Pune : आईच निघाली नराधम, पोटच्या अल्पवयीन मुलीचं आपल्या प्रियकराशी लावून दिलं लग्न

पुणे : पुण्यात माय-लेकीच्या नात्याला काळीमा फासणारी घटना समोर आली आहे. पोटच्या १५ वर्षीय अल्पवयीन मुलीचे लग्न आपल्या प्रियकराशी लावून दिल्याचा अतिशय संतापजनक प्रकार पुण्यासारख्या शहरात घडला आहे. याप्रकरणी चंदननगर पोलिसांनी नराधम आई आणि तिच्या प्रियकराला अटक केली आहे.

याप्रकरणात बलात्कार आणि बालविवाह प्रतिबंधक कायद्या अंतर्गत गुन्हा दाखल करण्यात आला आहे. वैरिणी माता चंद्रकला शहादेव मखर (वय-३६ सध्या रा. वडगाव शेरी ) आणि तिचा प्रियकर सागर जयराम दातखिळे ( वय - २८ रा. उस्मानाबाद ) यांना पोलिसांनी अटक केली आहे. चंदनगर पोलीस पुढील तपास करत आहेत.

एका लग्नसमारंभात आरोपी माता चंद्रकला आणि सागर यांची भेट झाली. या भेटीचे रूपांतर मैत्रीत झाले. पुढे सागरच्या पुण्यात चकरा वाढू लागल्या. तो चंद्रकालाच्या वडगावशेरी येथील घरी सारखा येत असे. त्यामुळे पीडित मुलीला आपली आई आणि सागर यांच्या नात्याची भनक लागली. त्यानंतर आरोपी आईने आपल्या अल्पवयीन मुलीवर सागरशी विवाह करण्याचा दबाव टाकला. तसे नाही केल्यास आपण आत्महत्या करू धमकी दिली. त्यानंतर पीडिता आणि आरोपी सागर यांचा विवाह लावून दिला, अशी माहिती पोलिसांनी दिली आहे.

पुण्यात मांजर समजून बिबट्याचा बछडा पाळला, दूध-ब्रेड खायला दिलं पण काही दिवसांनी अनर्थ घडला

लग्नानंतर सागरने पीडितेवर बलात्कार केला. पीडितेने हा सगळा प्रकार आपल्या शाळेतील एका मित्राला सांगितला. त्यानंतर ही धक्कादायक घटना त्या परिसरात राहणाऱ्या एका महिलेला समजली. नंतर त्या संबंधित महिलेने पीडित मुलीला घेऊन थेट चंदनगर पोलीस स्टेशन गाठले आणि हा सगळा धक्कादायक प्रकार उघडकीस आला. पीडितेच्या तक्रारीनंतर पोलिसांनी आरोपी चंद्रकला आणि तिचा प्रियकर सागर यांना अटक केली असून पुढील तपास सुरू आहे.

अदर पुनावालांना १ कोटीचा गंडा घातला; पुणे पोलिसांची बिहारमध्ये धडक कारवाई,