म. टा. प्रतिनिधी, पुणेः महाराष्ट्र अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर (dr narendra dabholkar) हत्या प्रकरणातील आरोपींनी वकील व नातेवाईकांशी संपर्क साधण्यास मुदत देण्याची विनंती केली. न्यायालयाने ती मान्य केली असून, आता या प्रकरणात आरोपींवर दोषारोप निश्चित करण्यासाठी १५ सप्टेंबरला सुनावणी होणार आहे. आरोपीना गुन्हा कबूल आहे का? असे विचारले असता करोनामुळं नातेवाईक आणि वकिलांशी संपर्क साधता आलेला नाही, त्यामुळे मुदत मिळण्याची विनंती आरोपीनी केली. न्यायालयाने ती मान्य करीत न्यायाधीश एस. नावंदर यांनी १५ सप्टेंबरला दाभोलकर हत्याप्रकरणात सहभागी आरोपींवर दोषारोप पत्र निश्चित केले जाईल, असे सांगितले. मात्र आणखी मुदत वाढ देता येणार नाही, असेही त्यांनी स्पष्ट केले.
या प्रकरणातील आरोपी सचिन अंदुरे, विरेंद्रसिंह तावडे, ऍड संजीव पुनाळेकर व्हिडीओ कॉन्फरन्सिंगद्वारे सुनावणीसाठी हजर होते, तर आरोपी विक्रम भावे प्रत्यक्ष उपस्थित होते. पाचवा आरोपी शरद कळसकर अनुपस्थित होता.
वाचाः 'मंत्र्यांवर आरोप करण्यापूर्वी आयपीएस अधिकारी फडणवीसांना भेटतात'
सीबीआय तर्फे विशेष सरकारी वकील प्रकाश सूर्यवंशी आणि बचाव पक्षातर्फे वीरेंद्र इचलकरंजीकर यांनी कामकाज पाहिले. केंद्रीय अन्वेषण विभागाने (सीबीआय) दाखल केलेल्या दोषारोपपत्रात आरोपी डॉ. वीरेंद्रसिंह तावडे, सचिन अंदुरे, शरद कळसकर यांच्याविरोधात आरोपींवर कट रचणे, हत्या करणे, बेकायदा हालचाली प्रतिबंधक कायद्यानुसार (यूएपीए) आरोप ठेवण्यात आले आहेत. आरोपी अॅड. संजीव पुनाळेकर आणि विक्रम भावे यांच्यावर पुरावे नष्ट करणे आदी आरोप ठेवण्यात आले आहेत. यापैकी तावडे, अंदुरे आणि कळसकर कारागृहात असून, पुनाळेकर आणि भावे जामिनावर आहेत.
वाचाः बेळगाव निकालावर भाजपनं पेढे वाटणे म्हणजे...; संजय राऊतांची खोचक टीका
या प्रकरणातील आरोपी सचिन अंदुरे, विरेंद्रसिंह तावडे, ऍड संजीव पुनाळेकर व्हिडीओ कॉन्फरन्सिंगद्वारे सुनावणीसाठी हजर होते, तर आरोपी विक्रम भावे प्रत्यक्ष उपस्थित होते. पाचवा आरोपी शरद कळसकर अनुपस्थित होता.
वाचाः 'मंत्र्यांवर आरोप करण्यापूर्वी आयपीएस अधिकारी फडणवीसांना भेटतात'
सीबीआय तर्फे विशेष सरकारी वकील प्रकाश सूर्यवंशी आणि बचाव पक्षातर्फे वीरेंद्र इचलकरंजीकर यांनी कामकाज पाहिले. केंद्रीय अन्वेषण विभागाने (सीबीआय) दाखल केलेल्या दोषारोपपत्रात आरोपी डॉ. वीरेंद्रसिंह तावडे, सचिन अंदुरे, शरद कळसकर यांच्याविरोधात आरोपींवर कट रचणे, हत्या करणे, बेकायदा हालचाली प्रतिबंधक कायद्यानुसार (यूएपीए) आरोप ठेवण्यात आले आहेत. आरोपी अॅड. संजीव पुनाळेकर आणि विक्रम भावे यांच्यावर पुरावे नष्ट करणे आदी आरोप ठेवण्यात आले आहेत. यापैकी तावडे, अंदुरे आणि कळसकर कारागृहात असून, पुनाळेकर आणि भावे जामिनावर आहेत.
वाचाः बेळगाव निकालावर भाजपनं पेढे वाटणे म्हणजे...; संजय राऊतांची खोचक टीका