हिरव्यागार शेतातून अवतरले विठुराया; मुळशीत इंजिनिअरने भातशेतीत साकारली १२० फूट प्रतिकृती

मुळशी : संत ज्ञानेश्वर महाराज आणि संत तुकाराम महाराज यांची पालखी लवकरच पंढरपूरमध्ये दाखल होत आहे. संपूर्ण राज्यात पंढरीच्या वारीचा उत्साह पाहायला मिळत असून मुळशी तालुक्यातील वातुंडे गावातील लक्ष्मी आणि बाळकृष्ण शिंदे या दाम्पत्याने आपल्या शेतात भात रोपांद्वारे अनोखी अशी १२० फूट लांब विठ्ठलाची प्रतिकृती साकारली आहे. पंढरीची वारी सुरू असतानाच साकारण्यात आलेली ही भातरुपी विठ्ठलाची प्रतिकृती पाहण्यासाठी आता परिसरातील नागरिकांची मोठी गर्दी होऊ लागली आहे.

सिव्हिल इंजिनिअर असलेल्या बाळकृष्ण शिंदे यांनी सुरुवातीला अ‍ॅटोकॅडमध्ये डिझाईन तयार केले. ते जमिनीवर रेखाटून त्यावर फक्की टाकली आणि महिनाभरापूर्वी या शेतजमिनीत भाताच्या रोपांची पेरणी केली. काही दिवसांपूर्वी पाऊस सुरू झाल्याने हे पीक बहरलं आणि बघता-बघता १२० फूट लांब आणि ६० फूट रूंद उंचीच्या विठ्ठलाचं सर्वांनाच दर्शन झालं.

'उद्धव ठाकरेंनी वर्षा बंगला सोडला तेव्हा महिला रडत होत्या; त्या अश्रूंमध्ये गद्दार वाहून जातील'

दरम्यान, मुठा नदीच्या काठावरील वातुंडे गावातील निसर्गरम्य परिसरात शिंदे कुटुंबियांनी साकारलेला विठ्ठल पाहाण्यासाठी पुण्यासह राज्यभरातून लोक येत आहे.