म. टा. प्रतिनिधी, कात्रज
स्व. राजीव गांधी प्राणिसंग्रहालयातील रिद्धी वाघिणीने कोजागिरी पौर्णिमेला (२३ ऑक्टोबर २०१८) चार बछड्यांना जन्म दिला होता. या एक मादी आणि तीन नर अशा चार बछड्यांचा नामकरण सोहळा सोमवारी महापौर मुक्ता टिळक यांच्या उपस्थितीत करण्यात आला. आकाश, सार्थक, गुरू आणि पौर्णिमा असे त्यांचे नामकरण करण्यात आले आहे.
महापौर टिळक यांच्यासह नगरसेवक वसंत मोरे, युवराज बेलदरे, उद्यान विभागप्रमुख अशोक घोरपडे, प्राणिसंग्रहालयाचे संचालक डॉ. राजकुमार जाधव, उपसंचालक डॉ. नवनाथ निघोट, अरुण कदम आणि क्रांतिसिंह नाना पाटील पशुवैद्यकीय हॉस्पिटलच्या विद्यार्थ्यांच्या उपस्थितीत वाघाच्या तीन नर बछड्यांचे अनुक्रमे सार्थक, आकाश आणि गुरू असे नामकरण करण्यात आले असून, मादी बछड्याचे नाव पौर्णिमा ठेवले आहे. नामकरण सोहळ्यानंतर पेढे वाटून आनंद साजरा करण्यात आला.
प्राणिसंग्रहालयातील पट्टेरी वाघ (रॉयल बंगाल टायगर) पर्यटकांच्या जिव्हाळ्याचा विषय आहे. बागीराम व रिद्धी या जोडप्यातील वाघिणीने पाच बछड्यांना जन्म दिला, त्यातील अपंग असलेल्या एका बछड्याचा मृत्यू झाला होता. काही दिवसांतच या बछड्यांना खंदकात पर्यटकांना पाहण्यासाठी सोडण्यात येईल; तसेच आगामी वर्षात दोन वाघ देऊन त्या बदल्यात पांढऱ्या वाघाची जोडी आणण्याचे नियोजन आहे, असे प्राणिसंग्रहालयाचे संचालक डॉ. राजकुमार जाधव यांनी सांगितले.
स्व. राजीव गांधी प्राणिसंग्रहालयातील रिद्धी वाघिणीने कोजागिरी पौर्णिमेला (२३ ऑक्टोबर २०१८) चार बछड्यांना जन्म दिला होता. या एक मादी आणि तीन नर अशा चार बछड्यांचा नामकरण सोहळा सोमवारी महापौर मुक्ता टिळक यांच्या उपस्थितीत करण्यात आला. आकाश, सार्थक, गुरू आणि पौर्णिमा असे त्यांचे नामकरण करण्यात आले आहे.
महापौर टिळक यांच्यासह नगरसेवक वसंत मोरे, युवराज बेलदरे, उद्यान विभागप्रमुख अशोक घोरपडे, प्राणिसंग्रहालयाचे संचालक डॉ. राजकुमार जाधव, उपसंचालक डॉ. नवनाथ निघोट, अरुण कदम आणि क्रांतिसिंह नाना पाटील पशुवैद्यकीय हॉस्पिटलच्या विद्यार्थ्यांच्या उपस्थितीत वाघाच्या तीन नर बछड्यांचे अनुक्रमे सार्थक, आकाश आणि गुरू असे नामकरण करण्यात आले असून, मादी बछड्याचे नाव पौर्णिमा ठेवले आहे. नामकरण सोहळ्यानंतर पेढे वाटून आनंद साजरा करण्यात आला.
प्राणिसंग्रहालयातील पट्टेरी वाघ (रॉयल बंगाल टायगर) पर्यटकांच्या जिव्हाळ्याचा विषय आहे. बागीराम व रिद्धी या जोडप्यातील वाघिणीने पाच बछड्यांना जन्म दिला, त्यातील अपंग असलेल्या एका बछड्याचा मृत्यू झाला होता. काही दिवसांतच या बछड्यांना खंदकात पर्यटकांना पाहण्यासाठी सोडण्यात येईल; तसेच आगामी वर्षात दोन वाघ देऊन त्या बदल्यात पांढऱ्या वाघाची जोडी आणण्याचे नियोजन आहे, असे प्राणिसंग्रहालयाचे संचालक डॉ. राजकुमार जाधव यांनी सांगितले.