पिंपरी : लॉकडाउन सुरू असल्याने गप्पा मारत टाइमपास करण्यासाठी मित्रासोबत शेतात बसलेल्या एका तरुणाला मित्राने विहिरीत ढकलून देऊन त्याचा खून केला. गुरुवारी (७ मे) दुपारी खेड तालुक्यातील भांबोली येथे ही घटना घडली. पोलिसांनी आरोपी मित्राला अटक केली आहे. योगेश प्रकाश पडवळ (वय ३४, रा. शेलू, ता. खेड) असे अटक केलेल्या आरोपी मित्राचे नाव आहे; तर दिलीप गणपत घावटे (वय ३२) असे खून झालेल्या तरुणाचे नाव आहे. या प्रकरणी गणपत विष्णू घावटे (वय ५५, रा शेलू, ता खेड) यांनी चाकण पोलिस ठाण्यात फिर्याद दिली आहे. दिलीप आणि योगेश गुरुवारी सकाळी भांबोली गावातील शेतात फिरण्यासाठी गेले. त्या वेळी त्यांच्यात शाब्दिक वाद झाला. त्यातून योगेशने दिलीप यांना जवळच असलेल्या विहिरीत ढकलून देऊन त्यांचा खून केला. घटनेची माहिती मिळताच चाकण विभागाचे सहाय्यक पोलिस आयुक्त, वरीष्ठ निरीक्षक अशा वरिष्ठ अधिकाऱ्यांनी घटनास्थळी धाव घेतली. याबाबत गुन्हा नोंदवून आरोपीला अटक करण्यात आली आहे.
विहिरीत ढकलून मित्राचा खून
लॉकडाउन सुरू असल्याने गप्पा मारत टाइमपास करण्यासाठी मित्रासोबत शेतात बसलेल्या एका तरुणाला मित्राने विहिरीत ढकलून देऊन त्याचा खून केला...
महाराष्ट्र टाइम्स.कॉम 9 May 2020, 4:00 am