागलेला कालावधी, कुटुंबीयांची झालेली वाताहत, सतत किमान एका व्यक्तीला बरोबर राहावे लागणे आणि रुग्णालयातून ये-जा करण्यासाठी आलेला खर्च याची सर्वसामान्य (जनरल डॅमेज) नुकसानभरपाई मिळू शकते, असे त्यांना वकिलांनी सांगितले होते. त्यांनी अॅड. जी. पी. शिंदे यांच्यामार्फत कारची विमा कंपनी असलेल्या न्यू इंडिया इन्शुरन्स कंपनीच्या विरोधात दावा दाखल केला होता. या दाव्यात त्यांना आठ लाख रुपये नुकसानभरपाई मिळाली.
वैद्यकीय विमा मिळाल्यास वाहन विमा कंपनीकडून नुकसानभरपाई मिळणार नाही, असा समज सामान्यांमध्ये आहे. त्यामुळे त्याकडे दुर्लक्ष केले जाते. अपघातात जखमी झालेल्या व्यक्तीला वैद्यकीय विमा मिळतोच; तसेच मोटार अपघात न्यायाधिकरणाकडे दाद मागितल्यास वाहन विमा कंपनीकडूनही नुकसानभरपाई मिळू शकते. असे अॅड. जी. पी. शिंदे यांनी सांगितले.
रस्ते अपघातानंतर वैद्यकीय विमा मिळाला असला, तरीही मोटार अपघात न्यायाधिकरणाकडे दावा दाखल केल्यास वाहन विमा कंपनीकडूनही नुकसान भरपाई मिळू शकते. पुणे जिल्हा विधी सेवा प्राधिकरणातर्फे घेण्यात आलेल्या महालोकअदालतीचे आयोजन करण्यात आले होते. यामध्ये एका व्यक्तीला आठ लाख रुपयांची नुकसानभरपाई देण्याचा आदेश वाहन विमा कंपनीला मोटार अपघात न्यायाधिकरणाने दिला. तत्पूर्वी त्याला वैद्यकीय विम्याचीही रक्कम मिळाली होती.
शनिवारी झालेल्या महालोकअदालतीत हा दावा निकाली काढण्यात आला. प्रवीण नारायण कांबळे (वय ३९) यांनी अॅड. जी. पी. शिंदे यांच्यामार्फत न्यू इंडिया इन्शुरन्स कंपनीच्या विरोधात दावा दाखल केला होता. मार्च २०१७ मध्ये गोखले रस्त्यावर (फर्ग्युसन कॉलेज रस्ता) कांबळे यांनी दुचाकी लावली होती. कारवाई करून पोलिस दुचाकी उचलून नेत होते. कांबळे दंड भरायला तयार झाले. ते पोलिसांना दंड देत होते त्या वेळी त्यांना एका चारचाकी वाहनाने मागून धडक दिली. त्यात त्यांच्या डाव्या पायाला गंभीर जखम झाली होती. त्यामुळे त्यांना खासगी रुग्णालयात दाखल करण्यात आले. उपचारांसाठी एकूण सात लाख रुपये खर्च त्यांना आला. ही रक्कम वैद्यकीय विम्यातून मंजूर करण्यात आली होती.
कांबळे किचनची ट्रॉली बनविण्याचे काम करत. अपघातामुळे ते सहा महिने ते काही काम करू शकले नाहीत. कायमस्वरूपी अपंगत्व, वेदना, कामावर जाता न आल्याने उत्पन्नाचे झालेले नुकसान, रुग्णालयात राहायला लागलेला कालावधी, कुटुंबीयांची झालेली वाताहत, सतत किमान एका व्यक्तीला बरोबर राहावे लागणे आणि रुग्णालयातून ये-जा करण्यासाठी आलेला खर्च याची सर्वसामान्य (जनरल डॅमेज) नुकसानभरपाई मिळू शकते, असे त्यांना वकिलांनी सांगितले होते. त्यांनी अॅड. जी. पी. शिंदे यांच्यामार्फत कारची विमा कंपनी असलेल्या न्यू इंडिया इन्शुरन्स कंपनीच्या विरोधात दावा दाखल केला होता. या दाव्यात त्यांना आठ लाख रुपये नुकसानभरपाई मिळाली.
वैद्यकीय विमा मिळाल्यास वाहन विमा कंपनीकडून नुकसानभरपाई मिळणार नाही, असा समज सामान्यांमध्ये आहे. त्यामुळे त्याकडे दुर्लक्ष केले जाते. अपघातात जखमी झालेल्या व्यक्तीला वैद्यकीय विमा मिळतोच; तसेच मोटार अपघात न्यायाधिकरणाकडे दाद मागितल्यास वाहन विमा कंपनीकडूनही नुकसानभरपाई मिळू शकते. असे अॅड. जी. पी. शिंदे यांनी सांगितले.