पुण्यात सासू-सुनेचा बिझनेस पाहून पोलिसही चक्रावले, डोक्यावरील पिशव्या उघडताच फुटला घाम

पुणे : पुण्यात गुन्ह्यांच्या घटनांमध्ये मोठ्या प्रमाणात वाढ होत असताना आता आणखी एक भयंकर प्रकार समोर आला आहे. पुण्यातल्या लोणी काळभोर इथे एका सासू-सुनेवर पोलिसांनी कारवाई केली आहे. अमली पदार्थांची विक्री करणाऱ्या सासू-सुनेला अटक करण्यात आली आहे. लोणी काळभोर परिसरात ही कारवाई करण्यात आली. अमली पदार्थ विरोधी पथकाने त्यांच्याकडून चार लाख १२ हजार रुपये किंमतीचा २० किलो गांजा जप्त केला.

लोणी काळभोर परिसरातील सोरतापवाडी परिसरात दोन महिला गांजा विक्री करण्यासाठी येणार असल्याची माहिती अमली पदार्थ विरोधी पथकाला मिळाली. यानंतर पोलिसांच्या पथकाने सापळा लावला. त्या वेळी दोन महिला डोक्यावर पिशवी घेऊन निघाल्या होत्या. पोलिसांना संशय आल्याने त्यांची चौकशी करण्यात आली. त्यांच्याकडील पिशवीची पाहणी करण्यात आली. तेव्हा पिशवीत गांजा आढळून आला. त्यांच्याकडून २० किलो ६५० ग्रॅम गांजा जप्त करण्यात आला.

पृथ्वीपेक्षा दुप्पट मोठा ग्रह सापडला, शास्त्रज्ञही हैराण; मानवाला मिळणार नवीन जागा?
पोलिस उपायुक्त अमोल झेंडे, सहायक आयुक्त गजानन टोम्पे यांच्या मार्गदर्शनाखाली वरिष्ठ पोलीस निरीक्षक विनायक गायकवाड, सहायक निरीक्षक लक्ष्मण ढेंगळे, शैलजा जानकर, सुजित वाडेकर, मनोज साळुंके, मारुती पारधी, विशाल दळवी यांच्या पथकाने ही कारवाई केली.