'एमटी एज्युफेस्ट'
येत्या शनिवारपासून
म. टा. प्रतिनिधी, पुणे
दहावी-बारावीनंतरच्या करिअरसंधी, पारंपरिक अभ्यासक्रमासोबतच नावीन्यपूर्ण अभ्यासक्रमांची माहिती, बाजारपेठेच्या मागणीनुसार येऊ घातलेले व्यावसायिक अभ्यासक्रम, रोजगाराच्या संधी अशा अनेक गोष्टींची माहिती विद्यार्थी आणि पालकांना 'एमटी एज्युफेस्ट'मध्ये मिळणार आहे. येत्या शनिवारी (२ जून) आणि रविवारी (३ जून) गणेश कला क्रीडा मंच येथे आयोजित केलेल्या या फेस्टमध्ये शिक्षण आणि उद्योग क्षेत्रातील तज्ज्ञांचे मार्गदर्शन विनामूल्य ऐकायला मिळणार आहे.
'एमटी एज्युफेस्ट २०१८ पॉवर्ड बाय एमटी प्लॅनेट कॅम्पस'मध्ये विविध शैक्षणिक प्रश्नांची उत्तरे विद्यार्थी-पालकांना मिळणार आहे. यासोबतच त्यांच्या शंकांचे निरसन या फेस्टमध्ये होणार आहे. बारावीनंतर विद्यार्थ्यांनी कोणत्या अभ्यासक्रमांना प्रवेश घ्यावा, व्यावसायिक अभ्यासक्रमांच्या प्रवेश प्रक्रिया कशा पद्धतीने राबविण्यात येतात, राज्यातील आणि देशातील उत्तम शैक्षणिक संस्था कोणत्या आदींची सविस्तर माहिती 'एज्युफेस्ट'मध्ये असलेल्या स्टॉलमधून मिळणार आहे. या 'एज्युफेस्ट'मध्ये २५ पेक्षा अधिक स्टॉल असून, त्यामध्ये अभ्यासक्रम आणि करिअरची माहिती सांगणारे तज्ज्ञ उपस्थित राहणार आहेत. या फेस्टमध्ये रोजगाराच्या संधी आणि त्यासाठी असलेल्या पूरक अभ्यासक्रमांची माहितीही तज्ज्ञांकडून मिळणार आहे. दहावीनंतर अकरावीला प्रवेश घ्यावा, का व्यावसायिक डिप्लोमा कोर्सला प्रवेश घ्यावा, याबाबत विद्यार्थ्यांमध्ये गोंधळाची स्थिती असते. विद्यार्थ्यांच्या मनातील गोंधळ या 'एज्युफेस्ट'मध्ये दूर होऊन त्यांना प्रवेशाबाबत योग्य मार्गदर्शन मिळणार आहे. फेस्टमध्ये तज्ज्ञांची काही विशेष मार्गदर्शन सत्रे आयोजित करण्यात येणार आहेत. या सत्रांमध्ये विद्यार्थी-पालकांना करिअरच्या नवीन वाटांची माहिती मिळेल
'एमटी एज्युफेस्ट'ची वैशिष्ट्ये
- २५ पेक्षा अधिक स्टॉल
- तज्ज्ञांकडून करिअर मार्गदर्शन
- विशेष मार्गदर्शन सत्रांचे आयोजन
- नवीन अभ्यासक्रमांची माहिती
वेळापत्रक
कार्यक्रमाचे नाव : एमटी एज्युफेस्ट
तारीख : २ आणि ३ जून
वेळ : सकाळी १०.३० ते सायंकाळी ७
स्थळ : गणेश कला क्रीडा मंच, स्वारगेट
(सर्वांना प्रवेश विनामूल्य)
---