पुणे:
माओवाद्यांशी संबंध असल्याच्या कारणावरून अटक करण्यात आलेल्या सुरेंद्र गडलिंग, शोमा सेन, महेश राऊत, रोना विल्सन, सुधीर ढवळे यांच्या विरोधात आरोपपत्र दाखल करण्यासाठी ९० दिवसांची मुदतवाढ मिळावी यासाठी पुणे पोलिसांनी शनिवारी न्यायालयात अर्ज दाखल केला. या अर्जावर उद्या सकाळी दहा वाजता सुनावणी होणार आहे.
पोलिसांच्या अर्जावर आज संध्याकाळी सुनावणी व्हावी अशी मागणी जिल्हा सरकारी वकील उज्वला पवार यांनी केली होती. परंतु, बचाव पक्षाचे वकील संजय नहार आणि वकील राहुल देशमुख यांनी त्यास आक्षेप घेतला. आरोपींना हा अर्ज अभ्यासण्यासाठी वेळ मिळावा अशी मागणी त्यांनी न्यायालयाकडे केली. तसंच, ही सुनावणी सोमवारी ठेवण्याची मागणी केली. परंतु सरकार पक्षानं त्यास विरोध दर्शवला. सोमवारी उच्च न्यायालयात या प्रकरणात सुनावणी असल्यानं सोमवारी तपास अधिकाऱ्यांना उपस्थित राहणं शक्य नसल्याचं सांगितलं. त्यावर मध्यम मार्ग काढताना न्यायाधीश के. डी. वडणे यांनी या अर्जावर रविवारी सकाळी १० वाजता सुनावणी होईल, असं स्पष्ट केलं.
सोमवारी या प्रकरणाला ९० दिवसांचा कालावधी पूर्ण होत असून आरोपपत्र दाखल करण्यास मुदतवाढ न मिळाल्यास जामिनासाठी अर्ज दाखल करून जामीन मिळविणे सोपे होईल. देशभर लक्ष लागून राहिलेल्या या प्रकरणाची सुनावणी सोमवारी होईल. या प्रकरणात आरोपपत्र दाखल करण्यास मुदतवाढ मिळाल्यास आरोपपत्र दाखल न केल्याचा जामिनासाठी फायदा मिळू शकणार नाही.
माओवाद्यांशी संबंध असल्याच्या कारणावरून अटक करण्यात आलेल्या सुरेंद्र गडलिंग, शोमा सेन, महेश राऊत, रोना विल्सन, सुधीर ढवळे यांच्या विरोधात आरोपपत्र दाखल करण्यासाठी ९० दिवसांची मुदतवाढ मिळावी यासाठी पुणे पोलिसांनी शनिवारी न्यायालयात अर्ज दाखल केला. या अर्जावर उद्या सकाळी दहा वाजता सुनावणी होणार आहे.
पोलिसांच्या अर्जावर आज संध्याकाळी सुनावणी व्हावी अशी मागणी जिल्हा सरकारी वकील उज्वला पवार यांनी केली होती. परंतु, बचाव पक्षाचे वकील संजय नहार आणि वकील राहुल देशमुख यांनी त्यास आक्षेप घेतला. आरोपींना हा अर्ज अभ्यासण्यासाठी वेळ मिळावा अशी मागणी त्यांनी न्यायालयाकडे केली. तसंच, ही सुनावणी सोमवारी ठेवण्याची मागणी केली. परंतु सरकार पक्षानं त्यास विरोध दर्शवला. सोमवारी उच्च न्यायालयात या प्रकरणात सुनावणी असल्यानं सोमवारी तपास अधिकाऱ्यांना उपस्थित राहणं शक्य नसल्याचं सांगितलं. त्यावर मध्यम मार्ग काढताना न्यायाधीश के. डी. वडणे यांनी या अर्जावर रविवारी सकाळी १० वाजता सुनावणी होईल, असं स्पष्ट केलं.
सोमवारी या प्रकरणाला ९० दिवसांचा कालावधी पूर्ण होत असून आरोपपत्र दाखल करण्यास मुदतवाढ न मिळाल्यास जामिनासाठी अर्ज दाखल करून जामीन मिळविणे सोपे होईल. देशभर लक्ष लागून राहिलेल्या या प्रकरणाची सुनावणी सोमवारी होईल. या प्रकरणात आरोपपत्र दाखल करण्यास मुदतवाढ मिळाल्यास आरोपपत्र दाखल न केल्याचा जामिनासाठी फायदा मिळू शकणार नाही.