आई-वडिलांनी पोटच्या पोराला २ वर्षे श्‍वानांसोबत कोंडून ठेवलं, कारण समजताच पोलिसही चक्रावले

पुणे : पुण्यात एक माणुसकीला काळीमा फासणारी घटना समोर आली आहे. इथे एका आई-वडिलांनी चक्क आपल्या पोटच्या पोराला तब्बल दोन वर्ष श्वानांसोबत घरात कोंडून ठेवलं होतं. या घटनेमुळे संपूर्ण परिसरात खळबळ उडाली असून या प्रकरणी आता आईला शिक्षा देण्यात आल्याची माहिती आहे.

मिळालेल्या माहितीनुसार,भटक्‍या श्‍वानांसोबत मुलाला कोंडून ठेवणाऱ्या आईला कोंढवा पोलिसांनी अटक केली आहे. न्यायालयाने या महिलेला न्यायालयीन कोठडी सुनावली आहे. शाळेत भांडण केल्यानंतर मुलाने इतर मुलांच्या अंगावर धावून त्यांचा चावा घेतल्यामुळे मुलाला त्याच्या आई-वडिलांनी दोन वर्षे घरात श्‍वानांसोबत कोंडून ठेवल्याचा प्रकार उघडकीस आला होता.

रामदास आठवले, प्रकाश आंबेडकर हे पंतप्रधान मोदींचे दास; नितीन राऊतांची टीका
'चाइल्ड लाइन' स्वयंसेवी संस्थेला ही माहिती मिळाल्यानंतर त्यांनी पोलिसांच्या मदतीने मुलाची सुटका केली होती. मुलाला बालगृहात पाठविण्यात आले असून, त्याची वैद्यकीय तपासणी करण्यात आली आहे. त्याची तब्येत ठीक असून, त्याला कोणताही त्रास नसल्याचे वैद्यकीय अहवालातून स्पष्ट झाले आहे. महिलेने केलेल्या जामीन अर्जावर १७ मे रोजी सुनावणी होणार आहे.

मुंबई-पुणे एक्सप्रेसवर वाहनांच्या लांबच-लांब रांगा, सुट्टीमुळे बाहेर पडलेल्या पर्यटकांची कोंडी