म. टा. प्रतिनिधी, पुणे
ख्यातनाम बासरीवादक पं. हरिप्रसाद चौरासिया यांचे बहारदार बासरीवादन...पं. विजय घाटे यांची तबलावादनाने मिळालेली उत्कृष्ट साथ आणि पं. भवानीशंकर यांच्या पखवाजवादनाने रंगलेल्या वाद्यमैफलीचा मनमुराद आनंद रसिकांनी लुटला. विविध राग, ताल यांचे बासरीवादनातून केलेले सादरीकरण आणि वाद्यांची जुगलबंदी अनुभविण्यासोबतच या तीन दिग्गज कलाकारांच्या कलाविष्काराला रसिकांनी भरभरून दाद दिली.
श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ यांच्यातर्फे ट्रस्टच्या शतकोत्तर रौप्यमहोत्सवी (१२५) वर्षानिमित्त गणेश कला क्रीडा मंच येथे सांस्कृतिक महोत्सव आयोजित करण्यात आला आहे. यामध्ये ही मैफल रंगली.
वाद्यमैफलीची सुरुवात पं. चौरासिया यांनी यमन रागाने केली. त्यांना पं. भवानीशंकर यांनी पखवाजवादनातून सुरेख साथ दिली. बासरीवादनात रुपक ताल सादर करताना पंडितजींना साथ देणाऱ्या पं. विजय घाटे यांच्या तबलावादनाने रसिक मंत्रमुद्ध झाले. दुर्गा रागातील बासरीवादनाने रसिकांवर मोहिनी घातली. पं. चौरासिया आणि पं. घाटे यांच्या बासरी-तबला वादनाला रसिकांनी उर्त्स्फूत दाद दिली. हंसध्वनी रागाच्या सादरीकरणाने वाद्यमैफलीची सुरेल सांगता झाली. बासरीवादनातून सुनील अवचट, देबोप्रिया चॅटर्जी-रणदिवे, सौरभ वर्तक यांनी पंडितजींना साथसंगत केली.
ख्यातनाम बासरीवादक पं. हरिप्रसाद चौरासिया यांचे बहारदार बासरीवादन...पं. विजय घाटे यांची तबलावादनाने मिळालेली उत्कृष्ट साथ आणि पं. भवानीशंकर यांच्या पखवाजवादनाने रंगलेल्या वाद्यमैफलीचा मनमुराद आनंद रसिकांनी लुटला. विविध राग, ताल यांचे बासरीवादनातून केलेले सादरीकरण आणि वाद्यांची जुगलबंदी अनुभविण्यासोबतच या तीन दिग्गज कलाकारांच्या कलाविष्काराला रसिकांनी भरभरून दाद दिली.
श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ यांच्यातर्फे ट्रस्टच्या शतकोत्तर रौप्यमहोत्सवी (१२५) वर्षानिमित्त गणेश कला क्रीडा मंच येथे सांस्कृतिक महोत्सव आयोजित करण्यात आला आहे. यामध्ये ही मैफल रंगली.
वाद्यमैफलीची सुरुवात पं. चौरासिया यांनी यमन रागाने केली. त्यांना पं. भवानीशंकर यांनी पखवाजवादनातून सुरेख साथ दिली. बासरीवादनात रुपक ताल सादर करताना पंडितजींना साथ देणाऱ्या पं. विजय घाटे यांच्या तबलावादनाने रसिक मंत्रमुद्ध झाले. दुर्गा रागातील बासरीवादनाने रसिकांवर मोहिनी घातली. पं. चौरासिया आणि पं. घाटे यांच्या बासरी-तबला वादनाला रसिकांनी उर्त्स्फूत दाद दिली. हंसध्वनी रागाच्या सादरीकरणाने वाद्यमैफलीची सुरेल सांगता झाली. बासरीवादनातून सुनील अवचट, देबोप्रिया चॅटर्जी-रणदिवे, सौरभ वर्तक यांनी पंडितजींना साथसंगत केली.