लोणीकंद, शिक्रापूरजवळमध्ये ३२ लाख लुटले
म. टा. प्रतिनिधी, पुणे
लोणीकंद, शिक्रापूरजवळ रोकड घेऊन जाणाऱ्यांना सोमवारी आणि मंगळवारी लुटल्याने शहराच्या ग्रामीण भागात दहशत निर्माण झाली आहे. शिक्रापूरमध्ये चोरट्यांनी दुचाकी अडवून चाकूने वार करून १५ लाखांची रोकड पळविली. तर लोणीकंदमध्ये बुलेट अडवून पिस्तुलाच्या धाकाने १६ लाख ८५ हजार रुपये लुटले. या प्रकरणी लोणीकंद, शिक्रापूर पोलिस ठाण्यात गुन्हे दाखल करण्यात आले आहेत. गणेश धनकवडे (वय २२, रा. दत्त मंदिराजवळ, धनकवडी) यांनी दिलेल्या तक्रारीवरून लोणीकंद पोलिस ठाण्यात चौघांविरोधात गुन्हा दाखल झाला आहे. धनकवडे स्टील कंपनीने दुकानदारांना विक्री केलेल्या मालाचे पैसे गोळा करतात. दररोज रोख रक्कम गोळा करून त्याचा भरणा करतात. सोमवारी बुलेटवरून पैसे गोळा करून ते निघाले होते. त्यावेळी लोणीकंदजवळील महाराष्ट्र बँकेजवळ दोन दुचाकीवरून आलेल्या चौघांनी त्यांची बुलेट अडविली. त्यांना पिस्तुलाचा धाक दाखवून त्यांच्याजवळील सोळा लाख ७५ हजार रूपये रोख रक्कम असलेली बॅग हिसकावली. त्यांच्याजवळील मोबाइल काढून घेऊन आरोपी पसार झाले. त्यानंतर धनकवडे यांनी नागरिकांच्या मदतीने मालक, पोलिसांना घटनेची माहिती दिली. दुसरी घटना सोमवारी दुपारी घडली. मोहसीन रफीक तांबोळी (वय २९, रा. सुखसागरनगर, शिरूर) हे शिक्रापूर येथील रिलायन्सच्या पेट्रोल पंपावर काम करतात. रविवारी दिवसभर पेट्रोलपंपावर जमा झालेली रोकड सोमवारी दुपारी बँकेत भरण्यासाठी जात होते. त्यावेळी शिक्रापूरजवळील हर्षराज हॉटेलजवळ दुचाकीवरून आलेल्या दोघांनी त्यांना अडविले. त्यांना चाकूचा धाक दाखवून त्यांच्याकडील रोकड लुटण्याचा प्रयत्न केला. त्या वेळी तांबोळी यांनी चोरट्यांना विरोध केला. दरम्यान, एकाने जवळील चाकूने तांबोळी यांच्यावर वार केला. यामध्ये ते जखमी झाले आणि चोरट्यांनी तांबोळी यांच्याकडील १५ लाख रुपयांची बॅग घेऊन पोबारा केला. तांबोळी यांच्या तक्रारीवरून शिक्रापूर पोलिस ठाण्यात गुन्हा दाखल झाला आहे.
म. टा. प्रतिनिधी, पुणे
लोणीकंद, शिक्रापूरजवळ रोकड घेऊन जाणाऱ्यांना सोमवारी आणि मंगळवारी लुटल्याने शहराच्या ग्रामीण भागात दहशत निर्माण झाली आहे. शिक्रापूरमध्ये चोरट्यांनी दुचाकी अडवून चाकूने वार करून १५ लाखांची रोकड पळविली. तर लोणीकंदमध्ये बुलेट अडवून पिस्तुलाच्या धाकाने १६ लाख ८५ हजार रुपये लुटले. या प्रकरणी लोणीकंद, शिक्रापूर पोलिस ठाण्यात गुन्हे दाखल करण्यात आले आहेत. गणेश धनकवडे (वय २२, रा. दत्त मंदिराजवळ, धनकवडी) यांनी दिलेल्या तक्रारीवरून लोणीकंद पोलिस ठाण्यात चौघांविरोधात गुन्हा दाखल झाला आहे. धनकवडे स्टील कंपनीने दुकानदारांना विक्री केलेल्या मालाचे पैसे गोळा करतात. दररोज रोख रक्कम गोळा करून त्याचा भरणा करतात. सोमवारी बुलेटवरून पैसे गोळा करून ते निघाले होते. त्यावेळी लोणीकंदजवळील महाराष्ट्र बँकेजवळ दोन दुचाकीवरून आलेल्या चौघांनी त्यांची बुलेट अडविली. त्यांना पिस्तुलाचा धाक दाखवून त्यांच्याजवळील सोळा लाख ७५ हजार रूपये रोख रक्कम असलेली बॅग हिसकावली. त्यांच्याजवळील मोबाइल काढून घेऊन आरोपी पसार झाले. त्यानंतर धनकवडे यांनी नागरिकांच्या मदतीने मालक, पोलिसांना घटनेची माहिती दिली. दुसरी घटना सोमवारी दुपारी घडली. मोहसीन रफीक तांबोळी (वय २९, रा. सुखसागरनगर, शिरूर) हे शिक्रापूर येथील रिलायन्सच्या पेट्रोल पंपावर काम करतात. रविवारी दिवसभर पेट्रोलपंपावर जमा झालेली रोकड सोमवारी दुपारी बँकेत भरण्यासाठी जात होते. त्यावेळी शिक्रापूरजवळील हर्षराज हॉटेलजवळ दुचाकीवरून आलेल्या दोघांनी त्यांना अडविले. त्यांना चाकूचा धाक दाखवून त्यांच्याकडील रोकड लुटण्याचा प्रयत्न केला. त्या वेळी तांबोळी यांनी चोरट्यांना विरोध केला. दरम्यान, एकाने जवळील चाकूने तांबोळी यांच्यावर वार केला. यामध्ये ते जखमी झाले आणि चोरट्यांनी तांबोळी यांच्याकडील १५ लाख रुपयांची बॅग घेऊन पोबारा केला. तांबोळी यांच्या तक्रारीवरून शिक्रापूर पोलिस ठाण्यात गुन्हा दाखल झाला आहे.