म. टा. प्रतिनिधी, पुणे
पोलिसांनी फिरण्याच्या वेळांवर घातलेली बंधने, हॉटेलमधील प्रतीक्षा यादी, वाहतूक कोंडी आणि गर्दी टाळण्यासाठी नागरिकांनी यंदा घरच्या घरी किंवा वीकेंड होममध्ये नववर्षाचे स्वागत करण्याचे ठरवले आहे. लोकांचा कल लक्षात घेऊन हॉटेलचालकांनी होम डिलिव्हरीचे अनेक पर्याय ग्राहकांना देऊन त्यावर विशेष ऑफर आणि सवलतीही देऊ केल्या आहेत. घरगुती स्तरावर केटरिंग करणाऱ्यांनीही ३१ डिसेंबरच्या रात्रीसाठी स्वतंत्र मेन्यू कार्ड तयार केले असून, त्यांच्याकडे ग्राहकांनी पदार्थांच्या बुकिंगला सुरुवातही केली आहे.
गेल्या काही वर्षांपासून ३१ डिसेंबरच्या रात्री रंगणाऱ्या पार्ट्यांबद्दल प्रशासनाने अनेक बंधने आणली आहेत. पार्टी झाल्यावर मध्यरात्रीनंतर प्रवास करताना वाहतूक कोंडी, पोलिसांच्या वेगवेगळ्या तपासण्यांना सामोरे जावे लागते. मद्यपींकडूनही गैरप्रकार घडतात. त्यामुळे कुटुंबांना रात्रीअपरात्री हॉटेलमध्ये थांबण्याऐवजी मित्रमंडळींबरोबर किंवा नातेवाइकांबरोबर घरी निवांत बसून गप्पांची मैफल जमवणे अधिक सोयीस्कर वाटते. घरगुती पार्ट्यांवर वेळेचे बंधन नसल्याने तरुण मंडळींनाही हा पर्याय सोयीचा वाटत आहे.
पावभाजी, बिर्याणीला सवार्धिक मागणी
रात्री उशिरा घरातून बाहेर पडता येणार नसल्याने लवकर घरी आणून ठेवता येतील आणि पटकन खाण्यासाठी योग्य अशा पदार्थांना नागरिकांची सर्वाधिक मागणी आहे. शाकाहारी आणि मांसाहारी प्रकारातील विविध स्टार्टर्स, बिर्याणी, पुलाव, पावभाजीला लोकांची पसंती मिळते आहे. पिझ्झा, ब्रेडचे वेगवेळे प्रकार, पेस्ट्रीज, केक, मफिनलाही मागणी आहे.
'गेल्या काही वर्षात लोकांनी प्रशासनाच्या नियमांमध्ये अडकायला नको म्हणून घरीच किंवा एखाद्या फार्म हाउसमध्ये जाऊन नववर्षाचे स्वागत करण्यास सुरुवात केली आहे. यंदा करोनामुळे परगावची तरुण मंडळी अद्याप पुण्यात परतलेली नाहीत. स्थानिकांनी घरगुती स्वरूपातच नववर्षाचे स्वागत करण्याचे नियोजन केले आहे. लॉकडाउनमध्ये अनेकांनी केटरिंग सुरू केल्याने नागरिकांना खाद्यपदार्थांचे अनेक पर्याय उपलब्ध आहेत. एकीकडे प्रशासकीय वेळेची मर्यादा आणि दुसरीकडे वाढलेली स्पर्धा यामुळे हॉटेल व्यावसायिकांचे नुकसान झाले आहे,' अशी माहिती स्पर्धा पुणे रेस्टॉरंट अँड हॉटेल असोसिशेनचे किशोर सरपोतदार यांनी दिली.
.
हॉटेलमधील गर्दी टाळण्यासाठी घरी बसून सेलिब्रेशन करण्याकडे नागरिकांचा कल आहे. करोनामुळे हॉटेलमधून खाद्य पदार्थ आणण्याऐवजी परिचयातील व्यक्तीकडे ऑर्डर देण्याचे प्रमाण अधिक आहे. यंदा आठवडाभर आधीच ३१ डिसेंबर आणि एक जानेवारीच्या ऑर्डर येत आहेत. बिर्याणी, स्टार्टर्स, पावभाजी अशा चटपटीत पदार्थांना पसंती आहे.
- कोमल कोनलाडे, केटरिंग सर्व्हिस
.
घरात, गच्चीवर निवांत बसून भरपूर गप्पांसह खाद्य पदार्थांचा आस्वाद घेणे लोकांना अधिक सोयीस्कर वाटते आहे. हॉटेलमधील गर्दी टाळण्यासाठी लोक परिचयातील विश्वासू लोकांना खाद्यपदार्थांची ऑर्डर देत आहेत. यात स्टार्टर्स, पुलाव, बिर्याणी, पुरीभाजी अशा पदार्थांना अधिक मागणी आहे.
- अश्विनी फणसळकर, केटरिंग सर्व्हिस
पोलिसांनी फिरण्याच्या वेळांवर घातलेली बंधने, हॉटेलमधील प्रतीक्षा यादी, वाहतूक कोंडी आणि गर्दी टाळण्यासाठी नागरिकांनी यंदा घरच्या घरी किंवा वीकेंड होममध्ये नववर्षाचे स्वागत करण्याचे ठरवले आहे. लोकांचा कल लक्षात घेऊन हॉटेलचालकांनी होम डिलिव्हरीचे अनेक पर्याय ग्राहकांना देऊन त्यावर विशेष ऑफर आणि सवलतीही देऊ केल्या आहेत. घरगुती स्तरावर केटरिंग करणाऱ्यांनीही ३१ डिसेंबरच्या रात्रीसाठी स्वतंत्र मेन्यू कार्ड तयार केले असून, त्यांच्याकडे ग्राहकांनी पदार्थांच्या बुकिंगला सुरुवातही केली आहे.
गेल्या काही वर्षांपासून ३१ डिसेंबरच्या रात्री रंगणाऱ्या पार्ट्यांबद्दल प्रशासनाने अनेक बंधने आणली आहेत. पार्टी झाल्यावर मध्यरात्रीनंतर प्रवास करताना वाहतूक कोंडी, पोलिसांच्या वेगवेगळ्या तपासण्यांना सामोरे जावे लागते. मद्यपींकडूनही गैरप्रकार घडतात. त्यामुळे कुटुंबांना रात्रीअपरात्री हॉटेलमध्ये थांबण्याऐवजी मित्रमंडळींबरोबर किंवा नातेवाइकांबरोबर घरी निवांत बसून गप्पांची मैफल जमवणे अधिक सोयीस्कर वाटते. घरगुती पार्ट्यांवर वेळेचे बंधन नसल्याने तरुण मंडळींनाही हा पर्याय सोयीचा वाटत आहे.
पावभाजी, बिर्याणीला सवार्धिक मागणी
रात्री उशिरा घरातून बाहेर पडता येणार नसल्याने लवकर घरी आणून ठेवता येतील आणि पटकन खाण्यासाठी योग्य अशा पदार्थांना नागरिकांची सर्वाधिक मागणी आहे. शाकाहारी आणि मांसाहारी प्रकारातील विविध स्टार्टर्स, बिर्याणी, पुलाव, पावभाजीला लोकांची पसंती मिळते आहे. पिझ्झा, ब्रेडचे वेगवेळे प्रकार, पेस्ट्रीज, केक, मफिनलाही मागणी आहे.
'गेल्या काही वर्षात लोकांनी प्रशासनाच्या नियमांमध्ये अडकायला नको म्हणून घरीच किंवा एखाद्या फार्म हाउसमध्ये जाऊन नववर्षाचे स्वागत करण्यास सुरुवात केली आहे. यंदा करोनामुळे परगावची तरुण मंडळी अद्याप पुण्यात परतलेली नाहीत. स्थानिकांनी घरगुती स्वरूपातच नववर्षाचे स्वागत करण्याचे नियोजन केले आहे. लॉकडाउनमध्ये अनेकांनी केटरिंग सुरू केल्याने नागरिकांना खाद्यपदार्थांचे अनेक पर्याय उपलब्ध आहेत. एकीकडे प्रशासकीय वेळेची मर्यादा आणि दुसरीकडे वाढलेली स्पर्धा यामुळे हॉटेल व्यावसायिकांचे नुकसान झाले आहे,' अशी माहिती स्पर्धा पुणे रेस्टॉरंट अँड हॉटेल असोसिशेनचे किशोर सरपोतदार यांनी दिली.
.
हॉटेलमधील गर्दी टाळण्यासाठी घरी बसून सेलिब्रेशन करण्याकडे नागरिकांचा कल आहे. करोनामुळे हॉटेलमधून खाद्य पदार्थ आणण्याऐवजी परिचयातील व्यक्तीकडे ऑर्डर देण्याचे प्रमाण अधिक आहे. यंदा आठवडाभर आधीच ३१ डिसेंबर आणि एक जानेवारीच्या ऑर्डर येत आहेत. बिर्याणी, स्टार्टर्स, पावभाजी अशा चटपटीत पदार्थांना पसंती आहे.
- कोमल कोनलाडे, केटरिंग सर्व्हिस
.
घरात, गच्चीवर निवांत बसून भरपूर गप्पांसह खाद्य पदार्थांचा आस्वाद घेणे लोकांना अधिक सोयीस्कर वाटते आहे. हॉटेलमधील गर्दी टाळण्यासाठी लोक परिचयातील विश्वासू लोकांना खाद्यपदार्थांची ऑर्डर देत आहेत. यात स्टार्टर्स, पुलाव, बिर्याणी, पुरीभाजी अशा पदार्थांना अधिक मागणी आहे.
- अश्विनी फणसळकर, केटरिंग सर्व्हिस