म. टा. प्रतिनिधी, पुणे
रास्ता पेठ भागातील सामाजिक कार्यकर्ते जितेंद्र जगताप यांना आत्महत्येस प्रवृत्त केल्याच्या आरोपावरून राष्ट्रवादी काँग्रेसचे नगरसेवक दीपक मानकर, बांधकाम व्यवसायिक सुधीर कर्नाटकी यांच्यासह चार ते पाच जणांविरुद्ध गुन्हा दाखल करण्यात आला आहे. जगताप यांनी आत्महत्येपूर्वी लिहलेल्या चिठ्ठीत मानकर आणि त्यांच्या साथीदारांनी धमकावून आत्महत्येस प्रवृत्त केल्याचे म्हटले होते. त्यानंतर लोहमार्ग पोलिसांनी हा गुन्हा दाखल करून पुणे पोलिसांकडे वर्ग केला आहे, अशी माहिती लोहमार्ग पोलिस ठाण्याचे वरिष्ठ पोलिस निरीक्षक मनोज खंडाळे यांनी दिली.
याबाबत जगताप यांचा मुलगा जयेश जगताप (वय २८, रा. घोरपडे पेठ) यांनी लोहमार्ग पोलिसांकडे तक्रार दिली आहे. घोरपडीतील लोहमार्गावर जितेंद्र जगताप यांनी शनिवारी दुपारी रेल्वेगाडी खाली उडी घेऊन आत्महत्या केली होती. जगताप यांच्या ताब्यात रास्ता पेठेतील जमीन आहे. ही जमीन समर्थ पोलिस ठाण्यासमोर आहे. या जमिनीचा ताबा मानकर आणि कर्नाटकी यांच्याकडे सुद्धा आहे. या जमिनीच्या ताब्यावरून जगताप यांचे मानकर आणि कर्नाटकी यांच्याबरोबर वाद होते. याविषयी त्यांच्यात बैठक झाली होती. जगताप यांनी ही जागा ताब्यात द्यावी, तसेच कोऱ्या कागदावर सही करावी, असा दबाब आणला जात होता. शुक्रवारी त्यांच्यात पुन्हा बैठक झाली. जगताप यांनी या घटनेची माहिती मुलगा जयेश याला दिली होती. शुक्रवारी झालेल्या बैठकीत मानकर, कर्नाटकी आणि साथीदारांनी जगताप यांना पुन्हा धमकावल्याचे तक्रारीत म्हटले आहे.
शनिवारी जगताप बैठकीस गेले. तेव्हा विनोद भोळे आणि त्यांच्या साथीदारांनी जगताप यांना धमकावले. त्यानंतर जगताप यांनी आत्महत्या केली. जगताप यांना घोरपडीत सोडण्यासाठी एक रिक्षाचालक गेला होता. त्या वेळी त्यांनी रिक्षाचालकाला चिठ्ठी दिली होती, असे तक्रारीत म्हटले आहे.
रास्ता पेठ भागातील सामाजिक कार्यकर्ते जितेंद्र जगताप यांना आत्महत्येस प्रवृत्त केल्याच्या आरोपावरून राष्ट्रवादी काँग्रेसचे नगरसेवक दीपक मानकर, बांधकाम व्यवसायिक सुधीर कर्नाटकी यांच्यासह चार ते पाच जणांविरुद्ध गुन्हा दाखल करण्यात आला आहे. जगताप यांनी आत्महत्येपूर्वी लिहलेल्या चिठ्ठीत मानकर आणि त्यांच्या साथीदारांनी धमकावून आत्महत्येस प्रवृत्त केल्याचे म्हटले होते. त्यानंतर लोहमार्ग पोलिसांनी हा गुन्हा दाखल करून पुणे पोलिसांकडे वर्ग केला आहे, अशी माहिती लोहमार्ग पोलिस ठाण्याचे वरिष्ठ पोलिस निरीक्षक मनोज खंडाळे यांनी दिली.
याबाबत जगताप यांचा मुलगा जयेश जगताप (वय २८, रा. घोरपडे पेठ) यांनी लोहमार्ग पोलिसांकडे तक्रार दिली आहे. घोरपडीतील लोहमार्गावर जितेंद्र जगताप यांनी शनिवारी दुपारी रेल्वेगाडी खाली उडी घेऊन आत्महत्या केली होती. जगताप यांच्या ताब्यात रास्ता पेठेतील जमीन आहे. ही जमीन समर्थ पोलिस ठाण्यासमोर आहे. या जमिनीचा ताबा मानकर आणि कर्नाटकी यांच्याकडे सुद्धा आहे. या जमिनीच्या ताब्यावरून जगताप यांचे मानकर आणि कर्नाटकी यांच्याबरोबर वाद होते. याविषयी त्यांच्यात बैठक झाली होती. जगताप यांनी ही जागा ताब्यात द्यावी, तसेच कोऱ्या कागदावर सही करावी, असा दबाब आणला जात होता. शुक्रवारी त्यांच्यात पुन्हा बैठक झाली. जगताप यांनी या घटनेची माहिती मुलगा जयेश याला दिली होती. शुक्रवारी झालेल्या बैठकीत मानकर, कर्नाटकी आणि साथीदारांनी जगताप यांना पुन्हा धमकावल्याचे तक्रारीत म्हटले आहे.
शनिवारी जगताप बैठकीस गेले. तेव्हा विनोद भोळे आणि त्यांच्या साथीदारांनी जगताप यांना धमकावले. त्यानंतर जगताप यांनी आत्महत्या केली. जगताप यांना घोरपडीत सोडण्यासाठी एक रिक्षाचालक गेला होता. त्या वेळी त्यांनी रिक्षाचालकाला चिठ्ठी दिली होती, असे तक्रारीत म्हटले आहे.